ଘର ପାଖରେ ଗାଡ଼ିରେ ଲାଇବ୍ରେରି ପହଞ୍ଚିଯାଉଛି, ଚିକିତ୍ସା ସେବା ବି ଉପଲବ୍ଧ ହୋଇପାରୁଛି। କିନ୍ତୁ ଦୁଆର ମୁହଁରେ ମ୍ୟୁଜିୟମ ପହଞ୍ଚିବା ଖବର କେବେ ଶୁଣିଛନ୍ତି କି? ହଁ ଏଭଳି ଏକ ବ୍ୟବସ୍ଥା କରିଛି ଛତ୍ରପତି ଶିବାଜୀ ମହାରାଜା ବାସ୍ତୁ ସଂଗ୍ରହାଳୟ। ଏହା ‘ମୁଜିୟମ ଅନ୍ ହ୍ବିଲ’ ଆରମ୍ଭ କରିଛି। ଏହି ମ୍ୟୁଜିୟମକୁ ମହାରାଷ୍ଟ୍ରର ବିଭିନ୍ନ ଗ୍ରାମୀଣ ଅଞ୍ଚଳକୁ ନିଆଯାଇ ପିଲାମାନଙ୍କୁ ତାହା ଦେଖିବାର ସୁଯୋଗ ଦିଆଯାଉଛି। ଏହି ମ୍ୟୁଜିୟମ ୨୦୧୫ରେ ଆରମ୍ଭ ହୋଇଥିଲା। ଏବେ ସୁଦ୍ଧା ଏହା ୧୪ ଲକ୍ଷ ଲୋକଙ୍କ ପାଖରେ ପହଞ୍ଚିପାରିଛି ଓ ମୋଟରେ କର୍ନାଟକ, ମହାରାଷ୍ଟ୍ର, ଗୋଆ, ଗୁଜରାଟ, ହରିୟାଣା ଓ ଦିଲ୍ଲୀରେ ୮୫,୩୫୯ କି.ମି. ଦୂରତା ଅତିକ୍ରମ କରିସାରିଛି। ଏବେ ସୁଦ୍ଧା ଦେଶରେ ୭୦୦ରୁ ଊର୍ଦ୍ଧ୍ୱ ସହରକୁ ଏହା ଯାଇସାରିଲାଣି। ଏହି ମ୍ୟୁଜିୟମକୁ ସଞ୍ଚାଳନ କରୁଛନ୍ତି କୃତ୍ତିକା ମହାତ୍ରେ। ମ୍ୟୁଜିୟମରେ ବିଜ୍ଞାନ, ଇତିହାସ, ପୁରାତନ ଖେଳର ସାମଗ୍ରୀ ସବୁ ଦେଖିବାକୁ ମିଳୁଛି।
