ଦିଗପହଣ୍ଡି,୨୧|୬ (ଅଶେଷ ନାଥ ମିଶ୍ର) ଗଞ୍ଜାମ ଜିଲା ଦିଗପହଣ୍ଡି କୋର୍ଟ କମ୍ପ୍ଲେକ୍ସ ପରିସରରେ ରବିବାର ଦ୍ଵାଦଶ ଅନ୍ତର୍ଜାତୀୟ ଯୋଗ ଦିବସ ପାଳିତ ହୋଇଯାଇଛି । ଜେଏମଏଫସି କୋର୍ଟ ର ପ୍ରଥମ ଶ୍ରେଣୀ ବିଚାର ବିଭାଗୀୟ ମାଜିଷ୍ଟ୍ରେଟ ନିଳିମା ଷଡଙ୍ଗୀ ଙ୍କ ସଂଯୋଜନାରେ ଆୟୋଜିତ ଶିବିରରେ ସିଭିଲ କୋର୍ଟ ସିନିୟର ଡିଭିଜନ ର ମାଜିଷ୍ଟ୍ରେଟ ମହାଶ୍ବେତା ପରିଜା ଅତିଥି ଭାବେ ଯୋଗଦେଇଥିଲେ। କୋର୍ଟ ର ସମସ୍ତ କର୍ମଚାରୀ ଏବଂ ବହୁ ସଂଖ୍ୟକ ଆଇନଜୀବି ଉପସ୍ଥିତ ରହି ଯୋଗ ଓ ପ୍ରାଣାୟାମ କରିଥିଲେ। ଭାରତୀୟ ଯୋଗ ଦର୍ଶନ ଏବଂ ଯୋଗର ଉପଯୋଗିତା ବିଷୟରେ ମାଜିଷ୍ଟ୍ରେଟ ଆଲୋକପାତ କରିଥିଲେ । ଖେମୁଣ୍ଡି ଓକିଲ ସଂଘ ର ବରିଷ୍ଠ ସଦସ୍ୟ ରତ୍ନାକର ମେକାପ,ପୋଲିସ କର୍ମଚାରୀ ପ୍ରଭାକର ସାହୁ, ବିଭିନ୍ନ ଯୋଗ କୌଶଳ, ପ୍ରାଣାୟାମ ସମ୍ପର୍କରେ ତାଲିମ ପ୍ରଦାନ କରିଥିଲେ। କୋର୍ଟ କର୍ମଚାରୀ ପ୍ରଦୀପ ଶତପଥି, ସସ୍ମିତା ମହାରଣା, ଅଞ୍ଜଳି ମହାରଣା,ସଂଗ୍ରାମ କେଶରୀ ପଣ୍ଡା, ପ୍ରଦୀପ ପୁରୋହିତ,ପିଲଚୁ ହେମ୍ବ୍ରମ, ରୁଦ୍ର ପ୍ରସାଦ ତାଣ୍ଡିଆ,ପପୁନ ମହାରଣା,ଆକାଶ କୁମାର ପାଢ଼ୀ, ପୂର୍ଣ୍ଣଚନ୍ଦ୍ର ପାତ୍ର,କେ. ନକିଆ,ନିରଞ୍ଜନ ଶବର, କାଳିଆ ନାୟକ,ବିକ୍ରମ ବେହେରା ପ୍ରମୁଖ ସମସ୍ତ କାର୍ଯ୍ୟକ୍ରମ ପରିଚାଳନା ରେ ସହାୟତା କରିଥିଲେ।
