ବର୍ଜ୍ୟ ଜଳକୁ ବିଶୁଦ୍ଧ କରିବାରେ ଡ. ପ୍ରସନ୍ନ ଜଗଦେଓଙ୍କ ପ୍ରୟାସ ପ୍ରଶଂସନୀୟ। ସେ ଜୈବିକ ପଦ୍ଧତି ଅର୍ଥାତ୍ ଡକ୍ଓ୍ବିଡ (ଔଷଧୀୟ ଗୁଣ ଏକପ୍ରକାର ଦଳ) ଦ୍ୱାରା ଏହା କରୁଛନ୍ତି। ପ୍ରସନ୍ନ ମେରାଇନ ବାୟୋଟେକ୍ନୋଲୋଜିରେ ୟୁନିଭର୍ସିଟି ଅଫ ଇଷ୍ଟ ଆଙ୍ଗଲିୟା (ବ୍ରିଟେନ)ରେ ୨୦୦୯-୧୦ରେ ଡିଗ୍ରୀ ହାସଲ କରିବା ପରେ ୨୦୧୦ରେ ପୁଣେର ଫର୍ଗୁଶନ କଲେଜରେ ଅଧ୍ୟାପକ ଭାବେ ଯୋଗ ଦେଇଥିଲେ। ସେଠାରେ ପୂଜା ତେନ୍ଦୁଲକର ତାଙ୍କୁ ଏହି ଦଳ ବିଷୟରେ ଅବଗତ କରିଥିଲେ। ସେମାନେ ମିଳିତ ଭାବେ ଏହା ଉପରେ ଗବେଷଣା କରି ଓ୍ବେଷ୍ଟ ଓ୍ବାଟର ଟ୍ରିଟମେଣ୍ଟ କରିବାକୁ ସ୍ଥିର କରିଥିଲେ। ପରେ ସେମାନେ ଲିମନିୟନ (ଏକପ୍ରଜାତିର ଡକ୍ଓ୍ବିଡ) ଗ୍ରୀନ୍ ସଲ୍ୟୁଶନ ଷ୍ଟାର୍ଟଅପ୍ ଗଠନ କରିଥିଲେ। ଏବେ ଏହି ଦଳ ମାଧ୍ୟମରେ ଛୋଟ ନଦୀ, ନାଳ ଓ ପୋଖରୀଗୁଡ଼ିକର ପୁନରୁଦ୍ଧାର କରୁଛନ୍ତି। ସେମାନେ ୩୦ଟି ପ୍ରୋଜେକ୍ଟ ଶେଷ କରିସାରିଲେଣି। ସେମାନେ ବାୟୋଲୋଜିକାଲ ପଦ୍ଧତିରେ ଦିନକୁ ୧ କିଲୋ ଲିଟରରୁ ଆରମ୍ଭ କରି ୩,୦୦୦ କିଲୋଲିଟର ପର୍ଯ୍ୟନ୍ତ ଜଳକୁ ଜୀବାଣୁ ମୁକ୍ତ କରିପାରୁଛନ୍ତି। ଡକ୍ଓ୍ବିଡର ୩୭ଟି ପ୍ରଜାତି ମଧ୍ୟରୁ ୪ କିମ୍ବା ୫ଟି ଭାରତରେ ଅଛି। କେବଳ ଏତିକି ନୁହେଁ, ଜଳାଶୟ କଡ଼ରେ ଦେଶୀ ଗଛ ସବୁ ରୋପଣ କରି ମୃତ୍ତିକା କ୍ଷୟ ରୋକିବା ଲାଗି ପଦକ୍ଷେପ ନେଉଛନ୍ତି ପ୍ରସନ୍ନ। ଜଳାଶୟ ପୁନରୁଦ୍ଧାର କାର୍ଯ୍ୟରେ ପ୍ରୋଜେକ୍ଟଗୁଡ଼ିକରେ ଛାତ୍ର ଏବଂ ସ୍ଥାନୀୟ ଗ୍ରମବାସୀମାନେ ଭାଗ ନେଉଛନ୍ତି।
