ନୂଆଦିଲ୍ଲୀ,୧୯।୧୧: ଦୀର୍ଘ ଦିନ ହେବ ଭାରତ ଏବଂ ପାକିସ୍ତାନ ମଧ୍ୟରେ ଦ୍ୱିପାକ୍ଷିକ ସିରିଜ ଖେଳାଯାଉନାହିଁ। ଶେଷ ଥର ପାଇଁ ୨୦୧୨-୧୩ ରେ ଉଭୟ ଦେଶ ମଧ୍ୟରେ ସିରିଜ ଖେଳାଯାଇଥିଲା । ନିକଟରେ ଭାରତ ଏବଂ ପାକିସ୍ତାନର ଦଳ ଟି -୨୦ ବିଶ୍ୱକପ ୨୦୨୧ରେ ମୁହାଁମୁହିଁ ହୋଇଥିଲେ। ଏହି ମ୍ୟାଚକୁ ପାକିସ୍ତାନ ୧୦ ଉଇକେଟରେ ଜିତି ନେଇଛି। ଭବିଷ୍ୟତରେ ଦ୍ୱିପାକ୍ଷିକ ସିରିଜର ସମ୍ଭାବନା ମଧ୍ୟ କମ ବୋଲି ପିସିବି ଅଧ୍ୟକ୍ଷ ରାମିଜ ରାଜା କହିଛନ୍ତି। କିନ୍ତୁ ଉଭୟ ଦେଶ ତ୍ରିରାଷ୍ଟ୍ରୀୟ ସିରିଜରେ ପରସ୍ପର ବିପକ୍ଷରେ ଖେଳିପାରନ୍ତି ବୋଲି ସେ କହିଛନ୍ତି।
ନିକଟରେ ଆଇସିସି ଚାମ୍ପିଅନ୍ସ ଟ୍ରଫିର ହୋଷ୍ଟିଂ ପାକିସ୍ତାନକୁ ଦେଇଛି। ଏଭଳି ପରିସ୍ଥିତିରେ ଟିମ ଇଣ୍ଡିଆ ଆଇସିସି ଟୁର୍ନାମେଣ୍ଟ ଖେଳିବା ପାଇଁ ପାକିସ୍ତାନ ଗସ୍ତ କରିବ କି? ଏହା ଉପରେ ରଜିମ ରାଜା କହିଛନ୍ତି, କୌଣସି ଅନ୍ତର୍ଜାତୀୟ ଟୁର୍ନାମେଣ୍ଟରୁ ବାହାରିବା ସହଜ ନୁହେଁ। କାହାକୁ ହୋଷ୍ଟିଂ ଅଧିକାର ପ୍ରଦାନ କରିବା ସମୟରେ ଏହା ବିବେଚନା କରାଯାଏ। ମୋ ମତରେ ଭାରତ ଏଥିରୁ ପଛଘୁଞ୍ଚା ଦେବ ନାହିଁ।
ରମିଜ ରାଜା କହିଛନ୍ତି ଯେ ସୌରଭ ଗାଙ୍ଗୁଲିଙ୍କ ସହ ମୋର ଭଲ ସମ୍ପର୍କ ଅଛି ଏବଂ ଆମର ଭଲ ଯୋଗାଯୋଗ ଅଛି। ଯେତେବେଳେ ୨ ଜଣ ପୂର୍ବତନ କ୍ରିକେଟର ପରିଚାଳନା କରୁଛନ୍ତି ଏବଂ ସେମାନେ କ୍ରିକେଟ ବିଷୟଗୁଡ଼ିକର ଯତ୍ନ ନିଅନ୍ତି। ତେଣୁ ଏହିପରି ଭାବରେ କାର୍ଯ୍ୟ ସହଜ ହୋଇଯାଏ। ୨୦୨୩ ଦିନିକିଆ ବିଶ୍ୱକପ ଭାରତରେ ଅନୁଷ୍ଠିତ ହେବ। ଏଥିରେ ଯୋଗଦେବା ପାଇଁ ପାକିସ୍ତାନ ଦଳକୁ ଭାରତ ଗସ୍ତ କରିବାକୁ ପଡିବ। ପାକିସ୍ତାନ ଦଳ ମଧ୍ୟ ୨୦୧୬ ରେ ଟି -୨୦ ବିଶ୍ୱକପରେ ଭାଗ ନେବାକୁ ଭାରତ ଆସିଥିଲା।
ଆସନ୍ତା ବର୍ଷ ଶ୍ରୀଲଙ୍କାରେ ଟି -୨୦ ଏସିଆ କପ ଏବଂ ଅଷ୍ଟ୍ରେଲିଆରେ ଟି -୨୦ ବିଶ୍ୱକପ ଅନୁଷ୍ଠିତ ହେବ। ଉଭୟ ଟୁର୍ନାମେଣ୍ଟରେ ଭାରତ ଏବଂ ପାକିସ୍ତାନ ମଧ୍ୟ ମ୍ୟାଚ୍ ଖେଳାଯିବାର ସମ୍ଭାବନା ରହିଛି।
