ଇସଲାମାବାଦ୍,୩୧।୧୦: ଆତଙ୍କବାଦୀ ସଂଗଠନ ଆଇଏସ-ଖୋରାସାନ (ଆଇଏସ-କେ) ସାରା ବିଶ୍ୱରେ ଶାରିଆ ଆଇନ କାର୍ଯ୍ୟକାରୀ କରିବାକୁ ଚାହୁଁଛି। ଏହି ସଂଗଠନ ଚେତାବନୀ ଦେଇଛି ଯେ ବିଶ୍ୱରେ ଯେ କେହି ଇସଲାମ କିମ୍ବା କୁରାନ ବିରୁଦ୍ଧରେ ଯିବେ ସେ ଆଇଏସଆଇଏସ-କେର ପରିଣାମ ଭୋଗିବେ। ଆତଙ୍କବାଦୀ ସଂଗଠନ କହିଛି ଯେ ଏହାର ପ୍ରଥମ ଲକ୍ଷ୍ୟ ହେଉଛି ପାକିସ୍ତାନ। ସଂଗଠନର ଆତଙ୍କବାଦୀମାନେ ପାକିସ୍ତାନକୁ ଧ୍ୱଂସ କରିବାକୁ ଚାହୁଁଛନ୍ତି। କାରଣ, ଯେତେବେଳେ ଆଫଗାନିସ୍ତାନ ତାଲିବାନ ଦ୍ୱାରା ଶାସିତ ହୋଇଥିଲା, ଯେତେବେଳେ ପାକିସ୍ତାନ କହୁଥିଲା ଯେ ଦେଶର ୮୦ ପ୍ରତିଶତ ଉପରେ ଏହାର ନିୟନ୍ତ୍ରଣ ରହିଛି। ଏହା ସତ୍ତ୍ୱେ ଆଫଗାନିସ୍ତାନରେ ପାକିସ୍ତାନ ଇସଲାମକୁ କାର୍ଯ୍ୟକାରୀ କରିପାରି ନାହିଁ। ଆତଙ୍କବାଦୀ ସଂଗଠନ କହିଛି ଯେ ଆମେ ପାକିସ୍ତାନକୁ ନିଶ୍ଚିତ ଧ୍ୱଂସ କରିବୁ।
ରିପୋର୍ଟ ଅନୁଯାୟୀ, ତାଲିବାନ ଆଫଗାନିସ୍ତାନକୁ ଧ୍ୱଂସ କରିଦେଇଛି ବୋଲି ଆଇଏସ-କେ ପକ୍ଷରୁ କୁହାଯାଇଛି। ସଂଗଠନ କହିଛି, ଆଫଗାନିସ୍ତାନର ଅବସ୍ଥା ଖରାପ ହେବାରେ ଲାଗିଛି। ଦେଶକୁ ଧ୍ୱଂସ କରିଥିବା ସଂଗଠନ ପୁଣି ଥରେ କ୍ଷମତାକୁ ଆସିଛି। ଆଇଏସ-କେରେ ଯୋଗ ଦେଇଥିବା ନଜିଫୁଲ୍ଲା ଏକ ମିଡିଆ ହାଉସକୁ କହିଛନ୍ତି ଯେ ଆମେ ସାରା ବିଶ୍ୱରେ ଶାରିଆ ଆଇନ କାର୍ଯ୍ୟକାରୀ କରିବାକୁ ଚାହୁଁଛୁ। ଆମେ ଚାହୁଁ ଯେ ଲୋକମାନେ ଏହି ଆଇନ ଆଧାରରେ ଜୀବନଯାପନ କରନ୍ତୁ। ସଂଗଠନ ପକ୍ଷରୁ କୁହାଯାଇଛି, ଯୁଦ୍ଧ କରିବାକୁ ଆମ ପାଖରେ ଅଧିକ ଅସ୍ତ୍ରଶସ୍ତ୍ର ନାହିଁ। କିନ୍ତୁ ଆମେ ପାକିସ୍ତାନ ବିରୋଧରେ ସେଠାକୁ ଯାଇ ଯୁଦ୍ଧ କରିବାକୁ ଚାହୁଁଛୁ।
ତାଲିବାନରୁ ଆଇଏସ-କେରେ ଯୋଗ ଦେଇଥିବା ନଜିଫୁଲ୍ଲା କହିଛନ୍ତି, ତାଲିବାନ ତୁଳନାରେ ଆମ ସଂଖ୍ୟା ନିଶ୍ଚିତ ଭାବେ କମ। ମାତ୍ର ଆମେ ଯୁଦ୍ଧ କରିବାକୁ ପ୍ରସ୍ତୁତ। ଆମେରିକାର ଗୁପ୍ତଚର ରିପୋର୍ଟ ଅନୁଯାୟୀ ଆଫଗାନିସ୍ତାନରେ ତାଲିବାନଙ୍କ ସଂଖ୍ୟା ପ୍ରାୟ ୭୦ ହଜାର ଥିବାବେଳେ ଆଇଏସ-କେ ସଦସ୍ୟଙ୍କ ସଂଖ୍ୟା ଦୁଇ ହଜାର ରହିଛି। ତାଲିବାନ ଆଫଗାନିସ୍ତାନରେ କ୍ଷମତା ଗ୍ରହଣ କରିବା ପରଠାରୁ ଆଇଏସ-କେ ଏହାର ଆକ୍ରମଣ ବୃଦ୍ଧି କରିଛି। ଆକ୍ରମଣରେ ଶିଆ ମସଜିଦକୁ ଟାର୍ଗେଟ କରାଯାଇଛି।ଏହା ସହିତ ଆଇଏସ-କେ ତାଲିବାନକୁ ମଧ୍ୟ ଟାର୍ଗେଟ କରିଛି।
