ବିଶ୍ୱରେ ସବୁଠୁ ଜନବହୁଳ ଦେଶ ହେବାକୁ ଯାଉଥିବା ଭାରତରେ ପ୍ରତିବର୍ଷ ୧୪ ବିଲିୟନ ଆମେରିକୀୟ ଡଲାର ମୂଲ୍ୟର ଖାଦ୍ୟଶସ୍ୟ ନଷ୍ଟ ହେଉଛି ବୋଲି ଜାତିସଂଘର ଖାଦ୍ୟ ଓ କୃଷି ସଂଗଠନ ପ୍ରକାଶ କରିଛି। କୃଷି ଉପତ୍ାଦ ୨୭୦ ମିଲିୟନ ଥିବା ବେଳେ ବୈଶ୍ୱିକ କ୍ଷୁଧା ସୂଚକାଙ୍କରେ ୧୧୯ ତମ ସ୍ଥାନରେ ରହିଛି ଭାରତ। ଏହାର ବଡ଼ କାରଣ ହେଉଛି ଶୀତଳ ଭଣ୍ଡାର ଅଭାବ। ତେବେ ଖାଦ୍ୟଶସ୍ୟ ନଷ୍ଟକୁ ରୋକିବା ପାଇଁ ଏକ ଛୋଟ ପ୍ରୟାସ କରିଛନ୍ତି ଚେନ୍ନାଇର ଛାତ୍ରୀ ମହେକ ପରଭେଜ। କୃଷକମାନଙ୍କ ଉପତ୍ାଦିତ ଖାଦ୍ୟ ଶସ୍ୟକୁ ସୁରକ୍ଷିତ କରି ରଖିବା ଲାଗି ସେ ସୌର ଶକ୍ତି ଚାଳିତ ଏକ କୁଲ୍ରୁମ୍ ନିର୍ମାଣ କରିଛନ୍ତି। ଏଥିରେ ଉପତ୍ାଦିତ ଖାଦ୍ୟକୁ ପାରମ୍ପରିକ ଷ୍ଟୋରେଜଠାରୁ ୩ଗୁଣ ଅଧିକ ସମୟ ଫ୍ରେଶ୍ ରଖାଯାଇପାରୁଛି। ଆଶ୍ଚର୍ଯ୍ୟର କଥା ମହେକ ତାଙ୍କ ଫାର୍ମରେ ଖାଦ୍ୟଶସ୍ୟ ନଷ୍ଟ ହେଉଥିବା ଦେଖି ୬ଷ୍ଠ ଶ୍ରେଣୀରୁ ଏଭଳି ଏକ କୁଲ୍ରୁମ୍ ବା ରେଫ୍ରିଜରେଟର ନିର୍ମାଣ ଆରମ୍ଭ କରିଥିଲେ। ୬ ବର୍ଷ ପରେ ସେ ଟେକ୍ନୋଲୋଜିରେ ସଫଳ ହୋଇପାରିଛନ୍ତି। ଏହି କୁଲ୍ରୁମ୍ରେ ବାଷ୍ପୀକରଣ, ଶୀତଳୀକରଣ ଓ ଜଳୀୟବାଷ୍ପ ଧାରଣ କରିବା ଭଳି ଟେକ୍ନିକ୍ ପ୍ରୟୋଗ ହୋଇଛି। ଏହା ସବୁଜଗୃହ ବାଷ୍ପ ନିର୍ଗମନ ହ୍ରାସ କରୁଛି। ଏଥିପାଇଁ ମହେକଙ୍କୁ ଲେକ୍ସୁସ ଡିଜାଇନ ଆଓ୍ବାର୍ଡ, ଭାରତ- ୨୦୨୩ ପ୍ରଦାନ କରାଯାଇଛି। ଏହି ପରିବେଶ ଉପଯୋଗୀ କୁଲ୍ରୁମ୍ ଆଗାମୀ ଦିନରେ କୃଷକମାନଙ୍କୁ ଲାଭ ଦେବ ବୋଲି କହନ୍ତି ୧୯ ବର୍ଷୀୟା ମହେକ।
