ପରିବାର ଅଣଦେଖା କରୁଥିବା ମାନସିକ ଓ ଶାରୀରିକ ଦିବ୍ୟାଙ୍ଗମାନଙ୍କ ଅଶାବାଡ଼ି ପାଲଟିଛନ୍ତି ଉତ୍ତରପ୍ରଦେଶର ୩୮ ବର୍ଷୀୟ ଅନିଲ ଜୋଶେଫ। ସେ ଏଭଳି ପିଲାମାନଙ୍କ ପାଇଁ ଖାଦ୍ୟ, ବସ୍ତ୍ର, ଚିକିତ୍ସା ଆଦିର ସମସ୍ତ ବ୍ୟବସ୍ଥା କରୁଛନ୍ତି। ଅନିଲ ଏକ ଏନ୍ଜିଓରେ କାମ କରୁଥିବା ସମୟରେ ଜଣେ ଦିବ୍ୟାଙ୍ଗ ସନ୍ତାନର ଜନନୀଙ୍କୁ ଭେଟିଥିଲେ। ଏଭଳି ଶିଶୁ ଲାଗି ତାଙ୍କୁ ତାଙ୍କ ସ୍ବାମୀ ବାହାର କରିଦେବାକୁ ଧମକ ଦେଇଥିବା ଜାଣିବା ପରେ ଅନିଲ ପିଲାଟିକୁ ସାହାରା ହୋଇଥିଲେ ଓ ନିଜ ଘରେ ଆଣି ରଖିଥିଲେ। ପରେ ଆଉ କେତେଜଣ ମା’ ସେମାନଙ୍କ ଦିବ୍ୟାଙ୍ଗ ସନ୍ତାନଙ୍କୁ ଆଣି ଅନିଲଙ୍କ ଘରେ ପହଞ୍ଚତ୍ଥିଲେ। ସେମାନଙ୍କୁ ନେଇ ତାଙ୍କ ପାଖରେ ଦିବ୍ୟାଙ୍ଗ ଶିଶୁଙ୍କ ସଂଖ୍ୟା ୩ରେ ପହଞ୍ଚତ୍ଲା। ଏମାନେ ଥିଲେ ବିଶାଲ, ଦେବୀ ଓ ଓମ୍ ଏବଂ ଏମାନଙ୍କ ବୟସ ଏବେ ୨୦ ପାଖାପାଖି ହୋଇଗଲାଣି। ଅନିଲଙ୍କ ପାଖରେ ଦିବ୍ୟାଙ୍ଗ ପିଲାଙ୍କ ସଂଖ୍ୟା ଏବେ ୭୨ରୁ ଅଧିକ ହୋଇଗଲେଣି। ଏମାନଙ୍କ ଯତ୍ନ ନେବା ଲାଗି ସେ ‘ଇଣ୍ଟିଗ୍ରେଟେଡ ଇନ୍ଷ୍ଟିଚ୍ୟୁଟ ଅଫ୍ ରିହାବିିଲିଟେଶନ ଫର୍ ଡିଜାବିଲିଟି’ ସଂସ୍ଥା ଗଢ଼ିଛନ୍ତି। ଆଗ୍ରା ନିକଟରେ ଏକ ସେଲଟର ହୋମ୍ ‘ଆଶ୍ରୟ’ ନିର୍ମାଣ କରି ଏହି ପିଲାମାନଙ୍କୁ ରଖିଛନ୍ତି। ସମସ୍ତ କାର୍ଯ୍ୟ ପାଇଁ ସେ ରୋଷେୟା, ହେଲ୍ପର, ଡ୍ରାଇଭରଙ୍କ ସମେତ ୧୫ ଜଣ କର୍ମଚାରୀ ନିଯୁକ୍ତ କରିଛନ୍ତି।
