ନୂଆଦିଲ୍ଲୀ୧୩।୨:ଅର୍ଥମନ୍ତ୍ରୀ ନିର୍ମଳା ସୀତାରାମନ ଲୋକ ସଭାରେ ନୂତନ ଆୟକର ବିଲ ୨୦୨୫ ଆଗତ କରିଛନ୍ତି। ପୂର୍ବରୁ, ୭ ଫେବୃଆରୀ ୨୦୨୫ରେ, କେନ୍ଦ୍ର କ୍ୟାବିନେଟ ଏହି ବିଲକୁ ଅନୁମୋଦନ କରିଥିଲେ। ଏହି ନୂତନ ବିଲ ପ୍ରାୟ ୬୦ ବର୍ଷ ପୁରୁଣା ଆୟକର ଆଇନକୁ ବଦଳାଇବ ଏବଂ ଟିକସ ବ୍ୟବସ୍ଥାକୁ ସରଳ, ସ୍ବଚ୍ଛ ଏବଂ ଅଧିକ ପ୍ରଭାବଶାଳୀ କରିବ।
ନୂତନ ଆୟକର ବିଲରେ ପ୍ରସ୍ତାବିତ ସଂସ୍କାର
‘କର ବର୍ଷ’ ବ୍ୟବହାର: ନୂତନ ବିଲ ‘ମୂଲ୍ୟାୟନ ବର୍ଷ’ ଶବ୍ଦକୁ ‘କର ବର୍ଷ’ ସହିତ ବଦଳାଇବ, ଯାହା ୧ ଏପ୍ରିଲରୁ ୩୧ ମାର୍ଚ୍ଚ ପର୍ଯ୍ୟନ୍ତ ୧୨ ମାସର ଅବଧି ହେବ।
ନୂତନ ବ୍ୟବସାୟ ପାଇଁ ଟିକସ ବର୍ଷ: ଯଦି ଏକ ନୂତନ ବ୍ୟବସାୟ କିମ୍ବା କାମ ଆରମ୍ଭ କରାଯାଏ, ତେବେ ଏହାର ଟିକସ ବର୍ଷ ସେହି ଦିନରୁ ଆରମ୍ଭ ହେବ ଏବଂ ସେହି ଆର୍ଥିକ ବର୍ଷର ଶେଷରେ ଶେଷ ହେବ।
ଉନ୍ନତ ଆଇନଗତ ଭାଷା: ନୂତନ ବିଲ ଆଇନଗତ ଶବ୍ଦଗୁଡ଼ିକୁ ସରଳୀକୃତ ଏବଂ ସଂକ୍ଷିପ୍ତ କରିଛି, ଯାହା ଏହାକୁ ବୁଝିବା ସହଜ କରିଛି।
ଆଇନଗତ ଦଲିଲଗୁଡ଼ିକୁ ହ୍ରାସ କରାଯାଇଛି: ପୁରୁଣା ୮୨୩ ପୃଷ୍ଠା ତୁଳନାରେ ନୂତନ ଆୟକର ବିଲ ୬୨୨ ପୃଷ୍ଠା ଲମ୍ବା।
ଚ୍ୟାଟର୍ସ ଏବଂ ସେକସନ୍ସ ବୃଦ୍ଧି ପାଇଛି: ବିଲରେ ଚ୍ୟାଟର୍ସ ସଂଖ୍ୟା ୨୩ ରହିଛି, କିନ୍ତୁ ସେକସନ୍ସ ସଂଖ୍ୟା ୨୯୮ ରୁ ୫୩୬ କୁ ବୃଦ୍ଧି ପାଇଛି।
ସୂଚୀ ମଧ୍ୟ ବିସ୍ତାରିତ: ସୂଚୀ ସଂଖ୍ୟା ୧୪ ରୁ ୧୬ କୁ ବୃଦ୍ଧି ପାଇଛି।
ଜଟିଳ ବ୍ୟବସ୍ଥାର ଅପସାରଣ: ପୁରୁଣା ଆଇନରେ ଥିବା ଜଟିଳ ବ୍ୟାଖ୍ୟା ଏବଂ ବ୍ୟବସ୍ଥାଗୁଡ଼ିକୁ ଅପସାରଣ କରାଯାଇଛି, ଯାହା ଏହାକୁ ବୁଝିବା ସହଜ କରିଥାଏ।
ଭର୍ଚୁଆଲ ଡିଜିଟାଲ ସମ୍ପତ୍ତି ଉପରେ କଠୋର ନିୟମ: କ୍ରିପ୍ଟୋକରେନ୍ସି ଭଳି ଭର୍ଚୁଆଲ ଡିଜିଟାଲ ସମ୍ପତ୍ତିକୁ ଏବେ ଅପ୍ରକାଶିତ ଆୟ ଅଧୀନରେ ବିବେଚନା କରାଯିବ।
ଟିକସ ଫାଙ୍କି ରୋକିବା ପାଇଁ ପଦକ୍ଷେପ: ସ୍ବଚ୍ଛତା ବୃଦ୍ଧି ଏବଂ ଟିକସ ଫାଙ୍କିବାରୋକିବା ପାଇଁ ଡିଜିଟାଲ କାରବାର ଏବଂ କ୍ରିପ୍ଟୋ ସମ୍ପତ୍ତି ଉପରେ କଠୋର ବ୍ୟବସ୍ଥା କାର୍ଯ୍ୟକାରୀ କରାଯାଇଛି।
କରଦାତା ଚାର୍ଟର: ନୂତନ ବିଲରେ ଏକ କରଦାତା ଚାର୍ଟର ମଧ୍ୟ ଅନ୍ତର୍ଭୁକ୍ତ, ଯାହା କରଦାତାଙ୍କ ଅଧିକାରକୁ ସୁରକ୍ଷା ଦେବ ଏବଂ କର ପ୍ରଶାସନକୁ ସ୍ବଚ୍ଛ କରିବ।
ପୁରୁଣା ଆୟକର ଆଇନ କିଛି ଦଶନ୍ଧି ପୁରୁଣା ହୋଇଥିବାରୁ ବୈଷୟିକ ଭାବରେ ଜଟିଳ ଏବଂ ବ୍ୟବହାରିକ ଭାବରେ କଷ୍ଟକର ହୋଇଯାଇଥିଲା। ଏହା ଆଜିର ଡିଜିଟାଲ ଏବଂ ଆଧୁନିକ ଅର୍ଥନୀତି ପାଇଁ ସମ୍ପୂର୍ଣ୍ଣ ଉପଯୁକ୍ତ ନ ଥିଲା। ତେଣୁ, ସରକାର ଟିକସ ବ୍ୟବସ୍ଥାକୁ ସରଳ କରିବା, କରଦାତାଙ୍କୁ ଆଶ୍ୱସ୍ତି ପ୍ରଦାନ କରିବା ଏବଂ ଅନୁପାଳନ ପ୍ରକ୍ରିୟାକୁ ସରଳ କରିବା ପାଇଁ ନୂତନ ଆୟକର ବିଲ ୨୦୨୫ ଆଗତ କରିଛନ୍ତି।
