ଓସେପା ପୁସ୍ତକ କ୍ରୟରେ ଅନିୟମିତତା

ଯାଜପୁର ଅଫିସ,୧୫ା୩: କେତେକ ଅସାଧୁ ପୁସ୍ତକ ପ୍ରକାଶକଙ୍କ ଇଙ୍ଗିତରେ ଓଡ଼ିଶା ବିଦ୍ୟାଳୟ ଶିକ୍ଷା କାର୍ଯ୍ୟାକ୍ରମ ପ୍ରାଧିକରଣ(ଓସେପା)ର ପାଠାଗାର ପୁସ୍ତକ କ୍ରୟ ଆଦେଶ ପ୍ରସ୍ତୁତି ଚାଲିଛି। କେଉଁ ପ୍ରକାଶକ କେତେ ଟଙ୍କାର ଆଦେଶ ପାଇବାକୁ ଯାଉଛନ୍ତି ସେ ସମ୍ପର୍କରେ ଜଣେ ପ୍ରକାଶକ କଟକରେ ଖୋଲାଖୋଲି ଆଲୋଚନା କରୁଛନ୍ତି। ବିଗତ ବର୍ଷମାନଙ୍କ ଭଳି ୨୦୨୨-୨୩ ମସିହା ଲାଗି ଓସେପା ପକ୍ଷରୁ ବିଦ୍ୟାଳୟ ପାଠାଗାର ଲାଗି ପୁସ୍ତକ କ୍ରୟ ନିମନ୍ତେ ପ୍ରକ୍ରିୟା ଜାରି ରହିଛି । ବିଗତ ବର୍ଷରେ କେତେଜଣ ଅସାଧୁ ପ୍ରକାଶକ ନିଜର ଫାଇଦା ପାଇଁ ସରକାରୀ କଳର ଅପବ୍ୟବହାର କରିଥିବା ଅଭିଯୋଗ ହୋଇଥିଲା। ଏ ବିଷୟରେ ଓସେପାର ରାଜ୍ୟ ପ୍ରକଳ୍ପ ନିର୍ଦ୍ଦେଶକଙ୍କ ନିକଟରେ ଅଭିଯୋଗ ହେବା ପରେ ଭବିଷ୍ୟତରେ ଏହାର ପୁନରାବୃତ୍ତି ହେବ ନାହିଁ ବୋଲି ସେ ପ୍ରତିଶ୍ରୁତି ଦେଇଥିଲେ । କିନ୍ତୁ ସେହି ପ୍ରତିଶ୍ରୁତି ପାଣିର ଗାର ହୋଇଥିବାରୁ ତା’ର ପୁଣି ପୁନରାବୃତ୍ତି ହେବାର ଆଶଙ୍କା ପ୍ରକାଶ ପାଇଛି । ତେଣୁ ଅସାଧୁ ପ୍ରକାଶକମାନଙ୍କୁ କଳାତାଲିକାଭୁକ୍ତ କରାଇ ଉଚ୍ଚମାନର ପୁସ୍ତକ ଚୟନ ନିମନ୍ତେ ଉପଯୁକ୍ତ ପଦକ୍ଷେପ ଗ୍ରହଣ କରିବାକୁ ବରିଷ୍ଠ ଲେଖକ, ସ୍ତମ୍ଭକାର ମାୟାଧର ନାୟକ ଏବଂ ଐତିହାସିକ ଶୁଭେନ୍ଦୁ କୁମାର ଭୂୟାଁ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଛନ୍ତି।
ଅଭିଯୋଗ ଅନୁସାରେ ଗତ ୪ ତାରିଖରୁ ପୁସ୍ତକ ଚୟନ କମିଟି ଚୂଡ଼ାନ୍ତ ପୁସ୍ତକ ତାଲିକା ପ୍ରଦାନ କରିଥିବା ବେଳେ ସେହି ତାଲିକାରେ ବ୍ୟାପକ ଅଦଳ ବଦଳ ହେଉଥିବା ଖବର ମିଳିଛି । ଏହି ଅଦଳବଦଳ ଗତ ୧୦ ତାରଖ ଦିନ ଚୂଡ଼ାନ୍ତ ରୂପ ନେଇଥିବା ଜଣାପଡିଛି। ଏହି କାର୍ଯ୍ୟରେ ଉକ୍ତ ପ୍ରକାଶକମାନେ ସଫଳ ହୋଇଥିବାରୁ ଜଗତସିଂହପୁରର ବାବା ଗୋରେଖନାଥ ପୀଠରେ ବିଜୟ ଦିବସ ପାଳନ କରିଥିବା ଚର୍ଚ୍ଚାର ବିଷୟ ହୋଇଛି । ଗତବର୍ଷ ମଧ୍ୟ ସମ୍ପୃକ୍ତ ପ୍ରକାଶକମାନେ ଏଭଳି ବ୍ୟାପକ ଅନିୟମିତତାରେ ସଫଳ ହୋଇ ବୈଷ୍ଣୋଦେବୀ ପୀଠରେ ବିଜୟ ଉତ୍ସବ ପାଳନ କରିଥିଲେ। ଏହି କାର୍ଯ୍ୟରେ ପ୍ରମୁଖ ଭୁମିକା ନେଉଥିବା ଜଣେ ପ୍ରକାଶକଙ୍କ ଏକ ଘରୋଇ ଉତ୍ସବରେ ଓସେପାର ବହୁ ପ୍ରମୁଖ ପଦାଧିକାରୀମାନେ ଯୋଗ ଦେଇଥିବାର ଫଟୋ ସାମାଜିକ ଗଣମାଧ୍ୟମରେ ମଧ୍ୟ ଘୁରି ବୁଲୁଛି । ଏହି ପ୍ରକାଶକମାନେ ନିଜର ମୁଖ୍ୟ ପ୍ରକାଶନ ସଂସ୍ଥା ସହ ପରିବାରର ଅନ୍ୟ ସଦସ୍ୟମାନଙ୍କ ନାମରେ ଏକାଧିକ ସଂସ୍ଥା ତିଆରି କରି ପାଠାଗାର ପାଇଁ ଆସୁଥିବା ଅର୍ଥରୁ କୋଟି କୋଟି ଟଙ୍କା ଲୁଟି ନେଉଥିବା ଅଭିଯୋଗ ହୋଇଛି। ଗତ ଥର ଗୋଖାଦ୍ୟ ଓ କାଠ ବ୍ୟବସାୟୀ ମଧ୍ୟ ବହୁ ଲକ୍ଷ ଟଙ୍କାର ଅର୍ଡର ପାଇଥିବା ନଜିର ରହିଛି । ସେମାନଙ୍କ ଜିଏସ୍‌ଟି କାଗଜ ତନଖି କରାଗଲେ ଏ ସମ୍ପର୍କରେ ସମସ୍ତ ତଥ୍ୟ ଜଣାପଡନ୍ତା ବୋଲି ମତ ପ୍ରକାଶ ପାଇଛ। ଚଳିତ ବର୍ଷ ପୁନର୍ବାର ସେହି ହାତଗଣତି ପ୍ରକାଶକମାନେ ଗତବର୍ଷ ତୁଳନାରେ ଅଧିକ ଡମି ଫାର୍ମ ତିଆରି କରି ଏହି ନାମରେ ପୁନର୍ବାର ମୋଟା ଅର୍ଥର ଏକ ସିଂହ ଭାଗ ହାତେଇ ନେବା ଯୋଜନାରେ ଥିବା ଅଭିଯୋଗ ହୋଇଛି । ଅନ୍ୟପକ୍ଷେ ବରିଷ୍ଠ ଲେଖକ ମାୟାଧର ନାୟକ କହିଛନ୍ତି, ଅସାଧୁ ପୁସ୍ତକ ପ୍ରକାଶକଙ୍କ ଇଙ୍ଗିତରେ ଓସେପା ଜରିଆରେ ପାଠାଗାର ପାଇଁ ଯେଉଁ ପୁସ୍ତକ ମନୋନୟନ ପ୍ରକ୍ରିୟା ଗତ କିଛିବର୍ଷ ଧରି ଚାଲିଆସିଲାଣି, ତାହା ଏବେ ଲୋକନିନ୍ଦାର ଶରବ ହୋଇ ଜନସ୍ବାର୍ଥ ମାମଲାର ସମ୍ମୁଖୀନ ହେବାକୁ ଯାଉଛି ା କେତେକ ଶଠ ପ୍ରକାଶକଙ୍କ ପ୍ରରୋଚନାରେ ପ୍ରବଳ ଉତ୍କୋଚ ପ୍ରଲୋଭନକୁ ଏଡାଇ ନ ପାରି ପୂର୍ବ ପ୍ରସ୍ତୁତ ଚୂଡ଼ାନ୍ତପୁସ୍ତକ ତାଲିକାରେ କୁଆଡେ ବ୍ୟାପକ ଅଦଳବଦଳ ହୋଇଥିବାର ଶୁଣିବାକୁ ମିଳିଛି। କେଉଁ ପ୍ରକାଶକ କେତେ ଟଙ୍କା ପାଇବାକୁ ଯାଉଛନ୍ତି ଏ ବାବଦରେ କଟକର ଜଣେ ପ୍ରକାଶକ ଖୋଲାଖୋଲି ଘୋଷଣା ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିଛି। କଟକର ମାତ୍ର ୪ ରୁ ୫ଟି ପ୍ରକାଶନ ସଂସ୍ଥାର ମାଲିକମାନେ ମିଳିମିଶି ନିଜର ଅସାଧୁ ମେଣ୍ଟ ଗଠନ କରିଛନ୍ତି। ଓସେପା ଆୟୋଜିତ ପୁସ୍ତକ କ୍ରୟ ପାଇଁ ଆହ୍ବାନ କରାଯାଇଥିବା ଟେଣ୍ଡରର ବିଶ୍ୱସନୀୟତା ଉପରେ ପ୍ରଶ୍ନଚିହ୍ନ ଲାଗିଛି। ପୂର୍ବବର୍ଷର ବଳକା ପ୍ରାୟ ୪ କୋଟି ଟଙ୍କା ସମେତ ଏ ବର୍ଷର ଧାର୍ଯ୍ୟ ହୋଇଥିବା ୨୨ କୋଟି ଟଙ୍କା ମିଶାଇ ସର୍ବମୋଟ ୨୬ କୋଟିରୁ ଅନ୍ତତଃ ୧୮ କୋଟିରୁ ଊର୍ଦ୍ଧ୍ୱଟଙ୍କା ଏହି ଅସାଧୁ ପ୍ରକାଶକ ଓ ସେମାନଙ୍କ ଏକାଧିକ ନକଲିସଂସ୍ଥା ହରିଲୁଟ କରିବାକୁ ମସୁଧା କରିଛନ୍ତି। ଗତ ବର୍ଷ ମଧ୍ୟ ୧୪କୋଟି ଟଙ୍କା ସଂପୃକ୍ତ ପ୍ରକାଶକମାନେ ନିଜ ନିଜ ଭିତରେ ବାଣ୍ଟିି ନେବାପରେ ବଳିପଡିଥିବା ମାତ୍ର ୮ କୋଟି ଟଙ୍କାର ବହି ଯୋଗାଇଦେବାକୁ ୧୦୮ ଜଣ ପ୍ରକାଶକଙ୍କୁ ଓସେପା ଅଫିସରୁ ମେଲ ଜରିଆରେ ଜଣାଇ ଦିଆଯାଇଥିଲା ା ଏ ସଂକ୍ରାନ୍ତରେ ଓସେପାର ପ୍ରକଳ୍ପ ନିର୍ଦ୍ଦେଶକଙ୍କୁ ରାଜ୍ୟର ବିଭିନ୍ନ ପ୍ରକାଶକ ଗଭୀର କ୍ଷୋଭର ସହିତ ଅବଗତ କରାଇବାପରେ ଆଗକୁ ଆଉ ଏପରି ଅଘଟଣ ଘଟିବ ନାହିଁ ବୋଲି ସେ ପ୍ରତିଶ୍ରୁତି ଦେଇଥିଲେ। ଏହିସବୁ ଅଭିଯୋଗର ଏକ ଉଚ୍ଚସ୍ତରୀୟ ତଦନ୍ତ କରି ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ବରିଷ୍ଠ ଲେଖକ ନାୟକ ଏବଂ ଭୂୟାଁ ଦାବି କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ହୀରାକୁଦ ଇକୋ-ରିଟ୍ରିଟ୍‌ ଉଦଘାଟନ କଲେ ଉପମୁଖ୍ୟମନ୍ତ୍ରୀ, ଏଥର ୫୦ଟି ଟେଣ୍ଟ୍ ସହ ୧୨୦ ଦିନ ଧରି ମଜା ନେବେ ପର୍ଯ୍ୟଟକ

ସମ୍ବଲପୁର,୧୬।୧୧(ପ୍ରମୋଦ ବହିଦାର): ରାଜ୍ୟ ପର୍ଯ୍ୟଟନ ବିଭାଗ ଆନୁକୂଲ୍ୟରେ ସମ୍ବଲପୁର ଜିଲାର ହୀରାକୁଦ (ବଲବସପୁର, ଜମାଦାରପାଲି ନିକଟ) ଠାରେ ଆୟୋଜିତ ହେଉଥିବା ଚଳିତ ବର୍ଷର ‘ଇକୋ-ରିଟ୍ରିଟ୍‌’ (ସପ୍ତମ ସଂସ୍କରଣ)…

ସୀମାନ୍ତରେ ବିବାଦ ବଢ଼ାଉଛି ଦ୍ୱୈତ ଭୋଟର କାର୍ଡ

ନନ୍ଦପୁର,୧୬ା୧୧(ତୁଷାର କାନ୍ତ ମହାନ୍ତି): ଭୋଟର ପରିଚୟ ପତ୍ର ପ୍ରସ୍ତୁତି ଓ ଯାଞ୍ଚ ପ୍ରକ୍ରିୟାରେ ଥିବା ତ୍ରୁଟିପୂର୍ଣ୍ଣ ବ୍ୟବସ୍ଥା ଯୋଗୁ ଜଣେ ବ୍ୟକ୍ତି ୨ ରାଜ୍ୟର କାର୍ଡ ତିଆରି…

ଫାଇନାଲ ମ୍ୟାଚରେ ‘ସୀତାରାମ-ସୀତାରାମ’ ଜପ କରୁଥିଲେ ଆର୍ଯ୍ୟବୀର; ରୋମାଞ୍ଚକର ଘଟଣା ବିଷୟରେ ବାପାଙ୍କୁ ଜଣାଇଥିଲେ, ଦେଖନ୍ତୁ ଭିଡ଼ିଓ

ନୂଆଦିଲ୍ଲୀ,୧୬।୧୧: ଭାରତୀୟ ଅଣ୍ଡର-୧୯ କ୍ରିକେଟ ଦଳ ଫାଇନାଲ ମ୍ୟାଚରେ ପାକିସ୍ତାନକୁ ପରାସ୍ତ କରି ଏସିଆ କପ ଟାଇଟଲ ଜିତିଛି। ଏହି ରୋମାଞ୍ଚକର ମୁକାବିଲାରେ ଭାରତ ଶେଷ ବଲରେ…

‘ଆମେ ମଣିଷ, ମେସିନ୍‌ ନୁହେଁ’; ଗମ୍ଭୀରଙ୍କ ବୟାନ ପରେ ଏଭଳି କହିଲେ ଆୟର, ଚାରିଆଡେ ଚର୍ଚ୍ଚା

ନୂଆଦିଲ୍ଲୀ,୧୬।୧୧: ନ୍ୟୁଜିଲାଣ୍ଡ ଗସ୍ତରେ ଭାରତୀୟ କ୍ରିକେଟ୍‌ ଦଳର ବ୍ୟାଟରଙ୍କ ଖରାପ ପ୍ରଦର୍ଶନକୁ ନେଇ ମୁଖ୍ୟ କୋଚ୍‌ ଗୌତମ ଗମ୍ଭୀର ଚିନ୍ତା ପ୍ରକଟ କରିଥିବା ବେଳେ ଏଥିରେ ଭିନ୍ନ…

‘ଦୀପାବଳିରେ ପାକିସ୍ତାନ ଆମକୁ ଗାଳିଗୁଲଜ କରିଥିଲା’: ଆକ୍ରମଣାତ୍ମକ ଉତ୍ସବ ପାଳନ ପଛର ପ୍ରକୃତ କାରଣ କହିଲେ ଏହି ଷ୍ଟାର ଖେଳାଳି

ନୂଆଦିଲ୍ଲୀ,୧୬।୧୧: ନଭେମ୍ବର ୧୪, ଶନିବାର ଭାରତ ପାକିସ୍ତାନକୁ ୧ ୱିକେଟରେ ପରାସ୍ତ କରି ‘ଅଣ୍ଡର-୧୯ ଏସିଆ କପ’ ଟାଇଟଲ ହାସଲ କରିଛି। ମୋହିତ ଉଲଭା ବିଜୟସୂଚକ ଶଟ…

କ୍ରିକେଟ ପ୍ରଶଂସକଙ୍କ ପାଇଁ ବଡ଼ ଖବର, କ୍ରମାଗତ ଦ୍ୱିତୀୟ ଥର ପାଇଁ ଆଇସିସି (ICC) ମୁଖ୍ୟ ହେଲେ ଜୟ ଶାହା

ନୂଆଦିଲ୍ଲୀ,୧୬।୧୧: ସୋମବାର ସକାଳେ ଭାରତୀୟ କ୍ରିକେଟ ପ୍ରଶଂସକଙ୍କ ପାଇଁ ଏକ ବଡ଼ ଖବର ଆସିଛି: ଜୟ ଶାହାଙ୍କୁ ଆଇସିସି (ICC) ଅଧ୍ୟକ୍ଷ ଭାବରେ କ୍ରମାଗତ ଦ୍ୱିତୀୟ କାର୍ଯ୍ୟକାଳ…

ଭଙ୍ଗା ଆଜବେଷ୍ଟସ୍‌ ଘରେ ଛାତ୍ରୀଛାତ୍ରଙ୍କ ଭବିଷ୍ୟତ ଗଢ଼ା

ଆଳି,୧୫ା୧୧(ବନମାଳୀ ସେନାପତି): କେନ୍ଦ୍ର ଓ ରାଜ୍ୟ ସରକାର ଶିକ୍ଷାର ଗୁଣବତ୍ତା ବୃଦ୍ଧି ନିମନ୍ତେ ବିଭିନ୍ନ ଯୋଜନା ପ୍ରଣୟନ କରୁଛନ୍ତି। କିନ୍ତୁ ଉଦ୍ଦିଷ୍ଟ ଯୋଜନାଗୁଡ଼ିକ ବହୁ ବିଦ୍ୟାଳୟରେ ଉପଲବ୍ଧ…

ଧରିତ୍ରୀ ୟୁଥ୍‌ କନ୍‌କ୍ଲେଭ୍‌-୨୦୨୬: ଗଛ ଲଗାଇବା ପ୍ରତି ଅଧିକ ଧ୍ୟାନଦେବା, ନିୟମ ମାନି ଚଳିଲେ…

ଭୁବନେଶ୍ୱର,୧୬।୧୧: ବର୍ତ୍ତମାନ ବହୁତ ପରିମାଣରେ ଗଛ କଟାଯାଉଛି। କମ୍ପାନୀ, ବଡ଼ ବଡ଼ ଅଟ୍ଟାଳିକା ପାଇଁ ଆମକୁ ଗଛ କାଟିବାକୁ ପଡ଼ୁଛି। ସେଥିପାଇଁ ଜଳବାୟୁ ପରିବର୍ତ୍ତନ ହେଉଛି। ଖରାଦିନେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?