ମୁମ୍ବାଇ,୨୬।୩: ଆଇପିଏଲ ୨୦୨୨ର ଓପନିଂ ମ୍ୟାଚ ଚେନ୍ନାଇ ସୁପର କିଙ୍ଗ୍ସ ଏବଂ କୋଲକାତା ନାଇଟ ରାଇଡର୍ସ ମଧ୍ୟରେ ମାର୍ଚ୍ଚ ୨୬ ଅର୍ଥାତ୍ ଆଜିଠାରୁ ଖେଳାଯିବ। ଉଭୟ ଦଳ ଗତ ସିଜିନର ଫାଇନାଲିଷ୍ଟ ଦଳ। ଏଥର ଦୁଇ ଅଧିନାୟକଙ୍କ ମଧ୍ୟରେ ଏକ ମଜାଦାର ମ୍ୟାଚ ମଧ୍ୟ ଦେଖିବାକୁ ମିଳିବ। କେକେଆରର ଦଳ ସେମାନଙ୍କର ନୂତନ ଅଧିନାୟକ ଶ୍ରେୟାସ ଆୟରଙ୍କ ନେତୃତ୍ୱରେ ପଡ଼ିଆକୁ ଓହ୍ଲାଇବ। ସେପଟେ ଓପନିଂ ମ୍ୟାଚ ପୂର୍ବରୁ ସିଏସକେ ରବୀନ୍ଦ୍ର ଜାଡେଜାଙ୍କ ରୂପରେ ଏକ ନୂତନ ଅଧିନାୟକ ମଧ୍ୟ ପାଇଛି। ଏହି ମ୍ୟାଚର ମାତ୍ର ୨ ଦିନ ପୂର୍ବରୁ ଏମଏସ ଧୋନୀ ଅଦତ୍ନାୟକ ଦାୟିତ୍ୱ ଜାଡେଜାଙ୍କୁ ଦେଇଥିଲେ। ସିଏସ୍କେ ଏବଂ କେକେଆର୍ ମଧ୍ୟରେ ମ୍ୟାଚ ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ଖେଳାଯିବ। ୱାଙ୍ଖେଡେ ପିଚ ବ୍ୟାଟ୍ସମ୍ୟାନକୁ ସୁହାଏ। ଏଠାରେ ଆଇପିଏଲର ହାରାହାରି ସ୍କୋର ହେଉଛି ୧୮୦ ରନ।
ଚେନ୍ନାଇ ଏବଂ କୋଲକତା ଦଳ ମଧ୍ୟରେ ଆଇପିଏଲ ୨୦୨୨ର ପ୍ରଥମ ମ୍ୟାଚ କେବେ ଖେଳାଯିବ?
ଚେନ୍ନାଇ ଏବଂ କୋଲକତା ଦଳ ମଧ୍ୟରେ ଆଇପିଏଲ ୨୦୨୨ର ପ୍ରଥମ ମ୍ୟାଚ ଶନିବାର ଖେଳାଯିବ।
ଚେନ୍ନାଇ ଏବଂ କୋଲକତା ଦଳ ମଧ୍ୟରେ ଆଇପିଏଲ ୨୦୨୨ର ପ୍ରଥମ ମ୍ୟାଚ କେଉଁଠାରେ ଖେଳାଯିବ?
ଚେନ୍ନାଇ ଏବଂ କୋଲକତା ମଧ୍ୟରେ ମ୍ୟାଚ ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ଖେଳାଯିବ
ଚେନ୍ନାଇ ଏବଂ କୋଲକତା ମଧ୍ୟରେ ଆଇପିଏଲ ୨୦୨୨ର ପ୍ରଥମ ମ୍ୟାଚ କେଉଁ ସମୟରେ ଖେଳାଯିବ?
ଚେନ୍ନାଇ ଏବଂ କୋଲକତା ମଧ୍ୟରେ ମ୍ୟାଚ ଭାରତୀୟ ସମୟ ସା ୭:୩୦ରୁ ଖେଳାଯିବ। ଟସ ୭:୦୦ରେ ହେବ।
ଚେନ୍ନାଇ ଏବଂ କୋଲକତା ମ୍ୟାଚର ଲାଇଭ ପ୍ରସାରଣକୁ କେଉଁଠାରେ ଦେଖିବେ?
ଷ୍ଟାର୍ ସ୍ପୋର୍ଟସ ନେଟୱାର୍କରେ ଚେନ୍ନାଇ ଏବଂ କୋଲକତା ମ୍ୟାଚର ଲାଇଭ ଟେଲିକାଷ୍ଟ ଦେଖିବାକୁ ମିଳିବ।
ଚେନ୍ନାଇ ଏବଂ କୋଲକତା ମ୍ୟାଚର ଲାଇଭ ଷ୍ଟ୍ରିମିଂ କୁ କେଉଁଠାରେ ଦେଖିହେବ?
ଚେନ୍ନାଇ ଏବଂ କୋଲକତା ମଧ୍ୟରେ ମ୍ୟାଚର ଲାଇଭ ଷ୍ଟ୍ରିମିଂ ଡିଜ୍ନୀ ହଟ ଷ୍ଟାରରେ ଦେଖିବାକୁ ମିଳେ।
