ଭୁବନେଶ୍ୱର,୧୬।୬ (ଅଭୟ ଦାଶ): ଦେଶର ପ୍ରମୁଖ ଦୁଗ୍ଧ ଉତ୍ପାଦକ ତଥା ଗୁଜରାଟ କୋ-ଅପରେଟିଭ ମିଲ୍କି ମାେକେଟିିଂ ଫେଡେରେଶନ ଲିମିଟେଡ୍ (ଜିସିଏମ୍ଏମ୍ଏଫ୍ ଲିମିଟେଡ୍) ର ଅଗ୍ରଣୀ ବ୍ରାଣ୍ଡ ‘ଅମୂଲ’ର ନୂତନ ଉତ୍ପାଦ ସମ୍ଭାରକୁ ଓଡ଼ିଶା ବଜାରରେ ଶୁଭାରମ୍ଭ ସହ ବଜାର ପ୍ରବେଶ ସମ୍ପର୍କରେ ଘୋଷଣା କରାଯାଇଛି। ଏପରିକି ବଜାରରେ ବ୍ରାଣ୍ଡ୍ର ଅମୂଲ୍ ଗୋଲ୍ଡ, ଅମୂଲ୍ ଶକ୍ତି, ଅମୂଲ୍ ତାଜା ଏବଂ ଅମୂଲ୍ ଗାଈ କ୍ଷୀର ସହ ଅମୂଲ୍ ମସ୍ତି ଦହି ପାଉଚ୍ ଏବଂ କପ୍ ସମେତ ମିଠା ଲସି ଓ ପ୍ରୋବାୟୋଟିକ ମସଲା ତଡ଼କା ଘୋଳଦହି ଆଦି ଉପଲବ୍ଧ।
ଏହି ପରିପ୍ରେକ୍ଷୀରେ ଜିସିଏମ୍ଏମ୍ଏଫ୍ ଲିମିଟେଡ୍ ବା ଅମୂଲ ପକ୍ଷରୁ ରାଉରକେଲାଠାରେ ଏକ ସ୍ବତନ୍ତ୍ର ଅନାବରଣ ଉତ୍ସବର ଆୟୋଜନ କରାଯାଇଥିଲା। ଏହି ଅବସରରେ କମ୍ପାନୀର ବରିଷ୍ଠ ଅଧିକାରୀ ବ୍ରାଣ୍ଡ୍ର ନୂତନ ଉତ୍ପାଦ ସହ ରାଉରକେଲାରେ ଅମୂଲର ଫ୍ରେସ୍ ଉତ୍ପାଦ ସମ୍ଭାର ବିକ୍ରି ଆରମ୍ଭ ସମ୍ପର୍କରେ ଘୋଷଣା କରିଥିଲେ। ଏପରିକି ଏହା ପୂର୍ବରୁ ୨୦୨୪ ଏପ୍ରିଲରେ ଅମୂଲର ତାଜା କ୍ଷୀର ଶ୍ରେଣୀର ଉତ୍ପାଦ (ଅମୂଲ୍ ବ୍ରାଣ୍ଡ୍) ଓଡ଼ିଶାର ସମ୍ବଲପୁର ସହରରୁ ବିକ୍ରି ଆରମ୍ଭ ସହିତ ଗ୍ରାହକମାନଙ୍କର ଭଲ ପ୍ରତିକ୍ରିୟା ମଧ୍ୟ ପାଇଛି।
ଉଲ୍ଲେଖଯୋଗ୍ୟ, ୨୦୨୪ ଜୁନ୍ ୧୭ରୁ ରାଉରକେଲା ବଜାରରେ ଅମୂଲର ସମସ୍ତ ପ୍ରକାର ତାଜା କ୍ଷୀର ଏବଂ ଉତ୍ପାଦ ଉପଲବ୍ଧ ହେବ ବୋଲି ବ୍ରାଣ୍ଡ୍ ପକ୍ଷରୁ ବିସ୍ତୃତ ସୂଚନା ଦିଆଯାଇଛି। ଏ ସମ୍ପର୍କରେ ଜିସିଏମ୍ଏମ୍ଏଫ୍ ଲିମିଟେଡ୍ର ପରିଚାଳନା ନିର୍ଦ୍ଦେଶକ ଜୟେନ୍ ମେହେଟ୍ଟା କହିଛନ୍ତି, ଅମୂଲର ତାଜା ଉତ୍ପାଦ ବିକ୍ରି ପାଇଁ ଓଡ଼ିଶାର ରାଉରକେଲା ସହରକୁ ଆମେ ଯୋଗ୍ୟ ମାର୍କେଟ ଭାବେ ଚିହ୍ନଟ କରିଛୁ। ଏପରିକି ବ୍ରାଣ୍ଡ୍ର ତାଜା ଉତ୍ପାଦ ଶ୍ରେଣୀରେ ଆମେ ଅମୂଲ ପାଉଚ୍ କ୍ଷୀର, ଦହି, ଘୋଳଦହି, ଲସି, ପନିର ଆଦି ରାଉରକେଲାର ଗ୍ରାହକମାନଙ୍କୁ ବିକ୍ରି କରିବୁ ବୋଲି ସେ ବିସ୍ତୃତ ଭାବେ ମତପ୍ରକାଶ କରିଛନ୍ତି।
