କଲେଜ ବନ୍ଦ ହୋଇଗଲା ପରେ ଜଣେ ଅଧ୍ୟାପିକା ନିଜସ୍ବ ଉଦ୍ୟମରେ ଛତୁଚାଷ କରି ମାସକୁ ଦେଢ଼ ଲକ୍ଷ ଟଙ୍କା ରୋଜଗାର କରି ଏକ ଉଦାହରଣ ସୃଷ୍ଟିି କରିଛନ୍ତି। ଏହି ଅଧ୍ୟାପିକା ଜଣକ ହେଉଛନ୍ତି ମଧ୍ୟପ୍ରଦେଶର ନିଧି ଖାତ୍ରେ। ନିଧିଙ୍କ ବୟସ ୩୮। ସେ ଉଜ୍ଜୟିନୀ ବିଶ୍ୱବିଦ୍ୟାଳୟରୁ ମାଇକ୍ରୋ ବାୟୋଲୋଜିରେ ସ୍ନାତକୋତ୍ତର ଡିଗ୍ରୀ ହାସଲ କରିବା ପରେ ଗ୍ବାଲିୟର ସହରରେ ଏକ ଘରୋଇ କଲେଜରେ ୨୦୦୭ରୁ ପଢ଼ାଇବା ଆରମ୍ଭ କରିଥିଲେ। କୌଣସି କାରଣରୁ ଏହା ଧୀରେ ଧୀରେ ତାହା ବନ୍ଦ ହୋଇଗଲା। ପରେ ୨୦୧୭ରେ ସେ ପ୍ରଥମେ ୧୦ ଫୁଟ ଲମ୍ବ ଓ ୧୦ ଫୁଟ ପ୍ରସ୍ଥ ଜାଗାରେ ଛତୁଚାଷ ଆରମ୍ଭ କରିଥିଲେ। ଏହି ଚାଷରେ ୩,୦୦୦ ଟଙ୍କା ନିବେଶ କରିଥିଲେ। ପରେ ନିଧି ନାଚୁରାଲ ବାୟୋ ଇମ୍ପାକ୍ଟ ଆଣ୍ଡ ରିସର୍ଚ୍ଚ ପ୍ରାଇଭେଟ୍ ଲିମିଟେଡ୍ କମ୍ପାନୀ ଗଠନ କରି ଚାଷକୁ ବ୍ୟାପକ କରିପାରିଛନ୍ତି। ଏବେ ସେ ବହୁ ଦାମୀ କିସମ ଛତୁ ଚାଷ କରିଛନ୍ତି ଓ ତାହାକୁ ବିଭିନ୍ନ ସ୍ଥାନରେ ବିକ୍ରି କରୁଛନ୍ତି। ସେ ମାସକୁ ୧,୦୦୦ କେ.ଜି. ଛତୁ ମଞ୍ଜି ମଧ୍ୟ ଉପତ୍ାଦନ କରୁଛନ୍ତି ଓ ଏହାକୁ ୧୫୦ ଜଣ କୃଷକଙ୍କୁ ବିକ୍ରି କରୁଛନ୍ତି। ଏହି ଚାଷ ସମ୍ପର୍କରେ ବି କୃଷକମାନଙ୍କୁ ପ୍ରଶିକ୍ଷଣ ଦେଉଛନ୍ତି।
