ଅହମ୍ମଦାବାଦ,୨୬।୧: ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯାଇଥିବା ଦିବାରାତ୍ର ଟେଷ୍ଟରେ ଘରୋଇ ଦଳ ବିଜୟ ହାସଲ କରିଛି। ଭାରତୀୟ ଦଳ ପ୍ରଥମ ଇନିଂସରେ ୧୪୫ ରନ କରିଥିଲା। ଇଂଲଣ୍ଡ ଅଧିନାୟକ ତଥା ପାର୍ଟ ଟାଇମ ସ୍ପିନର ଜୋ ରୁଟ ଆଠ ରନ ପାଇଁ ୫ଟି ଉଇକେଟ ନେଇଥିଲେ। ଏହା ସହିତ ଜୋ ରୁଟ ନିଜ ନାମରେ ଏକ ବିଶେଷ ସଫଳତା ହାସଲ କରିଥିଲେ। ୧୯୮୩ ମସିହାରେ ବବ ୱିଲିସଙ୍କ ପରେ ରୁଟ୍ ଟେଷ୍ଟ କ୍ରିକେଟ୍ରେ ୫ଟି ଉଇକେଟ ନେଇଥିବା ପ୍ରଥମ ଇଂଲଣ୍ଡ ଅଧିନାୟକ ହୋଇଥିଲେ। ପିଙ୍କ୍ ବଲ ଟେଷ୍ଟରେ ଚମତ୍କାର ବୋଲିଂ କରି ରୁଟ ଭାରତୀୟ ବ୍ୟାଟ୍ସମ୍ୟାନ୍ ରିଷଭ ପନ୍ତ, ଆର ଅଶ୍ୱିନ, ୱାଶିଂଟନ ସୁନ୍ଦର, ଅକ୍ଷର ପଟେଲ ଏବଂ ଜସପ୍ରୀତ ବୁମ୍ରାଙ୍କୁ ଆଉଟ୍ କରିଥିଲେ।
