ଉତ୍ତର କୋରିଆକୁ ଏକ ରହସ୍ୟମୟ ଦେଶ ଭାବରେ ବେଶ୍ ଜଣାଶୁଣା। ସାଧାରଣତଃ ଅତିଥିମାନଙ୍କୁ ହୋଟେଲର କୌଣସି ମହଲା ପରିଦର୍ଶନ କରିବାକୁ ଅନୁମତି ଦିଆଯାଏ ନାହିଁ ଏଭଳି କେଉଁଠି ହୋଇ ନଥାଏ। କିନ୍ତୁ ଉତ୍ତର କୋରିଆରେ ଏପରି ଏକ ହୋଟେଲ ଅଛି ଯେଉଁଠାରେ ପଞ୍ଚମ ମହଲାକୁ କାହାକୁ ଯିବାକୁ ଅନୁମତି ନାହିଁ । ଏହା ପଛରେ ଏକ ଗଭୀର ରହସ୍ୟ ଲୁଚି ରହିଛି। ଜାଣନ୍ତୁ ସେ ସମ୍ପର୍କରେ …
ଉତ୍ତର କୋରିଆର ଏହି ହୋଟେଲର ନାମ ହେଉଛି ୟାଙ୍ଗକାଡୋ। ଯାହା ରାଜଧାନୀ ପ୍ୟୋଙ୍ଗୟାଙ୍ଗରେ ଅଛି। ଏହି ହୋଟେଲ ଉତ୍ତର କୋରିଆର ସବୁଠାରୁ ବଡ ହୋଟେଲ । ଏହା ୟାଙ୍ଗଟାକ (ଦ୍ୱୀପ) ଓ ଟେଡୋଙ୍ଗ ନଦୀ ମଝିରେ ଅବସ୍ଥିତ। ଏହି ହୋଟେଲ ଉତ୍ତର କୋରିଆର ପ୍ରଥମ ବିଳାସପୂର୍ଣ୍ଣ ହୋଟେଲ ଅଟେ, ଯେଉଁଥିରେ ରୁମ ଭଡା ପ୍ରାୟ ୨୫ ହଜାର ଟଙ୍କା ।
କୁହାଯାଏ ଯେ, ଏହି ହୋଟେଲର ଲିଫ୍ଟରେ ପଞ୍ଚମ ମହଲାକୁ ଯିବାକୁ ବଟନ ନାହିଁ। ଏହାର ସ୍ପଷ୍ଟ ଅର୍ଥ ହେଉଛି ଯେ ଲୋକମାନେ ଅବଶିଷ୍ଟ ମହଲାକୁ ଯାଇପାରିବେ। ମାତ୍ର ପଞ୍ଚମ ମହଲାକୁ ଯାଇପାରିବେ ନାହିଁ । ଉତ୍ତର କୋରିଆ ଏ ବିଷୟରେ କଠୋର ନିୟମ ପ୍ରଣୟନ କରିଛି, ଯଦି ଜଣେ ବିଦେଶୀ ପଞ୍ଚମ ମହଲାକୁ ଯାଆନ୍ତି, ତେବେ ତାଙ୍କୁ ଏଠାରେ ଥିବା ଜେଲରେ ସବୁଦିନ ପାଇଁ ବନ୍ଦୀ ହୋଇ ରହିବାକୁ ପଡ଼ିବ।
୨୦୧୬ରେ, ଓଟୋ ୱାର୍ମବିୟର୍ ନାମକ ଜଣେ ଆମେରିକୀୟ ଛାତ୍ର ହୋଟେଲର ପଞ୍ଚମ ମହଲାକୁ ଯାଇଥିଲେ, ପରେ ହୋଟେଲର ପଞ୍ଚମ ମହଲାରେ ଏକ ପୋଷ୍ଟର ଉଚ୍ଛେଦ କରିଥିବାରୁ ପୋଲିସ ତାଙ୍କୁ ଗିରଫ କରିଥିଲା। ପରବର୍ତ୍ତୀ ସମୟରେ, ତାଙ୍କୁ ୧୫ ବର୍ଷ କାରାଦଣ୍ଡରେ ଦଣ୍ଡିତ କରାଯାଇଥିଲା। ପଚରାଉଚରା ବେଳେ ତାଙ୍କୁ ବହୁତ ନିର୍ଯାତନା ଦିଆଯାଇଥିଲା। ଯଦିଓ ପରେ ତାଙ୍କୁ ମୁକ୍ତ କରାଯାଇଥିଲା, ସେ ଆମେରିକା ଫେରିବା ପରେ କୋମାକୁ ଯାଇ ୨୦୧୭ ରେ ମୃତ୍ୟୁ ବରଣ କରିଥିଲେ।
ହୋଟେଲରେ ରହିଥିବା ଅନ୍ୟ ଜଣେ ଆମେରିକୀୟ କଲଭିନ ସନଙ୍କ ଅନୁଯାୟୀ, ହୋଟେଲର ପଞ୍ଚମ ମହଲାରେ ବଙ୍କର୍ ପରି ଛୋଟ କୋଠରୀଗୁଡ଼ିକ ନିର୍ମାଣ କରାଯାଇଛି ଏବଂ ଅଧିକାଂଶ କୋଠରୀ ତାଲା ପଡିଛି। ରୁମର କାନ୍ଥରେ ଚିତ୍ରଗୁଡ଼ିକ ଆମେରିକୀୟ ବିରୋଧୀ ଏବଂ ଜାପାନ ବିରୋଧରେ। କିଛି ଫଟୋ ଉତ୍ତର କୋରିଆର ଏକଛତ୍ରବାଦୀ ଶାସକ କିମ- ଜୋଙ୍ଗ-ଉନଙ୍କ ପିତା କିମ୍-ଜୋଙ୍ଗ-ଇଲଙ୍କ ମଧ୍ୟ ଅଟେ। କୁହାଯାଏ ଯେ ସେଠାରେ ତିଆରି ହୋଇଥିବା ପ୍ରତ୍ୟେକ ଚିତ୍ର ଉପରେ, ”ଆମେରିକାରେ ନିର୍ମିତ ସମସ୍ତ ଜିନିଷ ଆମର ଶତ୍ରୁ। ଆମେ ଆମେରିକାରୁ ହଜାରେ ଥର ପ୍ରତିଶୋଧ ନେବୁ“।
ସବୁଠାରୁ ଆଶ୍ଚର୍ଯ୍ୟଜନକ କଥା ହେଉଛି । ହୋଟେଲରେ କୌଣସି ପଞ୍ଚମ ମହଲା ନାହିଁ ବୋଲି ଉତ୍ତର କୋରିଆ ସରକାର କୁହନ୍ତି।
