କୁତ୍ରା,୧୩।୬(ଦେବାଶିଷ ସାହୁ): ସୁନ୍ଦରଗଡ ଜିଲା କୁତ୍ରା ବ୍ଲକ ଅନ୍ତର୍ଗତ ବିରିଙ୍ଗାଟୋଲିଠାରେ ଅବସ୍ଥିତ ହୃଦାନନ୍ଦ ଦାନୀ ଆଇଟିଆଇ ହଷ୍ଟେଲ ଛାତରୁ ଇଲେକ୍ଟ୍ରିକାଲ୍ ଦ୍ଵିତୀୟ ବର୍ଷ ଛାତ୍ର ଦୁଇ ମହଲା କୋଠାରୁ ଡେଇଁ ଆତ୍ମହତ୍ୟା କରିଥିବା ଦେଖିବାକୁ ମିଳିଛି। ଘଟଣାର ପ୍ରକୃତ କାରଣ ବର୍ତ୍ତମାନ ପର୍ଯ୍ୟନ୍ତ ଜଣା ପଡିନାହିଁ। ତେବେ ଛାତ୍ର ଜଣକ ସବଡେଗା ବ୍ଳକ ଟାଙ୍ଗରଗାଆଁ ଅଞ୍ଚଳର ସୋନୁ ଅଭିଶକ୍ତି ବୋଲି ଜଣାପଡିଛି।
ସୂଚନା ଅନୁଯାୟୀ, ସୋନୁ ଶୁକ୍ରବାର ରାତିରେ ଛାତ ଉପରେ ଛିଡା ହୋଇ ମୋବାଇଲରେ କଥା ହେଉଥିବା ଅନ୍ୟ ଛାତ୍ରମାନେ ଦେଖିଥିଲେ। ପରେ ସମସ୍ତେ ନିଜ ନିଜ ରୁମରେ ସୋଇଥିଲେ। ସକାଳ ୫ ଟାରେ ଦେଖି ପୋଲିସକୁ ଖବର ଦେଇଥିଲେ। ପରେ ଘଟଣାସ୍ଥଳରେ ପୋଲିସ ଓ ସାଇଣ୍ଟି ଫିକ ଟିମ ପହଞ୍ଚି ତଦନ୍ତ ଆରମ୍ଭ କରିଛି।
ଘଟଣାସ୍ଥଳରୁ ପୋଲିସ ଏକ ଭଙ୍ଗା ମୋବାଇଲ,ଚପଲ ଓ ସୁଇସାଇଡ ନୋଟ ଜବତ କରିଥୁବା ପୋଲିସ ସୂଚନା ଦେଇଛି। ନିଜ ଇଛାରେ ସୁଇସାଇଡ କରିଥିବା ନେଇ ସୁଇସାଇଡ ନୋଟରେ ଉଲ୍ଲେଖ କରିଥିବା ସୂଚନା ପ୍ରଦାନ କରିଛନ୍ତି ଥାନା ଅଧିକାରୀ ଲୋକେଶ୍ୱର ସାହୁ। ପ୍ରାଥମିକ ତଦନ୍ତରୁ ଏହା ପ୍ରେମ ଜନିତ ଘଟଣା ହୋଇପାରେ ବୋଲି ପୋଲି ସନ୍ଦେହ ହେଉଛି। ତେବେ ପୋଷ୍ଟମର୍ଟମ ରିପୋର୍ଟ ଓ ଅଧିକ ତଦନ୍ତ ପରେ ପ୍ରକୃତ କାରଣ ଜଣାପଡିବ ବୋଲି କହିଛନ୍ତି। ଏହାକୁ ନେଇ କୁତ୍ରା ଥାନାରେ ଏକ ଅପମୃତ୍ୟୁ ମାମଲା ୧୮/୨୬ ରୁଜୁ କରି ଘଟଣାର ଅଧିକ ତଦନ୍ତ ଜାରି ରଖିଛି। ପରିବାର ବର୍ଗ ଘଟଣାସ୍ଥଳକୁ ପହଞ୍ଚି ହୋହାଲ୍ଲା କରିଥିଲେ। ପରେ ଅନୁଷ୍ଠାନ ପକ୍ଷରୁ ୨ ଲକ୍ଷ ଅନୁକମ୍ପା ରାଶି ମିଳିବା ପରେ ଘଟଣା ଶାନ୍ତ ପଡିଥିଲା। ତେବେ ଏହି ଘଟଣାକୁ ନେଇ ଅନୁଷ୍ଠାନ ପରିସର ଓ ପରିବାର ବର୍ଗ ତଥା ଆଖପାଖ ଅଞ୍ଚଳରେ ସୋକର ଛାୟା ଖେଳି ଯାଇଛି। ପରିବାର କହିଲେ ବିଧବା ମା ଓ ଗୋଟୋ ଛୋଟ ଭାଇ, କିଛି ବର୍ଷ ଆଗରୁ ତାଙ୍କ ବାପାଙ୍କ ମୃତ୍ୟୁ ଘଟିଛି। ତେବେ ଅନ୍ୟ ପକ୍ଷରେ ତୁରନ୍ତ ଅନୁଷ୍ଠାନ କର୍ତ୍ତୃପକ୍ଷ କେମିତି ଜାଣି ପାରିଲେ ନାହିଁ ତାହାକୁ ନେଇ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ଆଗକୁ ଯେମିତି ଏଭଳି ଅଭାବନୀୟ ଘଟଣା ନ ଘଟେ ଅନୁଷ୍ଠାନ କର୍ତ୍ତୃପକ୍ଷ ଧ୍ୟାନ ଦେବା ପାଇଁ ଅଞ୍ଚଳବାସୀ କହିଛନ୍ତି।
