ମୁମ୍ବାଇ: ଜ୍ୟାକଲିନ ଫର୍ନାଡିଜ । ବଲିଉଡର ବ୍ୟସ୍ତ ନାୟିକା । ବଲିଉଡରେ ସକ୍ରିୟ ଥିବା ଏହି ନାୟିକା ସୋସିଆଲ ମିଡିଆରେ ବି ଖୁବ୍ ଆକ୍ଟିଭ । ସେ ସବୁବେଳେ ତାଙ୍କ ପ୍ରଶଂସକଙ୍କ ସହ ଯୋଡି ହୋଇ ରହିବାକୁ ଚାହାଁନ୍ତି । ସେଥିପାଇଁ ସେ ପ୍ରାୟ ସବୁ ସମୟରେ ତାଙ୍କର କିଛି ଫଟୋ ଓ ଭିଡିଓ ସୋସିଆଲ ମିଡିଆରେ ଶେୟାର କରିଥାନ୍ତି । ଯାହା ପ୍ରାୟ ସମସ୍ତଙ୍କୁ ପସନ୍ଦ ଆସିଥାଏ । ନିକଟରେ ସେ ଏମିତି କିଛି ଫଟୋ ଶେୟାର କରିଛନ୍ତି ଯାହା ଏବେ ଭାଇରାଲ ହେବାରେ ଲାଗିଛି । ୨୦୨୨ ପର୍ଯ୍ୟନ୍ତ ଜ୍ୟାକଲିନ ସମ୍ପୂର୍ଣ୍ଣ ଭାବେ ବିଜି କହିଲେ ଚଳେ । ଏବେ ତାଙ୍କ ହାତରେ ଅନେକ ଅଫର । ଏହି ଆଗଧାଡିର ନାୟିକା ଏବେ ତାଙ୍କ ପ୍ରଶଂସକଙ୍କ ଉଦ୍ଦଶ୍ୟରେ ଏମିତି କିଛି ଫଟୋ ଶେୟାର କରିଛନ୍ତି ଯାହା ଚର୍ଚ୍ଚାକୁ ଆସିଛି । ଫଟୋରେ ସେ ବ୍ଲାକ ବ୍ରାଲେଟ ଏବଂ ଶିମରି ଜ୍ୟାକେଟ ସହ କାଓ ବୁଟସ୍ ପିନ୍ଧିଥିବା ଦେଖାଯାଇଛି । ଏହାସହ ଜ୍ୟାକଲିନ ଗୋଲଡେନ୍ ବ୍ରେସଲେଟ, ଗୋଲଡେନ୍ ଚେନ ବଡ ବଡ ଇୟରିଂ ସହ ଡାର୍କ ଲିପଷ୍ଟିକରେ ଖୁବ୍ ସୁନ୍ଦର ଲାଗୁଛନ୍ତି । ଏହି ଫଟୋ ଶେୟାର କରିବା ସହ ଜ୍ୟାକଲିନ ଲେଖିଛନ୍ତି ଯେବେ ମୁଁ ପଜ୍ ବଟନ ଦବାଏ ଅର୍ଥାତ୍ କୌଣସି ଫିଲ୍ମର ଶୁଟିଂ କରୁ ନ ଥାଏ ସେତେବେଳେ ମୁଁ ବିଜିଥାଏ । କାରଣ ଫ୍ରି ଟାଇମରେ ସେ ଟ୍ରେନିଂ କରୁଥାଆନ୍ତି ବୋଲି କହିଛନ୍ତି । ଏବେ ଜ୍ୟାକଲିନଙ୍କ ହାତରେ ସର୍କସ, କିକ ୨, ବଚ୍ଚନ ପାଣ୍ଡେ, ରାମ ସେତୁ ତଥା ଆଟାକ ଆଦି ଫିଲ୍ମ ରହିଛି । ଏଥିରୁ କେତେକ ରିଲିଜ୍ ଅପେକ୍ଷାରେ ଥିବା ବେଳେ ଆଉ କିଛିର ଶୁଟିଂ ଚାଲିଛି ।
