Posted inଖେଳ

ଭାରତର ୩ ସ୍ପିନର ରଣନୀତି

ଚେନ୍ନାଇ, ୪।୨- ଭାରତ-ଇଂଲଣ୍ଡ ପ୍ରଥମ କ୍ରିକେଟ ଟେଷ୍ଟ ସ୍ଥାନୀୟ ଚେପକ୍‌ ଷ୍ଟାଡିୟମରେ ଶୁକ୍ରବାରଠାରୁ ଆରମ୍ଭ ହେବାକୁ ଯାଉଛି। ଚେପକ୍‌ ପିଚ୍‌ ସାଧାରଣତଃ ସ୍ପିନରଙ୍କୁ ସୁହାଇଥାଏ। ତେଣୁ ପ୍ରଥମ ଟେଷ୍ଟରେ ଦଳ ୩ ସ୍ପିନରଙ୍କୁ ନେଇ ଖେଳିବା ଶତପ୍ରତିଶତ ସମ୍ଭାବନା ରହିଛି। ଅଷ୍ଟ୍ରେଲିଆରେ ପେସ୍‌ ବୋଲରଙ୍କ ସଫଳତା ଯୋଗୁ ଭାରତ ଟେଷ୍ଟ ସିରିଜ ଜିତି ଇତିହାସ ରଚିଥିଲା। ମାତ୍ର ଘରୋଇ ପରିବେଶରେ ତାହା କାମ ଦେବା ସମ୍ଭାବନା ନ ଥିବାରୁ ଭାରତ ୩ ସ୍ପିନର ରଣନୀତି ଅବଲମ୍ବନ କରିବା ଏକପ୍ରକାର ନିଶ୍ଚିତ। ଚେପକ୍‌ ପିଚ୍‌ରେ ସାଧାରଣତଃ ପ୍ରଥମ ଦିବସରେ ବାଉନ୍ସ ମିଳିଥାଏ। ଦ୍ୱିତୀୟ ଓ ତୃତୀୟ ଦିବସ ବ୍ୟାଟିଂ ପାଇଁ ଉପଯୋଗୀ ହେଉଥିବାବେଳେ ପରବର୍ତ୍ତୀ ୨ ଦିନରେ ବଲ୍‌ ଟର୍ନ କରିଥାଏ। ତେଣୁ ଅଭିଜ୍ଞ ସ୍ପିନର ରବିଚନ୍ଦ୍ରନ ଅଶ୍ୱିନ ଓ ରିଷ୍ଟ ସ୍ପିନର କୁଲଦୀପ ଯାଦବ ପ୍ରଥମ ପସନ୍ଦ ରହିବେ। ଅବଶିଷ୍ଟ ୨ ସ୍ପିନର ଓ୍ବାଶିଂଟନ ସୁନ୍ଦର ଓ ଅକ୍ଷର ପଟେଲଙ୍କ ମଧ୍ୟରୁ ଜଣଙ୍କୁ ଚୟନ କରାଯିବ। ଯଦି ମ୍ୟାନେଜମେଣ୍ଟ ବ୍ୟାଟିଂ ଲାଇନ୍‌ଅପ୍‌କୁ ଦୃଢ଼ କରିବାକୁ ଚାହିଁବ ତେବେ ସୁନ୍ଦର ଆଗରେ ରହିବେ। ମାତ୍ର ନିକଟରେ ଇଂଲଣ୍ଡ ବିପକ୍ଷରେ ଶ୍ରୀଲଙ୍କା ବାମହାତୀ ସ୍ପିନର ଲସିଥ ଏମ୍ବୁଲଡେନିୟା ପ୍ରଭାବୀ ରହିଥିଲେ। ତେଣୁ ଏହାକୁ ବିଚାରକୁ ନେଲେ ଅକ୍ଷର ଆଗକୁ ଆସିଯିବେ। ବାମହାତୀ ସ୍ପିନର ରହିଲେ ବୋଲିଂ ବିଭାଗ ମଧ୍ୟ ଅଧିକ ସନ୍ତୁଳିତ ହୋଇପାରିବ। ଭାରତର ୬ ବ୍ୟାଟ୍ସମ୍ୟାନ ପ୍ରାୟତଃ ଚୂଡ଼ାନ୍ତ ହୋଇ ସାରିଛି। ସେମାନେ ହେଲେ ରୋହିତ ଶର୍ମା, ଶୁବମନ ଗିଲ୍‌, ଚେତେଶ୍ୱର ପୂଜାରା, ବିରାଟ କୋହଲି, ଅଜିଙ୍କ୍ୟ ରାହାନେ ଓ ରିଷଭ ପନ୍ତ। ହାର୍ଦ୍ଦିକ ପାଣ୍ଡ୍ୟା ଅଭ୍ୟାସ ଆରମ୍ଭ କରିଥିଲେ ହେଁ ତାଙ୍କୁ ଅପେକ୍ଷା କରିବାକୁ ପଡ଼ିବ। ଯଶପ୍ରୀତ ବୁମ୍‌ରା ପ୍ରଥମ ପସନ୍ଦ ଦ୍ରୁତ ବୋଲର ହୋଇଥିବାବେଳେ ଈଶାନ୍ତ ଶର୍ମା ଓ ମହମ୍ମଦ ସିରାଜଙ୍କ ମଧ୍ୟରୁ ଜଣଙ୍କୁ ବଛାଯିବ।
ଇଂଲଣ୍ଡ ବୋଲିଂ ବିଭାଗ କଥା ବିଚାର କରାଗଲେ ପେସ୍‌ ବୋଲିଂ ଅଲରାଉଣ୍ଡର ବେନ୍‌ ଷ୍ଟୋକ୍ସ ଖେଳିବା ନିଶ୍ଚିତ। ଜେମ୍ସ ଆଣ୍ଡରସନ ଓ ଜୋଫ୍ରା ଆର୍ଚର ଫାଷ୍ଟ ବୋଲିଂ ଆକ୍ରମଣ ଦାୟିତ୍ୱରେ ରହିବେ ଏବଂ ସ୍ପିନ ଚ୍ୟାଲେଞ୍ଜ ସମ୍ଭାଳିବେ ଅଫ୍‌ ସ୍ପିନର ଡମ୍‌ ବେସ୍‌ ଓ ବାମହାତୀ ଜ୍ୟାକ୍‌ ଲିଚ୍‌।
୧୯୩୩ରୁ ୨୦୧୬ ମଧ୍ୟରେ ଭାରତ ଓ ଇଂଲଣ୍ଡ ମଧ୍ୟରେ ଭାରତରେ ୬୦ଟି ଟେଷ୍ଟ ଅନୁଷ୍ଠିତ ହୋଇଛି। ଏଥିରୁ ଭାରତ ୧୯ଟି ଜିତିଥିବାବେଳେ ଇଂଲଣ୍ଡ ୧୩ଟିରେ ବିଜୟୀ ହୋଇଛି। ଅବଶିଷ୍ଟ ୨୮ଟି ମ୍ୟାଚ ଡ୍ର ରହିଛି।

କୋହଲି ଆଗରେ
ଭାରତରେ ଟେଷ୍ଟ ଖେଳାଯିବା ଅବସରରେ ଉଭୟ ଦଳ ମଧ୍ୟରେ ସକ୍ରିୟ ଥିବା ଖେଳାଳିଙ୍କ ମଧ୍ୟରୁ ସର୍ବାଧିକ ରନ ସ୍କୋରରଙ୍କ ମଧ୍ୟରେ ଶୀର୍ଷରେ ରହିଛନ୍ତି ଅଧିନାୟକ ବିରାଟ କୋହଲି। ସେ ୯ ଟେଷ୍ଟରୁ ୭୦.୨୫ ଆଭରେଜରେ ୮୪୩ ରନ ସ୍କୋର କରିଛନ୍ତି। ଏହା ମଧ୍ୟରେ ୨ ଶତକ ଓ ୩ ଅର୍ଦ୍ଧଶତକ ସାମିଲ। ଅନ୍ୟ ୪ ବ୍ୟାଟ୍ସମ୍ୟାନ ହେଲେ ଚେତେଶ୍ୱର ପୂଜାରା (୯ ମ୍ୟାଚ, ୬୪.୫୩ ଆଭରେଜରେ ୮୩୯ ରନ, ୪ ଶତକ, ୧ ଅର୍ଦ୍ଧଶତକ), ଜୋ ରୁଟ୍‌ ( ୬ ମ୍ୟାଚ, ୫୩.୦୯ ଆଭରେଜରେ ୫୮୪ ରନ, ୧ ଶତକ, ୫ ଅର୍ଦ୍ଧଶତକ), ରବିଚନ୍ଦ୍ରନ ଅଶ୍ୱିନ (୯ ମ୍ୟାଚ, ୪୯.୦୯ ଆଭରେଜରେ ୫୪୯ ରନ, ୬ ଅର୍ଦ୍ଧଶତକ) ଏବଂ ମୋଇନ ଅଲୀ (୫ ମ୍ୟାଚ, ୪୨.୩୩ ଆଭରେଜରେ ୩୮୧ ରନ, ୨ ଶତକ, ୧ ଅର୍ଦ୍ଧଶତକ)।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

୩ ଭାରତୀୟ ବାସ୍କେଟବଲ ଖେଳାଳି ଅଟକ

ନୂଆଦିଲ୍ଲୀ,୮।୧୧- ଦେଶର ଟପ୍‌ ବାସ୍କେଟବଲ ଖେଳାଳି ଅମଜ୍ୟୋତ ସିଂ, ଅର୍ଶପ୍ରୀତ ଭୁଲାର ଓ ଅମରିତପଲ ସିଂଙ୍କୁ ବୁଧବାର ରାତିରେ ବିଦ୍ୟାନଗର ଥାନା ଲକ ଅଫ୍‌ରେ ୪...

ଆଜି ଭାରତୀୟ କ୍ରିକେଟ ପାଇଁ ଏକ ସ୍ବତନ୍ତ୍ର ଦିନ, ଜାଣନ୍ତୁ କାହିଁକି

ଫେବୃୟାରୀ ୭, ଭାରତୀୟ କ୍ରିକେଟ ପାଇଁ ଏକ ସ୍ବତନ୍ତ୍ର ଦିନ। ଆଜିକୁ ଠିକ୍‌ ୨୧ ବର୍ଷ ପୂର୍ବେ ପ୍ରସିଦ୍ଧ ସ୍ପିନ୍‌ ବୋଲର୍‌ ଅନିଲ କୁମ୍ବଲେ ଭାରତ...

କେନିନ୍‌ଙ୍କୁ ହରାଇଲେ ସାକାରି

ଆବୁଧାବି, ୧୨ା୧ (ଏପି)-ଅଷ୍ଟ୍ରେଲିଆନ ଓପନ ଚାମ୍ପିୟନ ସୋଫିଆ କେନିନ୍‌ ସିଜନ ଆରମ୍ଭ ଆବୁଧାବି ଓପନ ଟେନିସ ଟୁର୍ନାମେଣ୍ଟର କ୍ୱାର୍ଟରଫାଇନାଲ ପର୍ଯ୍ୟାୟରୁ ବିଦାୟ ନେଇଛନ୍ତି। ଗ୍ରୀକ୍‌ ଖେଳାଳି...

ଅତିରିକ୍ତ ୭୫ ଲକ୍ଷ ଟଙ୍କା ସହାୟତା ଦେଲା ହକି ଇଣ୍ଡିଆ; ଅନିର୍ବାଣ ଲାହିରୀ ଦେଲେ ୭ଲକ୍ଷ

ନୂଆଦିଲ୍ଲୀ, ୪/୪: କୋଭିଡ-୧୯ ମହାମାରୀ ମୁକାବିଲା ପାଇଁ ହକି ଇଣ୍ଡିଆ ପୁଣି ଥରେ ସହାୟତା ର ହାତ ବଢ଼ାଇଛି। ହକି ଇଣ୍ଡିଆ ଶନିବାର ଆଉ ୭୫...

ରେସ୍‌ଲର ସୁଶୀଲ କୁମାର ଗିରଫକୁ ନେଇ ମିଶ୍ର ପ୍ରତିକ୍ରିୟା

ନୂଆଦିଲ୍ଲୀ,୨୪।୫(ପି.ଟି.): ରେସ୍‌ଲର ସାଗର ଧନକର ହତ୍ୟା ମାମଲାରେ ସୁଶୀଲ କୁମାର ଓ ତାଙ୍କ ସାଥୀ ଗିରଫ ହୋଇଛନ୍ତି। ଦେଶର ସର୍ବଶ୍ରେଷ୍ଠ ଅଲିମ୍ପିଆନରୁ ଜଣେ ହତ୍ୟା ଅଭିଯୁକ୍ତ...

ମୁମ୍ବାଇରେ ପହଞ୍ଚିଲେ ସ୍ମିଥ୍‌: କ୍ୱାରାଣ୍ଟାଇନ୍‌ରେ ରହି ଦିଲ୍ଲୀ ଦଳରେ ଯୋଗଦେବେ

ମୁମ୍ବାଇ,୪।୪(ପି.ଟି.): ଅଷ୍ଟ୍ରେଲୀୟ ଅଭିଜ୍ଞ ବ୍ୟାଟ୍ସମ୍ୟାନ ଷ୍ଟିଭ୍‌ ସ୍ମିଥ୍‌ ଦିଲ୍ଲୀ କ୍ୟାପିଟାଲ୍ସ ଦଳରେ ଯୋଗ ଦେବାକୁ ଶନିବାର ମୁମ୍ବାଇରେ ଆସି ପହଞ୍ଚିଛନ୍ତି। ଏବେ ସେ ବାଧ୍ୟତାମୂଳକ ୭...

ସ୍କଟିଶ ମହିଳା ପ୍ରିମିୟର ଲିଗ୍‌:ପ୍ରଥମ ଗୋଲ ସ୍କୋର କଲେ ବାଲା

ଗ୍ଲାସ୍‌ଗୋ, ୮ା୧୨ (ପି.ଟି.)- ସ୍କଟିଶ ମହିଳା ପ୍ରିମିୟର ଲିଗ୍‌ରେ ଭାରତର ଷ୍ଟାର ଫୁଟ୍‌ବଲର ବାଲା ଦେବୀ ତାଙ୍କର ପ୍ରଥମ ଗୋଲ୍‌ ସ୍କୋର କରିଛନ୍ତି। ବାଲା ଏହି...

ଇଣ୍ଡିଆନ ସୁପରଲିଗ୍‌ ଆରମ୍ଭ: କ୍ରିଷ୍ଣାଙ୍କ ଗୋଲରେ ଏଟିକେ ମୋହନବାଗାନ ବିଜୟୀ

ବାମ୍ବୋଲିମ(ଗୋଆ), ୨୧।୧୧- କୋଭିଡ-୧୯ ଗାଇଡ୍‌ଲାଇନ୍‌ ମଧ୍ୟରେ ଇଣ୍ଡିଆନ ସୁପର ଲିଗ୍‌ (ଆଇଏସଏଲ)ର ୭ମ ସଂସ୍କରଣ ଶୁକ୍ରବାର ଆରମ୍ଭ ହୋଇଛି। ଫିଜିଆନ ଷ୍ଟ୍ରାଇକର ରୟ କ୍ରିଷ୍ଣାଙ୍କ ଗୋଲ...

Advertisement
Ten Cric Info


Archives

Model This Week