ଆଇପିଏଲ୍ ୨୦୨୦ରେ ମୁମ୍ବାଇ ଇଣ୍ଡିଆନ୍ସ ଦିଲ୍ଲୀ କ୍ୟାପିଟାଲ୍ଟକୁ ୯ ଉଇକେଟରେ ପରାସ୍ତ କରି ପ୍ଲେ ଅଫ୍କୁ ଉନ୍ନୀତ ହୋଇଛି। ଏହି ବିଜୟରେ ମୁଖ୍ୟ ଭୂମିକା ଥିଲା ଓପନର୍ ଇଶାନ କିଶାନ। ସେ ୭୨ ରନ ସଂଗ୍ରହ କରିଥିଲେ। ଇଶାନ ପ୍ରଥମ ଉଇକେଟ ପାଇଁ ଡିକକ୍ଙ୍କ ସହ ୬୮ ରନ ଭାଗିଦାରୀ କରିଥିଲେ। ଇଶାନ ତାଙ୍କର ବିସ୍ଫୋରକ ପାଇଁ ଜଣାଶୁଣା। ମ୍ୟାଚ ପରେ ମୁମ୍ବାଇର ସ୍ପିନର ଜୟନ୍ତ ଯାଦବ ସହ କଥାବାର୍ତ୍ତା ବେଳେ ସେ କହିଛନ୍ତି ଯେ ତାଙ୍କର ବିସ୍ଫୋରକ ବ୍ୟାଟିଂର ରହସ୍ୟ ହେଉଛି ମା’ ହାତରନ୍ଧା ଖାଦ୍ୟ। ଜୟନ୍ତ ତାଙ୍କୁ ପଚାରିଥିଲେ ଯେ କ୍ରିକେଟ୍ ପ୍ରଶଂସକ ତୁମକୁ ପକେଟ ଡାଇନାମାଇଟ୍ ନାମରେ ଜାଣନ୍ତି। ତେବେ ଏଭଳି ପିେସ୍ଫୋରକ ବ୍ୟାଟିଂ ପଛର ରହସ୍ୟ କ’ଣ? ଏହାର ଉତ୍ତରରେ ସେ କହିଛନ୍ତି, ମୋର ଶକ୍ତିଶାଳୀ ଶଟ୍ ଖେଳିବାର ଶ୍ରେୟ ମୋ ମା’ଙ୍କ ନିକଟକୁ ଯାଇଥାଏ। କାରଣ ତାଙ୍କ ହାତରନ୍ଧା ଖାଦ୍ୟ ଖାଇବା ପରେ ଏହି ଶକ୍ତି ଆସିଛି। ଏହା ବ୍ୟତୀତ ପଲ ଚାପମ୍ୟାନ୍ଙ୍କ ପ୍ରଶିକ୍ଷଣ ମଧ୍ୟ ମୋତେ ବହୁତ ଶିକ୍ଷା ଦେଇଛି। ଇଶାନ ଏପର୍ଯ୍ୟନ୍ତ ୪୯ଟି ମ୍ୟାଚରେ ୧୦ଟି ଇନିଂସ ଖେଳି ୩୯୫ ରନ ସଂଗ୍ରହ କରିଛନ୍ତି। ଚଳିତ ଆଇପିଏଲ୍ରେ ସେ ମୁମ୍ବାଇ ପାଇଁ ଦ୍ୱିତୀୟ ସର୍ବାଧିକ ସ୍କୋର କରିଥିବା ବ୍ୟାଟ୍ସମ୍ୟାନ। ଏହି ସମୟ ମଧ୍ୟରେ ସେ ୩ ଅର୍ଦ୍ଧଶତକ ମଧ୍ୟ ହାସଲ କରିଛନ୍ତି।
