ନୂଆଦିଲ୍ଲୀ,୭।୧: ମଙ୍ଗଳବାର ସରକାର ଜିଡିପି ତଥ୍ୟ ପ୍ରକାଶ କରିଛନ୍ତି। ଏହାକୁ ଧ୍ୟାନରେ ରଖି ଅନୁମାନ କରାଯାଉଛି ଯେ, ଆଗାମୀ ୨୦୨୪-୨୫ ଆର୍ଥିକ ବର୍ଷରେ ଭାରତର ମୋଟ ଘରୋଇ ଉତ୍ପାଦ(ଜିଡିପି) ୬.୪% ହାରରେ ବଢିବାର ଅନୁମାନ କରାଯାଉଛି। ଯାହା ଚାରି ବର୍ଷର ସର୍ବନିମ୍ନ ସ୍ତର ଛୁଇଁବ ଏବଂ ଆର୍ଥିକ ବର୍ଷ ୨୪ରେ ରେକର୍ଡ ହୋଇଥିବା ୮.୨% ଅଭିବୃଦ୍ଧି ହାର ଠାରୁ ଦ୍ରୁତ ହ୍ରାସ ପାଉଛି। ଏହି ଅନୁମାନ ମାର୍ଚ୍ଚ ୨୦୨୫ ରେ ସମାପ୍ତ ହେଉଥିବା ଚଳିତ ଆର୍ଥିକ ବର୍ଷ ପାଇଁ ଭାରତୀୟ ରିଜର୍ଭ ବ୍ୟାଙ୍କ ନିକଟରେ କରିଥିବା ଅନୁମାନଠାରୁ ମଧ୍ୟ କମ୍ ଅଟେ।
୨୦୨୪-୨୫ ଆର୍ଥିକ ବର୍ଷ ପାଇଁ ଜାତୀୟ ଆୟର ପ୍ରଥମ ଅଗ୍ରୀମ ଆକଳନ ପ୍ରକାଶ କରି ଏନଏସଓ କହିଛି ଯେ ୨୦୨୪-୨୫ ଆର୍ଥିକ ବର୍ଷରେ ପ୍ରକୃତ ଜିଡିପି ଅଭିବୃଦ୍ଧି ୬.୪ ପ୍ରତିଶତ ଅନୁମାନ କରାଯାଇଥିଲା, ଯେତେବେଳେ କି ୨୦୨୩-୨୪ ଆର୍ଥିକ ବର୍ଷ ପାଇଁ ଜିଡିପିର ସାମୟିକ ଆକଳନ ୮.୨ ପ୍ରତିଶତ ବୋଲି ଆକଳନ କରାଯାଇଥିଲା। ତେବେ ସରକାର ଆକଳନ କରିଛନ୍ତି ଯେ ୨୦୨୫ ଆର୍ଥିକ ବର୍ଷରେ ଭାରତର ଜିଡିପି ଅଭିବୃଦ୍ଧି ହାର ଚାରି ବର୍ଷର ସର୍ବନିମ୍ନ ୬.୪% ରେ ପହଞ୍ଚିବ।
