ନବଧା ଶକ୍ତି ସ୍ବରୂପିଣୀ

ସାରା ଦେଶ ଏବେ ମା’ ଆଦ୍ୟାଶକ୍ତିଙ୍କ ଆବାହନରେ ମଗ୍ନ। ମା’ ଆସିବେ ଦୁଷ୍ଟ ଶକ୍ତିର ସଂହାର କରିବେ। ଏଥିପାଇଁ ତ ଏବେ ସବୁଆଡେ ଚାଲିଛି ନବରାତ୍ର ପୂଜା। ଏହି ସମୟରେ ଆଦ୍ୟାଶକ୍ତିଙ୍କୁ ନବଧା ରୂପରେ ଆବାହନ କରାଯାଏ। ନାରୀଶକ୍ତିର ପ୍ରତୀକଭାବେ କେତେକ ସ୍ଥାନରେ କୁଆଁରୀ କନ୍ୟାଙ୍କୁ ବି ପୂଜା କରାଯାଏ। ପୂର୍ବରୁ ଭାରତର ଅନ୍ୟସ୍ଥାନରେ ବିଶେଷଭାବରେ ଏହି ପୂଜା କରାଯାଉଥିବାବେଳେ ଏବେ ଆମ ରାଜ୍ୟରେ ବି ଏହି ବ୍ରତକୁ ଅନେକେ ଭାବଭକ୍ତିରେ ପାଳନ କରୁଛନ୍ତି…

ନବରାତ୍ରି, ଅର୍ଥାତ୍‌ ନଅ ଦିନର ପୂଜାର୍ଚ୍ଚନା। ନଅ ଦିନ ମଧ୍ୟରେ ମାଆଙ୍କର ନଅଟି ରୂପକୁ ଆବାହନ କରାଯାଏ। ନବମାତୃକାଙ୍କର ଏହି ପୂଜାରେ ପ୍ରଥମ ତିନିଦିନରେ ମା’ଙ୍କୁ ଦୁଷ୍ଟ ବିନାଶିନୀ ଦୁର୍ଗା ତଥା କାଳୀ ରୂପରେ ପୂଜା କରାଯାଏ। ମଝି ତିନିଦିନରେ ମା’ଙ୍କୁ ଧନଧାନ୍ୟ ତଥା ସମ୍ପଦର ଦେବୀ ଲକ୍ଷ୍ମୀଙ୍କ ରୂପରେ ପୂଜା କରାଯାଏ। ସେହିପରି ଶେଷ ତିନିଦିନରେ ମା’ ବିଦ୍ୟାଦାତ୍ରୀ ସରସ୍ବତୀଭାବେ ପୂଜା ପାଇଥାନ୍ତି। ହିନ୍ଦୁ ପରମ୍ପରା ଅନୁଯାୟୀ ବର୍ଷରେ ପାଞ୍ଚଥର ( ପୌଷ, ମାଘ, ଚୈତ୍ର, ଆଷାଢ଼ ଓ ଆଶ୍ୱିନ) ନବରାତ୍ରି ପାଳନ ହେଉଥିଲେ ମଧ୍ୟ ଶରତ ଋତୁରେ (ଆଶ୍ୱିନ ମାସ ଶୁକ୍ଳପକ୍ଷ ପ୍ରତିପଦ ତିଥିରୁ ନବମୀ ପର୍ଯ୍ୟନ୍ତ) ପାଳିତ ହେଉଥିବା ନବରାତ୍ରି ସବୁଠୁ ଅଧିକ ଗୁରୁତ୍ୱପୂର୍ଣ୍ଣ। ଏହାକୁ ମହାନବରାତ୍ରି ମଧ୍ୟ କୁହାଯାଏ।
ନବରାତ୍ରି ପୂଜା ନିମନ୍ତେ ପ୍ରଥମେ ପୂଜାବେଦିରେ ଘଟ ସ୍ଥାପନ କରି ଦେବୀଙ୍କୁ ଆବାହନ କରାଯାଏ। ଧାନ କିମ୍ବା ଗହମ ଉପରେ ସ୍ଥାପନ କରାଯାଇଥିବା ଘଟରେ ଦେବୀ ଦୁର୍ଗାଙ୍କ ଛବି କିମ୍ବା ସ୍ବସ୍ତିକ ଚିହ୍ନ ଅଙ୍କନ କରାଯାଏ। ନିଅଦିନ ପର୍ଯ୍ୟନ୍ତ ପୂଜା ସରିବା ପରେ ଶେଷ ଦିନ ଘଟ ବିସର୍ଜନ କରାଯାଏ। ଅଷ୍ଟମୀ ବା ନବମୀ ଦିନ ଦଶ ବର୍ଷ ବୟସରୁ କମ୍‌ ବୟସର ୯ଜଣ କୁମାରୀଙ୍କୁ ଦୁର୍ଗାଙ୍କ ନଅଟି ମୂର୍ତ୍ତି ଯଥା- କୁମାରୀ(କୁମାରିକା), ତ୍ରିମୂର୍ତ୍ତିନୀ (ତ୍ରିମୂର୍ତ୍ତି), କଲ୍ୟାଣୀ (କଳହାଣୀ), ରୋହିଣୀ, କାଳୀ, ଚଣ୍ଡିକା, ଶମ୍ଭବୀ(ଶାମ୍ଭବୀ), ଦୁର୍ଗା ଓ ସୁଭଦ୍ରା ରୂପେ କଳ୍ପନା କରି ଭୋଜନ ଦିଆଯାଏ।
ନାବରାତ୍ର ବ୍ରତ ଧାରଣ କରିଥିବା ମହିଳାମାନେ ସାଧାରଣତଃ ଏହି ନଅଦିନ କେବଳ ଫଳ ଆହାର କିମ୍ବା ମିଠାଜାତୀୟ ବ୍ୟଞ୍ଜନ ଗ୍ରହଣ କରି ରହିଥାନ୍ତି। କେହି କେହି ସାରାଦିନ କେବଳ ସରବତ ବା ଫଳ ଖାଇ ରହିଥାନ୍ତି। ଏ ସାରେ ମାଆଙ୍କ ପୂଜା ପରେ ପୁରି, ଖିରି କିମ୍ବା ପରଟା ଆଦି ଖାଇ ରହନ୍ତି। ପୂଜା ବିଧି ଅନୁସାରେ ଏହି ସମୟରେ ସାଧାରଣତଃ ଲୁଣ ଖାଇବା ମଧ୍ୟ ବାରଣ ଥାଏ। କିନ୍ତୁ ଲୁଣ ସ୍ଥାନରେ ସୈନ୍ଧବ ଲୁଣକୁ ଗ୍ରହଣ କରାଯାଏ।

 

ମାଆଙ୍କ ନିର୍ଦ୍ଦେଶରେ ପୂଜା କରୁଛି
ପିଲାଦିନରୁ ମୁଁ ମାଆଙ୍କ ପୂଜା କରେ। ତାପରେ ଥରେ ମାଆ ମତେ ସ୍ବପ୍ନରେ ଦର୍ଶନ ଦେଇ ଘରେ ଘଟ ସ୍ଥାପନ ନିମନ୍ତେ କହିଥିଲେ। ସେହିଦିନ ଠାରୁ ପ୍ରାୟ ୩୦ ବର୍ଷ ହେଲାଣି ମୁଁ ନବରାତ୍ରି ବ୍ରତ କରୁଛି। ନଅ ଦିନ ପର୍ଯ୍ୟନ୍ତ ଆମ ଘରେ ସମସ୍ତେ ନିଷ୍ଠାର ସହିତ ଏହି ବ୍ରତ ପାଳନ କିରବାରେ ସାହାଯ୍ୟ କରିଥାନ୍ତି। ସମସ୍ତେ ଏକାଠି ବସି ମାଆଙ୍କ ପୂଜା କରୁ। ଏବେ ମୋର ତିନି ଝିଅ ବି ନବରାତ୍ରି ପୂଜା କରୁଛନ୍ତି। ଘରେ ଘଟ ସ୍ଥାପନ କରି ପୂଜା ହେଉଥିବାରୁ ଏହି ନଅ ଦିନ ଘରର ବାତାବରଣ ବେଶ୍‌ ପବିତ୍ର ମନେ ହୋଇଥାଏ। -ବିଜୟଲକ୍ଷ୍ମୀ ବେଉରା, ଗୃହିଣୀ, ମଞ୍ଚେଶ୍ୱର, ଭୁବନେଶ୍ୱର

ମାଆ ଆସୁଛନ୍ତି ବୋଲି…
ଆମ ଘରେ ଛୋଟବେଳରୁ ମାଆଙ୍କ ପୂଜା କରାଯାଏ। ମୁଁ କଲେଜରେ ପଢ଼ିବା ସମୟରୁ ଏହି ବ୍ରତ ପାଳି ଆସୁଛି। ଏବେ ବିବାହ ପରେ ପ୍ରଥମ ଥର ପାଇଁ ମୁଁ ଏବର୍ଷ ଶାଶୁ ଘରେ ବି ନବରାତ୍ରି ପୂଜା କରୁଛି। ସମସ୍ତେ ଏକାଠି ହୋଇ ପ୍ରତିଦିନ ସକାଳ ଓ ସାରେ ଆମେ ମାଆଙ୍କ ପୂଜା କରୁଛୁ। ଘରେ ଘଟ ସ୍ଥାପନ ହୋଇଥିବାରୁ ସମସ୍ତେ ଅରୁଆ ଖାଉଛନ୍ତି। କହିବାକୁ ଗଲେ ମାଆ ଆସୁଛନ୍ତି ବୋଲି ଘରେ ଏବେ ଏକ ପବିତ୍ର ବାତାବରଣ ସୃଷ୍ଟି ହୋଇଛି।
-ଶୁଭଲକ୍ଷ୍ମୀ ମହାପାତ୍ର, କର୍ମଜୀବୀ, ଶୈଳଶ୍ରୀ ବିହାର, ଭୁବନେଶ୍ୱର


Enter your email to get our daily news in your inbox.

All Right Reserved By Dharitri.Com

ଶନିଙ୍କ ମାର୍ଗୀ ଚଳନ: ୨୦୨୭ ପୂର୍ବରୁ ୪ ରାଶିଙ୍କ ଘରକୁ ଆସିବ ଧନର ସୁଅ! ଚାକିରି-ବ୍ୟବସାୟରେ…

ଶନିଦେବଙ୍କୁ ନ୍ୟାୟ ଓ କର୍ମଫଳର ଦେବତା ବୋଲି ମାନାଯାଏ। ବ୍ୟକ୍ତିଙ୍କ କର୍ମ ଅନୁସାରେ ଶନିଦେବ ତାଙ୍କୁ ଫଳ ପ୍ରଦାନ କରିଥାନ୍ତି। ଜ୍ୟୋତିଷ ଶାସ୍ତ୍ର ଅନୁଯାୟୀ, ଶନିଦେବ ଯେତେବେଳେ…

ଅନୁରାଧା ନକ୍ଷତ୍ରରେ ସୂର୍ଯ୍ୟଙ୍କ ପ୍ରବେଶ: ୫ ରାଶିର ଭାଗ୍ୟରେ ଲାଗିଲା ଚାରିଚାନ୍ଦ, ଧନଲାଭ ସହ ଚାକିରିରେ ବଡ଼ ପ୍ରମୋଶନ

ସୂର୍ଯ୍ୟଙ୍କ ନକ୍ଷତ୍ର ପରିବର୍ତ୍ତନ ଯୋଗୁ ମେଷ, ମିଥୁନ, କନ୍ୟା, ଧନୁ ଓ ମୀନ ରାଶିର ବ୍ୟକ୍ତିଙ୍କୁ ଭାଗ୍ୟର ସାଥ୍‌ ମିଳିବ। ଏହି ୫ଟି ରାଶିର ଲୋକଙ୍କ ପାଇଁ…

ଏକାସାଙ୍ଗେ ଶନି, ରାହୁ-କେତୁଙ୍କ ବକ୍ରୀ ଚଳନ: ଏହି ୪ ରାଶିଙ୍କ ଜୀବନରେ ଲାଗିବ ଗ୍ରହଣ! ପାଖରୁ ପଳାଇବ ସବୁ ଟଙ୍କା

ଜ୍ୟୋତିଷ ଶାସ୍ତ୍ର ଅନୁସାରେ, ଶନି ଗ୍ରହ ୨୭ ଜୁଲାଇ ୨୦୨୬ରେ ବକ୍ରୀ ହୋଇଥିଲେ। ବର୍ତ୍ତମାନ ଶନି ବକ୍ରୀ ଚଳନ କରୁଥିବା ବେଳେ ଆସନ୍ତା ଡିସେମ୍ବର ୧୧ ତାରିଖରେ…

ଶନିଦେବଙ୍କ ସିଧା ଚଳନ: ୩ ରାଶିଙ୍କ ଫାଇଦା ହିିଁ ଫାଇଦା, ଶେଷ ହେବ ଖରାପ ସମୟ

ଜ୍ୟୋତିଷ ଶାସ୍ତ୍ର ଅନୁସାରେ, ୨୦୨୬ର ଶେଷ ମାସ ଡିସେମ୍ବର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ରହିବ। ଏହି ମାସରେ ଶନିଦେବ ମାର୍ଗୀ ହେବାକୁ ଯାଉଛନ୍ତି। ଜ୍ୟୋତିଷ ଶାସ୍ତ୍ରରେ ଶନିଦେବଙ୍କୁ କର୍ମଫଳଦାତା…

ଆଜି ବିଛା ରାଶିକୁ ଚଳନ କରିବେ ସୂର୍ଯ୍ୟ: ଡିସେମ୍ବର ୧୬ ପୂର୍ବରୁ କୋଟିପତି ହେବେ ଏହି ୬ ରାଶି! ଚାକିରିରେ ବଡ଼ ପ୍ରମୋଶନ

ଆଜି ସନ୍ଧ୍ୟା ୭ଟା ୪୮ ମିନିଟରେ ସୂର୍ଯ୍ୟ ବିଛା ରାଶିକୁ ଚଳନ କରିବେ। ଏହାପରେ ଡିସେମ୍ବର ୧୬ ତାରିଖ ପର୍ଯ୍ୟନ୍ତ ସୂର୍ଯ୍ୟ ଏହି ରାଶିରେ ଅବସ୍ଥାନ କରିବେ।…

ଶୁକ୍ରଙ୍କ ମାର୍ଗୀ ଚଳନରେ ଜବରଦସ୍ତ ଫାଇଦା: ୨୨ ନଭେମ୍ବର ପୂର୍ବରୁ ମାଲାମାଲ ହେବେ ଏହି ୩ ରାଶି! ଜାଣନ୍ତୁ ସେହି ଭାଗ୍ୟଶାଳୀ ରାଶି କିଏ…

ଜ୍ୟୋତିଷ ଶାସ୍ତ୍ର ଅନୁସାରେ, ଶୁକ୍ର ଗ୍ରହ ୧୪ ନଭେମ୍ବର ୨୦୨୬ରେ କନ୍ୟା ରାଶିରେ ମାର୍ଗୀ ହୋଇଛନ୍ତି। ଏହାପରେ ୨୨ ନଭେମ୍ବରରେ ଶୁକ୍ର ତୁଳା ରାଶିକୁ ଚଳନ କରିବେ।…

ଆମର ଏହି ବସୁନ୍ଧରା

ଦିନକର କଥା। ସୂର୍ଯ୍ୟଠାରୁ ସେଦିନ ଖଣ୍ଡେ ବାହାରି ଆସିଲା। ସେହି ସୂଯର୍ର୍‌ୟାଂଶ ହିଁ ହେଲା ଆମ ପୃଥିବୀ। ତାକୁ ସୂର୍ଯ୍ୟ ଖଣ୍ଡ ନ କହି ସୂର୍ଯ୍ୟକନ୍ୟା କହିବାଟା…

କିଡ୍‌ନୀ ଖରାପ ହେଲେ ଶରୀରରେ ଦେଖାଦିଏ ଏସବୁ ସମସ୍ୟା, କରନ୍ତୁ ନାହିଁ ଅଣଦେଖା

କିଡ୍‌ନୀ ଏପରି ଏକ ଅଙ୍ଗ ଯାହାର କାର୍ଯ୍ୟ ଅକ୍ଷମତା ଅନେକ ଡେରିରେ ଜଣାପଡ଼େ। ଅଙ୍ଗଟି ପ୍ରାୟ ୮୦-୯୦ ଶତାଂଶ ଅକ୍ଷମ ନ ହୋଇପଡ଼ିବାର ପୂର୍ବ ପର୍ଯ୍ୟନ୍ତ ରୋଗୀକୁ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?