ସିଡନୀ,୩୦।୧୧:ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ତାଙ୍କ ପୁରୁଣା ଫର୍ମକୁ ଫେରୁଛନ୍ତି। ସିଡନୀ କ୍ରିକେଟ ଗ୍ରାଉଣ୍ଡରେ ଅଷ୍ଟ୍ରେଲିଆ ବିପକ୍ଷ ଦ୍ୱିତୀୟ ଦିନିକିଆରେ ସେ ୮୩ ବଲରେ ୮୯ରନ ସଂଗ୍ରହ କରିଥିଲେ। ତେବେ ଏହି ମ୍ୟାଚ୍ ପରାଜୟ ସହ ଭାରତ ଅଷ୍ଟ୍ରେଲିଆ ବିପକ୍ଷ ଏକଦିବସୀୟ ସିରିଜକୁ ମଧ୍ୟ ହରାଇ ସାରିଛି, ବିରାଟ କୋହଲିଙ୍କ ରେକର୍ଡ ବୁକ୍ରେ ଆଉ ଏକ ସଫଳତା ଯୋଡି ହୋଇଛି। ଭାରତୀୟ ରନ ମେସିନ ଦ୍ରୁତତମ ୨୨,୦୦୦ ଅନ୍ତର୍ଜାତୀୟ ରନ୍ ପୂରଣ କରିବାର ରେକର୍ଡ କରିଛନ୍ତି। ଏହି ରେକର୍ଡ ସହ ସେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କୁ ମଧ୍ୟ ପଛରେ ପକାଇଛନ୍ତି। ବିରାଟ କୋହଲି ୨୨,୦୦୦ ରନ ଛୁଇଁବା ପାଇଁ ୪୬୨ ଇନିଂସ ନେଇଥିଲେ। ଏଥି ସହିତ ସଚିନ ତେନ୍ଦୁଲକର ୪୯୩ ଇନିଂସରେ ଏହି ସଂଖ୍ୟା ଛୁଇଁଥିଲେ। ଏଥି ସହିତ, ବ୍ରାଏନ ଲାରା ୫୧୧ ଇନିଂସରେ ଏବଂ ରିକି ପଣ୍ଟିଂ ୫୧୪ ଇନିଂସରେ ଏହି ମାଇଲଖୁଣ୍ଟ ଅତିକ୍ରମ କରିଥିଲେ। କୋହଲି ଏବେ ଅନ୍ତର୍ଜାତୀୟ କ୍ରିକେଟର୍ ୩ଟି ଫର୍ମାଟରେ ୨୨୦୧୧ ରନ କରିଚନ୍ତି। ସମସ୍ତ ତିନୋଟି ଫର୍ମାଟରେ ହାରାହାରି ୫୦ରେ ବିରାଟ ଟେଷ୍ଟରେ ୭୨୪୦ ରନ, ଏକଦିବସୀୟରେ ୧୨୮୩୪ ରନ ଏବଂ ଟି -୨୦ ୨୭୯୪ ରନ ସ୍କୋର କରିଛନ୍ତି।
