ପିଲାଦିନେ ଅଭାବକୁ ପାଖରୁ ଦେଖିଥିବା ଜଣେ ଦିନ ମଜୁରିଆଙ୍କ ପୁଅ ସ୍କୁଲ ପ୍ରଧାନଶିକ୍ଷକ ହେବା ପରେ ସ୍କୁଲକୁ ଏକ ସ୍ମାର୍ଟ କରିବାରେ ସକ୍ଷମ ହୋଇଛନ୍ତି। ସ୍କୁଲରେ କାନ୍ଥରେ ପ୍ରେରଣାଦାୟକ ଚିତ୍ର ଅଙ୍କନ କରିବା ସହ ସ୍କୁଲରେ ଆକର୍ଷଣୀୟ ଉଦ୍ୟାନ ଓ ଲାଇବ୍ରେରି କରିଛନ୍ତି। ଏହି ପ୍ରଧାନଶିକ୍ଷକ ଜଣକ ହେଉଛନ୍ତି କର୍ନାଟକ କାଲିଓ୍ବାଲା ଗାଁର ୩୯ ବର୍ଷୀୟ ଭେରନ୍ନା ମାଡିଓ୍ବାଲାର। ତାଙ୍କ ପିତା ଜଣେ ଦିନ ମଜୁରିଆ ଥିଲେ ଓ ପରିବାର ପାଇଁ ଦିନକୁ ଦୁଇବେଳା ଖାଇବା ଯୋଗାଡ଼ କରିବା କଷ୍ଟକର ଥିଲା ବୋଲି କହନ୍ତି ଭେରନ୍ନା। ସେଥିପାଇଁ ସବୁ ପ୍ରତିକୂଳ ପରିସ୍ଥିତିକୁ ସାମ୍ନା କରି ସେ ଉଚ୍ଚଶିକ୍ଷା ଲାଭ କଲେ ଓ ୨୦୦୭ରେ ଜଣେ ଶିକ୍ଷକ ହୋଇପାରିଲେ। ପରେ ୨୦୧୬ରେ ନିଡାଗୁଡ଼ି ଆମ୍ବେଡକର ସ୍କୁଲରେ ପ୍ରଧାନ ଶିକ୍ଷକ ଭାବେ ଯୋଗଦେଲେ। ପ୍ରଥମେ ସେ ସ୍କୁଲରେ ବୃକ୍ଷରୋପଣ କରି ସ୍କୁଲ ମରାମତି କାମ ଆରମ୍ଭ କରିଥିଲେ। ଏହାକୁ ସେ ଫେସ୍ବୁକ୍ରେ ଶେୟାର କରିବା ପରେ ତାଙ୍କୁ ଅନୁଦାନ ମିଳିବା ଆରମ୍ଭ ହୋଇଗଲା। ମହୀଶୂରର ଜଣେ ବ୍ୟକ୍ତି ୧.୫ ଲକ୍ଷ ଟଙ୍କା ଦାନ କରିବା ସହ ଅନ୍ୟ ଜଣେ ସ୍ମାର୍ଟ ଟିଭି ଦେଇଥିଲେ। ସ୍କୁଲରେ ବି ଏକ ଲାଙ୍ଗୁଏଜ ଲାବ ମଧ୍ୟ ଖୋଲିଯାଇଛି। ଏହି ସ୍କୁଲରେ ପିଲାମାନଙ୍କ ସଂଖ୍ୟା ବଢ଼ି ୭୬ରୁ ଏବେ ୧୩୬ରେ ପହଞ୍ଚିଛି।
