ଲେବର ବ୍ୟାଙ୍କ ବା ଶ୍ରମିକ ବ୍ୟାଙ୍କ ନାଁ କେବେ ଶୁଣିଛନ୍ତି। ଏମିତି ଏକ ବ୍ୟାଙ୍କ ଚାଲିଛି କର୍ନାଟକରେ। ଅନ୍ୟମାନଙ୍କୁ କାମ ଯୋଗାଇ ଅଭାବ ଦୂର କରିବା ଲାଗି ଏହି ବ୍ୟାଙ୍କ ପ୍ରତିଷ୍ଠା କରିଛନ୍ତି ଶାମଶୁଦ୍ଧିନ ବଲିଗର। ସେ ରାଣେବେନୁର ସହର ପାଖ ହରଣାଗିରି ଗାଁରେ ରହୁଛନ୍ତି। ବାଲିଗରଙଙ୍କ ଜୀବନ ହେଉଛି ଏକ ସଂଘର୍ଷର କାହାଣୀ। ପିଲାଦିନେ ତାଙ୍କୁ ଦିନକୁ ଦୁଇବେଳା ଖାଇବାକୁ ମିଳୁନଥିଲା। ଏପରିକି ସ୍କୁଲ ଫି ଦେଇ ନ ପାରି ପଢା ବନ୍ଦ କରିଦେଇଥିଲେ। ପରେ ଏକ ହସ୍ପିଟାଲରେ ହେଲ୍ପର ଭାବେ କାମ କରି ପଢିଲେ ଓ ଆତ୍ମନିର୍ଭରଶୀଳ ହେଲେ। ପରେ ସେ ବନସିରି ରୁରାଲ ଡେଭଳପ୍ମେଣ୍ଟ ସୋସାଇଟି (ଭିଆର୍ଡିଏସ୍) ଗଠନ କରି ତା’ ମାଧ୍ୟରେ କର୍ନାଟକର ୪୪ଟି ଗାଁରେ ଲୋକଙ୍କୁ କାମ ଯୋଗାଇ ଦେଉଛନ୍ତି। ଏହି ସୋସାଇଟି ଅଧୀନରେ ‘ଲେବର ବ୍ୟାଙ୍କ’ ଚାଲିଛି। ଏହି ନିଆରା ବ୍ୟାଙ୍କ କାମ ଖାଜୁଥିବା ଶ୍ରମିକଙ୍କୁ ସାହାଯ୍ୟ କରୁଛି। ଉକ୍ତ ବ୍ୟାଙ୍କ ୪,୦୦୦ ଶ୍ରମିକଙ୍କୁ ନିୟମିତ କାମ ପାଇବାରେ ସାହାଯ୍ୟ କରିବାା ସହ ସରକାରଙ୍କ ବିଭିନ୍ନ କଲ୍ୟାଣମୂଳକ ଯୋଜନାରୁ ଲାଭ ପାଇବାରେ ସହଯୋଗ କରୁଛନ୍ତି। ବଲିଗର ମଧ୍ୟ ଭିଆର୍ଡିଏସ୍ ଦ୍ୱାରା ବି ଏକ କୋଅପରେଟିଭ ସୋସାଇଟି ଚଲାଉଛନ୍ତି ଯେଉଁଥିରେ ୨,୦୦୦ ସଦସ୍ୟ ରହିଛନ୍ତି।
