ଇସ୍ରୋର ଭବିଷ୍ୟତ ମହାକାଶ କାର୍ଯ୍ୟକ୍ରମ

ପୂର୍ବତନ ସୋଭିଏଟ୍‌ ରୁଷ୍‌ ୧୯୫୭ ମସିହାରେ ପୃଥିବୀ କକ୍ଷକୁ ପ୍ରଥମ ଉପଗ୍ରହ ‘ସ୍ଫୁଟନିକ୍‌-୨’ ପଠାଇବା ପରେ ମହାକାଶ ଯୁଗ ଆରମ୍ଭ ହେଲା ଏବଂ ଏହା ପରେ ମହାକାଶ ଅଭିଯାନ କ୍ଷେତ୍ରରେ ରୁଷିଆ ଓ ଆମେରିକା ମଧ୍ୟରେ ପ୍ରତିଯୋଗିତା ଚାଲିଲା। ଭାରତ ଏଥିରେ ପଛରେ ପଡ଼ି ନ ଯାଇ ମହାକାଶ ଅଭିଯାନ କାର୍ଯ୍ୟକ୍ରମ ଆରମ୍ଭ କଲା। ବିକ୍ରମ ସରାଭାଇଙ୍କ ନେତୃତ୍ୱରେ ୧୯୬୨ ମସିହାରେ ମହାକାଶ ଗବେଷଣା ପାଇଁ ‘ଭାରତୀୟ ଜାତୀୟ କମିଟି’ ଗଠିତ ହୋଇ ମହାକାଶ ଗବେଷଣା ଆରମ୍ଭ ହେଲା ଏବଂ ଏହା ୧୯୬୯ ମସିହାରେ ‘ଭାରତୀୟ ମହାକାଶ ଗବେଷଣା କେନ୍ଦ୍ର’(Indian Space Research Organistaion,।SRO) (ଇସ୍ରୋ)ରେ ପରିଣତ ହେଲା।
ଇସ୍ରୋ ୧୯୭୫ ମସିହାରେ ଦେଶର ପ୍ରଥମ କୃତ୍ରିମ ଉପଗ୍ରହ ‘ଆର୍ଯ୍ୟଭଟ୍ଟ’କୁ ଉତ୍‌କ୍ଷେପଣ କରିବା ପରେ ଏପର୍ଯ୍ୟନ୍ତ ୧୨୦ରୁ ଅଧିକ ନିଜର ଉପଗ୍ରହକୁ ଅନ୍ତରୀକ୍ଷକୁ ପଠାଇଛି। ଏହା ୨୦୦୮ ମସିହାରେ ‘ଚନ୍ଦ୍ରୟାନ-୧’ ଅଭିଯାନରେ ଚନ୍ଦ୍ରରେ ଜଳର ସନ୍ଧାନ ପାଇଥିଲା। ଏହା ୨୦୧୪ ମସିହାରେ ସଫଳ ଭାବରେ ମଙ୍ଗଳ ଗ୍ରହକୁ ମଙ୍ଗଳଯାନ ପଠାଇଥିଲା ଏବଂ ପ୍ରଥମ ଚେଷ୍ଟାରେ ଏଥିରେ ସଫଳ ହେବାରେ ପ୍ରଥମ ଦେଶର ଗୌରବ ନେଇଥିଲା। ଚଳିତ ବର୍ଷ ଅଗଷ୍ଟ ୨୩ ତାରିଖରେ ଚନ୍ଦ୍ରର ଦକ୍ଷିଣ ମେରୁ ଅଞ୍ଚଳରେ ‘ଚନ୍ଦ୍ରୟାନ-୩’ର ଲ୍ୟାଣ୍ଡରକୁ ସୁରକ୍ଷିତ ଭାବରେ ଅବତରଣ କରି ଅନ୍ୟ ଏକ କୀର୍ତ୍ତି ଅର୍ଜନ କରିଛି। ଏହାପରେ ଚଳିତ ବର୍ଷ ସେପ୍ଟେମ୍ବର ୨ ତାରିଖରେ ସୂର୍ଯ୍ୟ ଅଭିମୁଖେ ‘ଆଦିତ୍ୟ ଏଲ୍‌-୧’ ଯାନକୁ ଉତ୍‌କ୍ଷେପଣ କରିଛି। ଏହିସବୁ ସଫଳତା ପରେ ଇସ୍ରୋ ଭବିଷ୍ୟତ ପାଇଁ କେତୋଟି ଆକର୍ଷଣୀୟ ମହାକାଶ ଅଭିଯାନର ଯୋଜନା କରିଛି।
ମହାକାଶକୁ ଭାରତୀୟ ମହାକାଶଚାରୀଙ୍କୁ ପ୍ରେରଣ
ଆଜି ପର୍ଯ୍ୟନ୍ତ ଯୁକ୍ତରାଷ୍ଟ୍ର ଆମେରିକା, ରୁଷିଆ ଓ ଚାଇନା ନିଜ ଯାନରେ ମହାକାଶଚାରୀଙ୍କୁ ମହାକାଶକୁ ପଠାଇଛନ୍ତି। ଇସ୍ରୋ ୨୦୨୫ ମସିହାରେ ତିନି ଜଣ ମହାକାଶଚାରୀଙ୍କୁ ନିଜସ୍ବ ‘ଗଗନଯାନ’ରେ ମହାକାଶକୁ ପଠାଇବ। ସେମାନେ ପୃ୍‌ଥିବୀଠାରୁ ୪୦୦ କିମି ଉଚ୍ଚରେ ପୃଥିବୀକୁ ପରିକ୍ରମଣ କରି ତିନି ଦିନ ପରେ ପୃଥିବୀକୁ ପ୍ରତ୍ୟାବର୍ତ୍ତନ କରିବେ। ଏହି ଗଗନଯାନର ଓଜନ ୩.୭ ଟନ୍‌ ହେବ। ଏଥିରେ ଦୁଇଟି କୋଠରି ଅଛି। ଗୋଟିଏ ହେଉଛି ମହାକାଶଚାରୀ କୋଠରି ଏବଂ ଅନ୍ୟଟି ସେବା କୋଠରି, ଯେଉଁଠି ଯାନର ଯନ୍ତ୍ରପାତି ଏବଂ ନିୟନ୍ତ୍ରଣ ବ୍ୟବସ୍ଥା ରହିବ। କୌଣସି ପ୍ରକାର ଅଘଟଣ ହେଲେ ମହାକାଶରୁ ମହାକାଶଚାରୀମାନଙ୍କୁ ନିରାପଦରେ ଭୂପୃଷ୍ଠକୁ ଫେରାଇ ଆଣିବା ପାଇଁ ଜରୁରିକାଳୀନ ବ୍ୟବସ୍ଥା ଅଛି।
ମହାକାଶଚାରୀମାନେ ମହାକାଶକୁ ଯିବା ପୂର୍ବରୁ ଇସ୍ରୋ କେତୋଟି ମାନବବିହୀନ ଯାନ ପଠାଇ ପରୀକ୍ଷା କରିବ। ଏହା ଏହି ବର୍ଷ ଅକ୍ଟୋବର ୨୧ ତାରିଖରେ ଏହାର ପ୍ରଥମ ପରୀକ୍ଷଣ ଉଡ଼ାଣ କରିଛି। ଏକ ପର୍ଯ୍ୟାୟବିଶିଷ୍ଟ ତରଳ ଇନ୍ଧନ ରକେଟରେ ମହାକାଶଚାରୀ ମଡ୍ୟୁଲ ଓ ମହକାଶଚାରୀଙ୍କ ଜରୁରିକାଳୀନ ପ୍ରତ୍ୟାବର୍ତ୍ତନ ବ୍ୟବସ୍ଥାକୁ ଭୂପୃଷ୍ଠରୁ ୧୬ କିମି ଉଚ୍ଚକୁ ପଠାଯାଇ ଏହାକୁ ଫେରାଇ ଅଣାଯାଇ ବଙ୍ଗୋପସାଗରରେ ପକାଯାଇଛି ଏବଂ ସେଠାରୁ ନୌବାହିନୀ ଜାହାଜ ଏହାକୁ ଉଦ୍ଧାର କରିଛି। ଏହାପରେ ଆଉ କେତୋଟି ପରୀକ୍ଷଣ ପରେ ଦ୍ୱିତୀୟ ପର୍ଯ୍ୟାୟରେ ‘ବ୍ୟୋମମିତ୍ର’ ନାମକ ଗୋଟିଏ ରୋବୋଟ ପଠାଇ ପରୀକ୍ଷା କରାଯିବ।
ଶୁକ୍ର ଅଭିଯାନ
ଶୁକ୍ର ହେଉଛି ଆମର ଅନ୍ୟତମ ପଡ଼ୋଶୀ ଗ୍ରହ। ଏହାର ପୃଷ୍ଠ ଓ ବାୟୁମଣ୍ଡଳକୁ ଅଧ୍ୟୟନ କରିବା ପାଇଁ ଇସ୍ରୋ ସେଠାକୁ ‘ଶୁକ୍ରଯାନ-୧’ ପଠାଇବା ପାଇଁ ଯୋଜନା କରିଛି। ଏଥିରେ ଯୋଗଦେବା ପାଇଁ ଫ୍ରାନ୍‌ସ ଅନୁରୋଧ କରିଛି। ଫ୍ରାନ୍ସର ଗୋଟିଏ ଯନ୍ତ୍ର ଏଥିରେ ଖଞ୍ଜାଯିବ। ‘ଶୁକ୍ରଯାନ-୧’ ଶୁକ୍ର କକ୍ଷରେ ପରିକ୍ରମଣ କରି ଚିତ୍ର ଉତ୍ତୋଳନ କରିବ।
ମଙ୍ଗଳଯାନ-୨
୨୦୧୪ ମସିହାରେ ‘ମଙ୍ଗଳଯାନ-୧’ର ସଫଳତା ପରେ ଇସ୍ରୋ ୨୦୨୪ ମସିହାରେ ‘ମଙ୍ଗଳଯାନ-୨’ ଉତ୍‌କ୍ଷେପଣ ପାଇଁ ଯୋଜନା କରିଛି। ମଙ୍ଗଳପୃଷ୍ଠର ମୃତ୍ତିକାକୁ ପରୀକ୍ଷା କରିବା ପାଇଁ ଏଥିରେ ଉଚ୍ଚ-ବିଭେଦନର କ୍ୟାମେରା ଖଞ୍ଜାଯିବ।
ମହାକାଶ କେନ୍ଦ୍ର
ମହାକାଶରେ ଅବସ୍ଥାପିତ ହୋଇଥିବା ଅନ୍ତର୍ଜାତୀୟ ମହାକାଶ କେନ୍ଦ୍ରରେ ମହାକାଶଚାରୀମାନେ ଅନବରତ ରହି ଗବେଷଣା କରୁଛନ୍ତି। ଆମେରିକା, ୟୁରୋପ, ରୁଷିଆ, ଜାପାନ ଓ କାନାଡାର ମହାକାଶ ସଂସ୍ଥାଗୁଡିକ ମିଳତ ଭାବେ ଏହାକୁ ନିର୍ମାଣ କରିଛନ୍ତି। ଚାଇନା ମଧ୍ୟ ମହାକାଶରେ ନିଜର ଗୋଟିଏ ମହାକାଶ କେନ୍ଦ୍ର ନିର୍ମାଣ କରି ନିଜର ମହାକାଶଚାରୀମାନଙ୍କୁ ସେଠାକୁ ପଠାଇଛି। ଇସ୍ରୋ ନିଜର ଗୋଟିଏ ମହାକାଶ କେନ୍ଦ୍ର ନିର୍ମାଣ ପାଇଁ ଯୋଜନା କରିଛି। ଏହି ବର୍ଷ ଅକ୍ଟୋବର ୨୫ ତାରିଖରେ ଇସ୍ରୋର ଅଭିଯାନ ସମ୍ବନ୍ଧରେ ସମୀକ୍ଷା କରୁଥିବା ବେଳେ ୨୦୩୫ ମସିହା ସୁଦ୍ଧା ନିଜର ମହାକାଶ କେନ୍ଦ୍ର ସ୍ଥାପନ କରିବା ପାଇଁ ପ୍ରଧାନମନ୍ତ୍ରୀ ନିର୍ଦ୍ଦେଶ ଦେଇଛନ୍ତି।
ଚନ୍ଦ୍ରପୃଷ୍ଠରେ ଭାରତୀୟ
ଭାରତ ସଫଳ ଭାବେ ଚନ୍ଦ୍ରପୃଷ୍ଠରେ ନିଜର ଯାନ ଅବତରଣ କରିଛି। ଏହା ପର ପଦକ୍ଷେପ ହେଉଛି ଚନ୍ଦ୍ରପୃଷ୍ଠକୁ ଭାରତୀୟ ମହାକାଶଚାରୀଙ୍କୁ ପଠାଇବା। ଏଥିଲାଗି ଆମ ଦେଶର ପ୍ରଧାନମନ୍ତ୍ରୀ ସମୟ ନିର୍ଘଣ୍ଟ ସ୍ଥିର କରି ସାରିଛନ୍ତି। ୨୦୪୦ ମସିହା ସୁଦ୍ଧା ଚନ୍ଦ୍ରକୁ ଭାରତୀୟ ମହାକାଶଚାରୀଙ୍କୁ ପଠାଇବା ପାଇଁ ସେ ଗତ ମାସରେ ଇସ୍ରୋକୁ ନିର୍ଦ୍ଦେଶ ଦେଇଛନ୍ତି। ଏଠାରେ ଯୁକ୍ତରାଷ୍ଟ୍ର ଆମେରିକାର ଚନ୍ଦ୍ର ଅଭିଯାନ କଥା ମନେପଡ଼େ। ଚନ୍ଦ୍ର ଅଭିଯାନ ପାଇଁ ରୁଷିଆ ଓ ଆମେରିକା ମଧ୍ୟରେ ପ୍ରତିଯୋଗିତା ଚାଲିଥିବା ବେଳେ ୧୯୬୧ ମସିହାରେ ଆମେରିକାର ତତ୍କାଳୀନ ରାଷ୍ଟ୍ରପତି ଜନ୍‌ ଏଫ୍‌. କେନେଡି ଆମେରିକା କଂଗ୍ରେସକୁ ନିଜ ଭାଷଣରେ ପ୍ରକାଶ କରିଥିଲେ ଯେ, ଏହି ଦଶନ୍ଧି ଶେଷ ପୂର୍ବରୁ ଆମେ ଜଣେ ମନୁଷ୍ୟକୁ ଚନ୍ଦ୍ରପୃଷ୍ଠରେ ଅବତରଣ କରାଇବୁ ଏବଂ ତାକୁ ନିରାପଦରେ ପୃଥିବୀକୁ ଫେରାଇ ଆଣିବୁ। ଫଳସ୍ବରୂପ ‘ନାସା’ ଅଦମ୍ୟ ଚେଷ୍ଟାକରି ରାଷ୍ଟ୍ରପତିଙ୍କ ବାକ୍ୟକୁ ରକ୍ଷାକରି ୧୯୬୯ ମସିହା ଜୁଲାଇ ୨୦ ତାରିଖରେ ଦୁଇଜଣ ଆମେରିକୀୟଙ୍କୁ ଚନ୍ଦ୍ରପୃଷ୍ଠରେ ଅବତରଣ କରାଇ ନିରାପଦରେ ଫେରାଇ ଆଣିଥିଲା। ଆଶା କରାଯାଏ ‘ଇସ୍ରୋ’ ସେହିପରି ଆମ ପ୍ରଧାନମନ୍ତ୍ରୀଙ୍କ ବାକ୍ୟକୁ ରକ୍ଷା କରିବ।

ଇଂ. ମାୟାଧର ସ୍ବାଇଁ
-୭୦,ଲକ୍ଷ୍ମୀବିହାର, ଫେଜ୍‌-୧, ଭୁବନେଶ୍ୱର-୧୮
ମୋ: ୯୪୩୮୬୯୩୭୨୪


Enter your email to get our daily news in your inbox.

All Right Reserved By Dharitri.Com

ଓଡ଼ିଶା ମୁହାଁ ବାତ୍ୟା; ଜୁନିୟର ଆସିଷ୍ଟାଣ୍ଟ-କ୍ଲର୍କ ପରୀକ୍ଷା ସ୍ଥଗିତ

ଭୁବନେଶ୍ୱର,୧୮।୧୧: ଓଡ଼ିଶା ମୁହାଁ ହେଉଛି ବାତ୍ୟା ‘ଅକ୍ୱାନ’ । ୯ କିମି ବେଗରେ ବଢୁଛି ଭୀଷଣ ବାତ୍ୟା । ଏହାକୁ ଦୃଷ୍ଟିରେ ରଖି ଆସନ୍ତା ୨୧ ଓ…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି: ପ୍ରଥମ ମ୍ୟାଚ୍‌ରେ ମାଲେସିଆକୁ ଭେଟିବ ଭାରତ

ଭୋପାଳ,୧୮।୧୧: ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି ଟୁର୍ନାମେଣ୍ଟ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। ଚଳିତ ସିଜନରେ ଚମତ୍କାର ଫର୍ମରେ ଥିବା ଭାରତୀୟ ଦଳ ଟୁର୍ନାମେଣ୍ଟ ଜିତିବା…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?