ନୂଆଦିଲ୍ଲୀ,୩୧।୭: କମନୱେଲଥ୍ ଗେମ୍ସ ୨୦୨୬ରେ ଭାରତୀୟ କ୍ରୀଡ଼ା ଜଗତ ପାଇଁ ଆଜିର ଦିନଟି ଏକ ଐତିହାସିକ ଦିନ ହୋଇଛି। ଜୁଡୋରେ ଅସ୍ମିତା ଦେ ସ୍ୱର୍ଣ୍ଣ ପଦକ ଜିତିବାର ମାତ୍ର କିଛି ସମୟ ପରେ ହର୍ଷ ସିଂହ ମଧ୍ୟ ଭାରତ ପାଇଁ ଆଉ ଏକ ସ୍ୱର୍ଣ୍ଣ ପଦକ ଜିତି ଦେଶର ଗୌରବ ବଢ଼ାଇଛନ୍ତି।
ଫାଇନାଲ ମୁକାବିଲାରେ ହର୍ଷ ସିଂହ ଅଷ୍ଟ୍ରେଲିଆର ଜୋଶୁଆ କ୍ୟାଟ୍ଜଙ୍କୁ ୧୦-୦ ବ୍ୟବଧାନରେ ପରାସ୍ତ କରି ଚାମ୍ପିଅନ୍ ହୋଇଛନ୍ତି।
କମନୱେଲଥ୍ ଗେମ୍ସ ଇତିହାସରେ ଜୁଡୋରେ ଭାରତର ଏହା ମାତ୍ର ଦ୍ୱିତୀୟ ସ୍ୱର୍ଣ୍ଣ ପଦକ। ବିଶେଷ କଥା ହେଉଛି, ଭାରତର ଏହି ଦୁଇଟି ସ୍ୱର୍ଣ୍ଣ ପଦକ ମାତ୍ର ୨୦ ମିନିଟ୍ ବ୍ୟବଧାନରେ ଆସିଛି, ଯାହା ଭାରତୀୟ ଜୁଡୋ ପାଇଁ ଏକ ଐତିହାସିକ ମୁହୂର୍ତ୍ତ ସୃଷ୍ଟି କରିଛି।
କହିରଖୁଛୁ, ଭାରତର ଯୁବ ଜୁଡୋ ଖେଳାଳି ଅସ୍ମିତା ୪୮ କିଗ୍ରା ବର୍ଗରେ ଦେଶ ପାଇଁ ପ୍ରଥମ ସ୍ୱର୍ଣ୍ଣ ପଦକ ଜିତି ଇତିହାସ ରଚିଛନ୍ତି। ଫାଇନାଲ ମୁକାବିଲାରେ ସେ କାନାଡ଼ାର ଖେଳାଳିଙ୍କୁ ପରାସ୍ତ କରିଛନ୍ତି। କମନୱେଲ୍ଡ ଗେମ୍ସର ଜୁଡୋ ଇତିହାସରେ ଭାରତକୁ ପ୍ରଥମ ଥର ପାଇଁ ସ୍ୱର୍ଣ୍ଣ ପଦକ ମିଳିଥିବାରୁ ଏହା ଦେଶ ପାଇଁ ଏକ ବଡ଼ ଗର୍ବର ବିଷୟ ପାଲଟିଛି।
