ନୂଆଦିଲ୍ଲୀ,୨୮।୩: ୟୁନିୟନ ବ୍ୟାଙ୍କ ଅଫ୍ ଇଣ୍ଡିଆ ‘ସରଳ-ସରଳ ଲାଇଟ୍ସ (ସରଳ ସିଷ୍ଟମେଟିକ୍ ଆପ୍ରାଇଜାଲ୍ ଆଣ୍ଡ ରିସ୍କ ଆସେସମେଣ୍ଟ ଅଫ୍ ଲୋନ୍) ରେ କ୍ରେଡିଟ୍ ମୂଲ୍ୟାୟନ ପ୍ରକ୍ରିୟାର ମାନକୀକରଣ ପାଇଁ ଆଇଏସ୍ଓ ପ୍ରମାଣନ ହାସଲ କରିଛି। ଏହା ହେଉଛି ଏମ୍ଏସ୍ଏମ୍ଇ ଋଣ ପାଇଁ ସେଣ୍ଟ୍ରାଲାଇଜଡ୍ ପ୍ରୋସେସିଂ ସେଣ୍ଟର। ଏହି ଉଲ୍ଲେଖନୀୟ ପ୍ରମାଣନ ହେଉଛି ଏକ ପ୍ରମାଣ ଯାହା ବ୍ୟାଙ୍କର ବ୍ୟାଙ୍କିଙ୍ଗ୍ ସେବାକୁ ସହଜିଆ, ଦ୍ରୁତ ଓ ଝିନ୍ଝଟମୁକ୍ତ କରିବା ପାଇଁ ପ୍ରତିଶ୍ରୁତିବଦ୍ଧ। ଏହା କେବଳ ବ୍ୟକ୍ତିବିଶେଷଙ୍କ ପାଇଁ ନୁହେଁ ବରଂ ସ୍ମଲ୍ ସ୍କେଲ ୟୁନିଟ୍ ପାଇଁ ମଧ୍ୟ ଆବଶ୍ୟକ, ଯଦ୍ଦ୍ବାରା ଏମ୍ଏସ୍ଏମ୍ଇ ଉଦ୍ୟୋଗକୁ ପ୍ରୋତ୍ସାହନ ମିଳିପାରିବ। ୟୁନିୟନ ବ୍ୟାଙ୍କ ଅଫ୍ ଇଣ୍ଡିଆ ଏହାର ଗ୍ରାହକ ସେବାରେ ଉନ୍ନତି ଆଣିବା ପାଇଁ ପ୍ରତିଶ୍ରୁତିବଦ୍ଧ ।
ଏଥିପାଇଁ ଦକ୍ଷ ମାନବ ସମ୍ବଳର ଉପଯୋଗ କରିବା ସହିତ ଆଧୁନିକ ପ୍ରଯୁକ୍ତିର ମଧ୍ୟ ଉପଯୋଗ କରାଯାଉଛି। ୟୁନିୟନ ବ୍ୟାଙ୍କ ଅଫ୍ ଇଣ୍ଡିଆ ଏହାର ସମସ୍ତ ୧୨୫ଟି ଆଞ୍ଚଳିକ କାର୍ଯ୍ୟାଳୟରେ ସରଳ-ସରଳ ଲାଇଟ୍ ସେଣ୍ଟରର ସ୍ଥାପନା କରିଛି। ଏଠାରେ ସମସ୍ତ ପ୍ରସ୍ତାବକୁ ସିଙ୍ଗିଲ୍ ୱିଣ୍ଡୋ ଆଧାରରେ ସମ୍ପୃକ୍ତ ଶାଖା ସହିତ ଯୋଗାଯୋଗ କରି ବିବେଚନା କରାଯାଉଛି। ଏହାଦ୍ୱାରା ନିଷ୍ପତ୍ତି ଗ୍ରହଣ ପ୍ରକ୍ରିୟାକୁ ତ୍ୱରାନ୍ବିତ କରାଯାଇପାରିବ। ପ୍ରମାଣନ ଏଜେନ୍ସି ବ୍ୟାଙ୍କର ଏହି କ୍ୱାଲିଟି ମ୍ୟାନେଜମେଣ୍ଟ ପ୍ରକ୍ରିୟାକୁ ଆକଳନ କରିଛନ୍ତି।
