ବାୟୁ ପ୍ରଦୂଷଣ ରୋକିବା ସହ ବିଶ୍ୱତାପନ ନିୟନ୍ତ୍ରଣକରି ଏକ ସହନୀୟ ବିଶ୍ୱ ପ୍ରତିଷ୍ଠା କରିବା ପାଇଁ ବୈଦ୍ୟୁତିକ ଯାନ ଉପରେ ଗୁରୁତ୍ୱ ଦିଆଯାଉଛି। ଏଥିପାଇଁ ବହୁ କମ୍ପାନୀ ସେମାନଙ୍କ ଜ୍ଞାନକୌଶଳ ଉପଯୋଗ କରୁଥିବା ସମୟରେ ବେଙ୍ଗାଲୁରୁର ଷ୍ଟାର୍ଟଅପ୍ ଅଲ୍ଟିଗ୍ରୀନ୍ ୧୫ ମିନିଟ୍ରେ ଚାର୍ଜ ହେଉଥିବା ତିନିଚକିଆ ଯାନ ଭେଟିିଦେଇଛି। ଅଲ୍ଟିଗ୍ରୀନ୍ର ପ୍ରତିଷ୍ଠାତା ଡ. ଅମିତାଭ ସରନ ଓ ସହ ପ୍ରତିଷ୍ଠାତା ହେଉଛନ୍ତି ଅରୁଣ ବିନାୟକ। ଏହା ବିଶ୍ୱରେ ସବୁଠୁ ଶୀଘ୍ର ଚାର୍ଜ ହେଉଥିବା ଯାନ। ଥରେ ଚାର୍ଜ ହେଲେ ଏହା ଘଣ୍ଟାକୁ ୮୦-୮୫ କି.ମି. ଯାଇପାରୁଛି। ବ୍ୟାଟେରିର ଓ୍ବାରେଣ୍ଟି ୫ ବର୍ଷ କିମ୍ବା ୧.୫୬ ଲକ୍ଷ କି.ମି. ରଖାଯାଇଛି। ଉକ୍ତ ତିନିଚକିଆ ଯାନର ମୂଲ୍ୟ ୩ ଲକ୍ଷ ୫୫ ହଜାର ଟଙ୍କା । ଏବେ ସୁଦ୍ଧା ବେଙ୍ଗାଲୁରୁରେ ଏହି ଯାନ ପାଇଁ ୨୦ଟି ଚାର୍ଜିଂ ଷ୍ଟେଶନ କରାଯାଇଛି। ଚଳିତ ମାସ ସୁଦ୍ଧା ୧୦ଟି ଓ ଦ୍ୱିତୀୟ ପର୍ଯ୍ୟାୟରେ ଆଉ ୧୦୦ଟିର ଯୋଜନା କରାଯାଇଛି ବୋଲି କହନ୍ତି ବିନାୟକ।
