କାନବେରା,୨।୧୨: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ତିନିମ୍ୟାଚ୍ ବିଶିଷ୍ଟ ଏକଦିବସୀୟ ସିରିଜ୍ ଏବେ ଖେଲାଯାଉଛି। ପ୍ରଥମ ୨ଟି ମ୍ୟାଚ୍ ଜିତି ସିରିଜ୍ ହାତେଇଛନ୍ତି ଘରୋଇ ଅଷ୍ଟ୍ରେଲିଆ। ଶେଷ ମ୍ୟାଚ୍ ଆଜି କାନବେରାରେ ଖେଳାଯାଉଛି। ତେବେ ପ୍ରଥମ ୨ଟି ମ୍ୟାଚ୍ ପରାଜୟ ପରେ ଦଳର ଅଧିନାୟକ ବିରାଟ କୋହଲି ରାଗିଯାଇଛନ୍ତି। ସେ ନିଜ ରାଗ ସାଥୀ ଖେଳାଳିଙ୍କ ଉପରେ ସୁଝାଉଥିବା ଦେଖାଯାଇଛି। ଦ୍ୱିତୀୟ ଦିନିକିଆଲେ ଭାରତୀୟ ବୋଲରଙ୍କ ନୈରାଶଜନକ ପ୍ରଦର୍ଶନରେ କୋହଲି ବୋଲର୍ଙ୍କ ଉପରେ ରାଗିଯାଇଥିଲେ। ପେସ୍ ବୋଲର୍ ମହମ୍ମଦ ସାମି, ଜଶପ୍ରୀତ ବୁମ୍ରା, ୟୁଜବେନ୍ଦ୍ର ଚହଲ ଏବଂ ରବିନ୍ଦ୍ର ଜାଡେଜାଙ୍କ ଉପରେ କୋହଲି ପଡିଆରେ ରାଗିଯାଉଥିବା ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହୋଇଛି। ସେ ପଡିଆରେ ବୋଲରଙ୍କ କ୍ଲାସ ନେଇଥିଲେ। ଗତ ଦୁଇଟି ମ୍ୟାଚ୍ରେ ଭାରତ ଯଥାକ୍ରମେ ୬୬ ଏବଂ ୫୧ ରନରେ ପରାସ୍ତ ହୋଇଛି।
