ସିଡନୀ,୧୧।୧: ଅଷ୍ଟ୍ରେଲିଆ ବିପକ୍ଷ ସିଡନୀ ଟେଷ୍ଟର ଦ୍ୱିତୀୟ ଇନିଂସରେ ଭାରତୀୟ କ୍ରିକେଟର୍ ଚେତେଶ୍ୱର ପୂଜାରା କମାଲ ପ୍ରଦର୍ଶନ କରିଛନ୍ତି। ସେ ଅର୍ଦ୍ଧଶତକ ହାସଲ କରି କେବଳ ଆଲୋଚକଙ୍କ ମୁହଁ ବନ୍ଦ କରିନାହାନ୍ତି ସେ ନିଜକୁ ଏଲିଟି ଗ୍ରୁପ୍ରେ ସାମିଲ କରିଛନ୍ତି। ସିଡନୀ ଟେଷ୍ଟର ପ୍ରଥମ ଇନିଂସରେ ପୂଜାରା ୧୭୬ ବଲ୍ରେ ଅର୍ଦ୍ଧଶତକ ହାସଲ କରିଥିଲେ। ଏହା ତାଙ୍କ କ୍ୟାରିୟରର ସବୁଠୁ ଧିମା ଇନିଂସ ଥିଲା। ଏହାସହ ଦ୍ୱିତୀୟ ଇନିଂସରେ ସେ ରିଷଭ ପନ୍ତଙ୍କ ସହ ଶତକୀୟ ଭାଗିଦାରୀ କରି ଦଳକୁ ମଜଭୁତ ସ୍ଥିତିରେ ପହଞ୍ଚାଇଥିଲେ। ଏହା ସହ ସେ ଟେଷ୍ଟ କ୍ରିକେଟରେ ୬ ହଜାର ରନ୍ ପୂରଣ କରିବାରେ ୧୧ତମ ଭାରତୀୟ କ୍ରିକେଟର୍ ହୋଇଛନ୍ତି। ସେ ୧୩୪ ପାଳି ଖେଳି ଏହି ଉପଲବ୍ଧି ହାସଲ କରିଛନ୍ତି। ଏହି ସମୟରେ ତାଙ୍କ ଆଭ୍ରେଜ୍ ୪୮ ରହିଛି। ସୁନୀଲ ଗାଭାସ୍କର ୧୧୭, ବିରାଟ କୋହଲି ୧୧୯, ସଚିନ ତେନ୍ଦୁଲକର ୧୨୦, ବୀରେନ୍ଦ୍ର ସେହ୍ବାଗ ୧୨୩, ରାହୁଲ ଦ୍ରାଭିଡ୍ ୧୨୩ଙ୍କ ପରେ ଭାରତୀୟଙ୍କ ମଧ୍ୟରେ ଷଷ୍ଠ ଦ୍ରୁତ ବ୍ୟାଟ୍ସମ୍ୟାନ୍ଙ୍କ ମଧ୍ୟରେ ସ୍ଥାନ ପାଇଛନ୍ତି।
