ନୂଆଦିଲ୍ଲୀ,୧୩।୨:ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା କଂଗ୍ରେସ ସାଂସଦ ଗୌରବ ଗୋଗୋଇଙ୍କ ବିରୋଧରେ ଆଉ ଏକ ଗମ୍ଭୀର ଅଭିଯୋଗ ଆଣିଛନ୍ତି। ବ୍ରିଟିଶ ମହିଳାଙ୍କୁ ବିବାହ ପରେ ଭାଜପା ଗୋଗୋଇଙ୍କ ପତ୍ନୀଙ୍କ ଉପରେ ପାକିସ୍ତାନ ଏବଂ ଏହାର ଗୁଇନ୍ଦା ସଂସ୍ଥା ଆଇଏସ୍ଆଇ ସହିତ ସମ୍ପର୍କ ରଖିବା ଅଭିଯୋଗ ଆଣିଥିଲା। ଏହାକୁ ଲୋକସଭାରେ ବିରୋଧୀ ଦଳ ଉପନେତା “ହାସ୍ୟାସ୍ପଦ ଏବଂ ମଜାଦାର” ବୋଲି କହି ଖାରଜ କରିଦେଇଥିଲେ। ଏବେ ଗୁରୁବାର ହିମନ୍ତ ଦାବି କରିଛନ୍ତି ଯେ ବ୍ରିଟିଶ ମହିଳାଙ୍କୁ ବିବାହ କରିବା ପରେ ଏମ୍ପି ଲୋକ ସଭାରେ ପ୍ରତିରକ୍ଷା ପ୍ରସଙ୍ଗରେ ପ୍ରଶ୍ନ ପଚାରିବା ଆରମ୍ଭ କରିଛନ୍ତି। ଏହାକୁ ନେଇ ଗୋଗୋଇ ବଡ଼ ବୟାନ ଦେଇଛନ୍ତି।
ଆସାମ ମୁଖ୍ୟମନ୍ତ୍ରୀ ହିମନ୍ତ ଗୁରୁବାର କଂଗ୍ରେସ ନେତା ଗୌରବ ଗୋଗୋଇଙ୍କ ଉପରେ ବୟାନ ଦେଇ କହିଛନ୍ତି ଯେ ସେ ଜଣେ ବ୍ରିଟିଶ ନାଗରିକଙ୍କୁ ବିବାହ କରିବା ପରେ ସଂସଦରେ ସମ୍ବେଦନଶୀଳ ପ୍ରତିରକ୍ଷା ମାମଲାରେ ପ୍ରଶ୍ନ ଉଠାଉଛନ୍ତି। ହେଲେ ଗୋଗୋଇ ଏହାକୁ ’ମିଥ୍ୟା ଅଭିଯୋଗ’ ବୋଲି କହିଛନ୍ତି। ଭାରତୀୟ ଜନତା ପାର୍ଟି (ଭାଜପା) ଗୋଗୋଇଙ୍କ ପତ୍ନୀଙ୍କ ଉପରେ ପାକିସ୍ତାନ ଏବଂ ଏହାର ଗୁଇନ୍ଦା ସଂସ୍ଥା ଆଇଏସ୍ଆଇ ସହିତ ସମ୍ପର୍କ ରଖିବାର ଅଭିଯୋଗ ଆଣିବା ପରେ ଶର୍ମା ଏହି ମନ୍ତବ୍ୟ ଦେଇଛନ୍ତି।
ସିଏମ ଶର୍ମା ’X’ ରେ ଏକ ପୋଷ୍ଟରେ, ଗୋଗୋଇଙ୍କ ନାମ ନ ନେଇ ଦାବି କରିଛନ୍ତି ଯେ, “୨୦୧୫ ମସିହାରେ, ଭାରତରେ ପାକିସ୍ତାନୀ ହାଇକମିଶନର ଅବଦୁଲ ବାସିତ ପ୍ରଥମ ଥର ପାଇଁ ଏମ୍ପି ସଦସ୍ୟ ଏବଂ ତାଙ୍କ ଷ୍ଟାର୍ଟଅପ୍ ’ପଲିସି ଫର୍ ୟୁଥ’କୁ ନୂଆଦିଲ୍ଲୀସ୍ଥିତ ପାକିସ୍ତାନ ହାଇକମିଶନରେ ଭାରତ-ପାକିସ୍ତାନ ସମ୍ପର୍କ ଉପରେ ଆଲୋଚନା କରିବା ପାଇଁ ନିମନ୍ତ୍ରଣ କରିଥିଲେ।” ମୁଖ୍ୟମନ୍ତ୍ରୀ ଏହା ମଧ୍ୟ କହିଛନ୍ତି, ’ବିଶେଷ କଥା ହେଉଛି ଯେ ଏମ୍ପି ସେତେବେଳେ ବୈଦେଶିକ ବ୍ୟାପାର ସଂସଦୀୟ କମିଟିର ସଦସ୍ୟ ନ ଥିଲେ, ତେଣୁ ଏହା ତାଙ୍କ ନିଯୁକ୍ତି ଉପରେ ପ୍ରଶ୍ନ ଉଠାଉଛି।’ ଏପରିକି ଶର୍ମା ଦାବି କରିଛନ୍ତି ଯେ ’ଆଭ୍ୟନ୍ତରୀଣ ବ୍ୟାପାରରେ ପାକିସ୍ତାନୀ ହାଇକମିଶନରଙ୍କ ହସ୍ତକ୍ଷେପ, ବିଶେଷକରି ହୁରିୟତ କନଫରେନ୍ସ ସହିତ ଏହାର ଜଡିତତା ବିରୁଦ୍ଧରେ ଭାରତର ସରକାରୀ ପ୍ରତିବାଦ ସତ୍ତ୍ୱେ’ ଏହି ଗସ୍ତ ହୋଇଥିଲା।
Assam CM Himanta Biswa Sarma tweets, “In 2015, the Pakistani High Commissioner to India, Mr. Abdul Basit, invited a first-term Member of Parliament (MP) and his startup, Policy for Youth, to discuss India-Pakistan relations at the Pakistan High Commission in New Delhi. Notably,… pic.twitter.com/objoUHM13D
— ANI (@ANI) February 13, 2025
ଏହି ଅଭିଯୋଗଗୁଡ଼ିକୁ ପ୍ରତ୍ୟାଖ୍ୟାନ କରି ଗୋଗୋଇ କହିଛନ୍ତି ଯେ ଯଦି ମୋ ପତ୍ନୀ ପାକିସ୍ତାନର ISI ଏଜେଣ୍ଟ, ତେବେ ମୁଁ ଭାରତର RAW ଏଜେଣ୍ଟ। ସେ କହିଛନ୍ତି ଯେ ଭାଜପା ପାଖରେ ଉଠାଇବା ପାଇଁ କୌଣସି ପ୍ରସଙ୍ଗ ନାହିଁ ଏବଂ ସେମାନେ ମିଥ୍ୟା ଅଭିଯୋଗ ଉପରେ ନିର୍ଭର କରୁଛନ୍ତି।
ଏହା ପୂର୍ବରୁ ବୁଧବାର ଭାଜପାର ରାଷ୍ଟ୍ରୀୟ ମୁଖପାତ୍ର ଗୌରବ ଭାଟିଆ ଅଭିଯୋଗ କରିଥିଲେ ଯେ ଜାତୀୟ ସୁରକ୍ଷା ସହ ଜଡିତ କିଛି ଗମ୍ଭୀର ତଥ୍ୟ ସାମ୍ନାକୁ ଆସିଛି। ସେ ଦାବି କରିଥିଲେ, ’ଲୋକ ସଭାରେ ବିରୋଧୀ ଦଳ ଉପନେତା ଗୌରବ ଗୋଗୋଇଙ୍କ ପତ୍ନୀ ଏଲିଜାବେଥ କଲବର୍ଣ୍ଣଙ୍କ ପାକିସ୍ତାନ ଯୋଜନା କମିଶନ ପରାମର୍ଶଦାତା ଅଲି ତୌକିର ଶେଖ୍ ଏବଂ ଆଇଏସ୍ଆଇ ସହିତ ସମ୍ପର୍କର ପର୍ଦ୍ଦାଫାଶ ହୋଇଛି।
