ଲଣ୍ଡନ,୧୨।୮: ଭାରତ ଏବଂ ଇଂଲଣ୍ଡ ମଧ୍ୟରେ ପାଞ୍ଚ ମ୍ୟାଚ ବିଶିଷ୍ଟ ସିରିଜର ଦ୍ୱିତୀୟ ଟେଷ୍ଟ ମ୍ୟାଚ ଅଗଷ୍ଟ ୧୨ରୁ ଲର୍ଡସରେ ଖେଳାଯିବ। ଏହି ଟେଷ୍ଟ ମ୍ୟାଚ ପୂର୍ବରୁ, ଉଭୟ ଦଳର ଗୁରୁତ୍ୱପୂର୍ଣ୍ଣ ପରିସଂଖ୍ୟାନ ଏବଂ ରେକର୍ଡଗୁଡିକ ଆସନ୍ତୁ ଦେଖିବା…
ଲଡର୍ସ କ୍ରିକେଟ୍ ଗ୍ରାଉଣ୍ଡରେ ଭାରତ ୧୮ ଏବଂ ଇଂଲଣ୍ଡ ୧୩୮ ମ୍ୟାଚ୍ ଖେଳିଛନ୍ତି। ଭାରତ ଏହି ଗ୍ରାଉଣ୍ଡରେ ମାତ୍ର ୨ ଏବଂ ଇଂଲଣ୍ଡ ୫୫ଟି ମ୍ୟାଚ୍ ଜିତିଛନ୍ତି। ୧୯୯୦ ଭାରତ ଏହି ଗ୍ରାଉଣ୍ଡରେ ସର୍ବାଧିକ ୪୫୪ ରନ୍ କରିଥିଲା। ସେହିପରି ଇଂଲଣ୍ଡ ଦଳର ଏହି ସର୍ବାଧିକ ସ୍କୋର ହେଉଛି ୬୫୩। ୧୮୮୮ ଇଂଲଣ୍ଡ ଦଳ ଲର୍ଡସରେ ସର୍ବନିମ୍ନ ୫୩ ରନ୍ ସ୍କୋର କରିଥିବାବେଳେ ଭାରତର ସର୍ବନିମ୍ନ ସ୍କୋର ୪୨ ରହିଛି। ଲଡର୍ସ ଗ୍ରାଉଣ୍ଡ ଭାରତର ଦୀଲିପ ଭେଙ୍କସରକାର ସର୍ବାଧିକ ୩ ଶତକ ମାରିଥିବାବେଳେ ଇଂଲଣ୍ଡର ମାଇକେଲ୍ ଭନ ଏହି ଗ୍ରାଉଣ୍ଡରେ ସର୍ବାଧିକ ୬ଟି ଶତକ ମାରିଛନ୍ତି। ସେପରି ବୋଲିଂରେ ଇଂଲଣ୍ଡର ଜେମ୍ସ ଆଣ୍ଡରସନ ଏହି ଗ୍ରାଉଣ୍ଡରେ ୧୦୫ଟି ଉଇକେଟ୍ ନେଇଥିବାବେଳେ ଭାରତର ବିଶନ ସିଂ ବେଦି ଏବଂ କପିଳ ଦେବ ସର୍ବାଧିକ ଉଇକେଟ୍ ନେଇଛନ୍ତି।
