ଭୋପାଳ,୫।୧୦: କଂଗ୍ରେସ ନେତା ପ୍ରିୟଙ୍କା ଗାନ୍ଧୀ ଭଦ୍ରା ଆଜି ମଧ୍ୟପ୍ରଦେଶ ଗସ୍ତରେ ଯାଇଛନ୍ତି। ପ୍ରିୟଙ୍କା ଧରର ମୋହନଖେଡା ଠାରେ ଜୈନ ତୀର୍ଥସ୍ଥାନ ପରିଦର୍ଶନ କରି ଏକ ଜନ ସମାବେଶକୁ ସମ୍ବୋଧିତ କରିଥିଲେ। ତାଙ୍କ ଭାଷଣ ସମୟରେ ପ୍ରିୟଙ୍କା ଗାନ୍ଧୀ ପୂର୍ବତନ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କୁ ଜଣେ ମହାପୁରୁଷ ବୋଲି କହିଥିଲେ। ତାଙ୍କ ଭାଷଣର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭାଜପା ଏବେ ତାଙ୍କୁ ଟାର୍ଗେଟ୍ କରୁଛି।
ସମାବେଶକୁ ସମ୍ବୋଧିତ କରିବାବେଳେ ପ୍ରିୟଙ୍କା ଗାନ୍ଧୀ ତାଙ୍କ ଜେଜେମା’ ଇନ୍ଦିରା ଗାନ୍ଧୀଙ୍କ ବିଷୟରେ କହୁଥିଲେ। ଏହି ସମୟରେ ସେ କହିଥିଲେ – ମୋ ଜେଜେମା’ ଇନ୍ଦିରା ଗାନ୍ଧୀ ମଧ୍ୟ ଜଣେ ମହାପୁରୁଷ ଥିଲେ। କିଛି ସେକେଣ୍ଡ ମଧ୍ୟରେ ନିଜ ଭୁଲକୁ ଅନୁଭବ କରି ସେ ଜଣେ ପୁରୁଷ ନୁହେଁ, ସେ ବହୁତ ବଡ ବ୍ୟକ୍ତିତ୍ୱ ଥିଲେ ବୋଲି ପ୍ରିୟଙ୍କା କହିଥିଲେ। ଏବେ ଭାଜପା ନେତାମାନେ ପ୍ରିୟଙ୍କାଙ୍କ ଏହି ବିବୃତ୍ତିକୁ ଗାନ୍ଧୀ ପରିବାରର ଅହଂକାର ବୋଲି କହୁଛନ୍ତି। ପ୍ରିୟଙ୍କା ଇନ୍ଦିରା ଗାନ୍ଧୀଙ୍କୁ ଜନତାଙ୍କ ସେବକ ନୁହେଁ ବରଂ ଜଣେ ବଡ଼ ବ୍ୟକ୍ତିତ୍ୱ କହୁଛନ୍ତି ବୋଲି ଭାଜପା ନେତାମାନେ କହିଛନ୍ତି।
ପ୍ରିୟଙ୍କା ଗାନ୍ଧୀ ନିଜ ସମ୍ବେଧନରେ କହିଥିଲେ, ମଧ୍ୟପ୍ରଦେଶରେ କଂଗ୍ରେସ ସରକାର ଗଠନ ହେଲେ ଅନେକ ଯୋଜନା ଆରମ୍ଭ କରିବ। ରାଜ୍ୟରେ କଂଗ୍ରେସ ସରକାର ଗଠନ ପରେ କୃଷକଙ୍କ ଋଣ ପୁଣି ଛାଡ଼ କରାଯିବ। ୧୦୦ ୟୁନିଟ ବିଦ୍ୟୁତ ମାଗଣାରେ ଉପଲବ୍ଧ ହେବ। ପୁରୁଣା ପେନସନ ପୁନଃକାର୍ଯ୍ୟକାରୀ କରାଯିବ। ୫୦୦ ଟଙ୍କାରେ ଗ୍ୟାସ ସିଲିଣ୍ଡର ଉପଲବ୍ଧ ହେବ ଏବଂ ମହିଳାମାନେ ସେମାନଙ୍କ ଆକାଉଣ୍ଟରେ ମାସକୁ ୧୫୦୦ ଟଙ୍କା ପାଇବେ। ରାଜ୍ୟକୁ ଭାଜପା ମୁକ୍ତ କରିବା ପାଇଁ କଂଗ୍ରେସକୁ ଜିତାନ୍ତୁ।
" मेरी दादी इंदिरा गांधी भी महापुरुष थी…."
नहीं वो पुरुष नहीं एक बहुत बड़ी हस्ती थी…"
जनता की सेवक नहीं वो बड़ी हस्ती थी….
गांधी परिवार का गुमान… pic.twitter.com/1RuYwO0peA
— Meet Narendra Saluja (@NarendraSaluja) October 5, 2023
