ଲୋକେ ଅନ୍ଲାଇନ କିମ୍ବା ନଗଦ ଟଙ୍କା ଦେଇ ମନପସନ୍ଦର ଦୁଇଚକିଆ ହେଉ କିମ୍ବା ୪ ଚକିଆ ଯାନ କିଣିଥାନ୍ତି। କିନ୍ତୁ ଆସାମରେ ମହମ୍ମଦ ସଇଦୁଲ ହକ୍ କେବଳ ୯୦,୦୦୦ ଟଙ୍କାର କଏନ ବା ଧାତବ ମୁଦ୍ରା ବିନିମୟରେ ସ୍କୁଟର କିଣିଛନ୍ତି। ହକ୍ ଡାରଙ୍ଗ ଜିଲା ସିପଜହର ଅଞ୍ଚଳରେ ରହୁଛନ୍ତି। ଗୁଆହାଟୀରେ ତାଙ୍କର ଏକ ଦୋକାନ ଅଛି। ସେ ସ୍କୁଟର କରିବା ଲକ୍ଷ୍ୟରେ ୨୦୧୭ରୁ କଏନ୍ ସଞ୍ଚୟ କରିବା ଆରମ୍ଭ କରିଥିଲେ। ମୁଖ୍ୟତଃ ଦୋକାନରୁ ମିଳୁଥିବା କଏନଗୁଡ଼ିକୁ ସେ ପ୍ରତିଦିନ ସଞ୍ଚୟ କରୁଥିଲେ। ତେବେ କଏନସବୁ ଦେଖି ଗାଡ଼ି ଶୋ‘ରୁମ୍ର ମାଲିକ ଆଶ୍ଚର୍ଯ୍ୟ ହେବା ସହ ଖୁସି ପ୍ରକଟ କରିଛନ୍ତି। ଶୋ ରୁମ୍ର ୪ ଜଣ କର୍ମଚାରୀ ସବୁ କଏନକୁ ୨ ଘଣ୍ଟା ଧରି ଗଣିଥିଲେ। ଦୀର୍ଘ ୬ ବର୍ଷ ହେଲା ଏହିସବୁ କଏନ ସଞ୍ଚୟ କରି ତାଙ୍କ ସ୍କୁଟର କିଣବା ସ୍ବପ୍ନ ପୂରଣ କରିଥିବାରୁ ଖୁସି ଅଛନ୍ତି ବୋଲି କହିଛନ୍ତି ହକ୍। ଉଲ୍ଲେଖଯୋଗ୍ୟ ଯେ, ଗତବର୍ଷ ଉତ୍ତରାଖଣ୍ଡର ରୁଦ୍ରପୁରରେ ଜଣେ ବ୍ୟକ୍ତି ୫୦,୦୦୦ ଟଙ୍କାର କଏନ ଦେଇ ଟିଭିଏସ୍ ଜୁପିଟର ସ୍କୁଟି କଣିିଥିଲେ।
