ତାମିଲନାଡୁର ଆର୍ଟିଷ୍ଟ ଏସ୍. ଜେୟା କ୍ରୁଜ୍ ଷଢ଼େଇର ପୁନଃଉପଯୋଗ କରି ଏହାକୁ ନାରୀ ସଶକ୍ତୀକରଣର ମାଧ୍ୟମରେ ପରିଣତ କରିଛନ୍ତି। ବଡ଼ କଥା ହେଉଛି ସେ ଷଢ଼େଇରେ ବିଭିନ୍ନ କଳାକୃତି ଓ ଗହଣା ତିଆରି କରି ଚର୍ଚ୍ଚାରେ ରହିଛନ୍ତି। ଜେୟା ଏଣେତେଣେ ଫିଙ୍ଗି ଦିଆଯାଉଥିବା ଷଢ଼େଇକୁ ସଂଗ୍ରହ କରି ସେଥିରେ ଭାରତର ବିଭିନ୍ନ କଳାକୃତିକୁ ଫୁଟାଇ ପାରୁଛନ୍ତି। ଉକ୍ତ କାର୍ଯ୍ୟରେ ପାଖାପାଖି ୫୦ ମହିଳାଙ୍କୁ ସେ ନିଯୁକ୍ତ କରିଛନ୍ତି। ଜେୟା ଏସ୍.ଭି. ହ୍ୟାଣ୍ଡିକ୍ରାଫ୍ଟ ନାମକ କମ୍ପାନୀ ଦ୍ୱାରା ଏହି କାର୍ଯ୍ୟ ଜାରି ରଖିଛନ୍ତି। ଉକ୍ତ କଳାକୁ ସେ ମାତ୍ର ୧୬ ବର୍ଷ ବୟସରେ ଜେଜେଙ୍କଠାରୁ ହାସଲ କରିଥିଲେ। ଷଢ଼େଇରେ ବିଭିନ୍ନ କଳାକୃତି କରିବା ସହ ସେ ଗହଣା, କପ୍, ଓ ବାସନ ଆଦି ତିଆରି କରୁଛନ୍ତି। ଷଢ଼େଇ କପ୍ର ଦାମ ରଖିଛନ୍ତି ୨୦ ଟଙ୍କା ଓ ବାସନର ମୂଲ୍ୟ ୨୫୦ ଟଙ୍କା। ତାଙ୍କ ଗହଣାର ମୂଲ୍ୟ ରହିଛି ୫୦ରୁ ୨,୫୦୦ ଟଙ୍କା ପର୍ଯ୍ୟନ୍ତ। ଏହିସବୁ ଉତ୍ପାଦକୁ ଜେୟା ଓ ତାଙ୍କ ଟିମ୍ ବେଙ୍ଗାଲୁରୁ, ଚେନ୍ନାଇ, ଦିଲ୍ଲୀ, ମଦୁରାଇ, କୋଏମ୍ବାଟୁର ଆଦି ସ୍ଥାନରେ ବିକ୍ରି କରୁଛନ୍ତି। ଏହା ବ୍ୟତୀତ ଜର୍ମାନୀ ଓ ଫ୍ରାନ୍ସରୁ ମଧ୍ୟ ଏହି ଜିନିଷ ଲାଗି ସେ ଅର୍ଡର ପାଇଛନ୍ତି ଓ ତାହା ଯୋଗାଇ ଦେଉଛନ୍ତି।
