ଚା ଦୋକାନରୁ ଘିକୁଆଁରୀ ଉତ୍ପାଦ ଯାଏ ଏକ ଦୀର୍ଘ ଯାତ୍ରାର କାହାଣୀ ଯୋଡ଼ି ହୋଇଛି ରାଜସ୍ଥାନର ଅଜୟ ସ୍ବାମୀଙ୍କ ଜୀବନରେ। ହନୁମାନଗଡ଼ ଜିଲା ପରଲିକା ଗାଁର ୩୧ ବର୍ଷୀୟ ଅଜୟ ଅଷ୍ଟମ ପାସ୍ କରିବା ପରେ ପରିବାର ଚଳାଇବା ଲାଗି ୧୯୯୯ରେ ଚା’ ଦୋକାନ କରିଥିଲେ। ପରେ ଘିକୁଆଁରୀ ଚାଷ ଲାଗି ଚା’ ଦୋକାନ ବନ୍ଦ କରିଦେଇଥିଲେ। ଧୀରେ ଧୀରେ ଏହି ଚାଷକୁ ସମ୍ପ୍ରସାରିତ କରିବା ସହ ରାଜସ୍ଥାନ କୃଷି ବୈଜ୍ଞାନିକ କେନ୍ଦ୍ରକୁ ଯାଇ ଘିକୁଆଁରୀର ବିଭିନ୍ନ ଉତ୍ପାଦ ସମ୍ପର୍କରେ ଶିକ୍ଷା କରିଥିଲେ। ପ୍ରଥମେ ସେ ଘିକୁଆଁରୀ ଜୁସ ପ୍ରସ୍ତୁତ କରିଥିଲେ। ଏହାକୁ ଅନ୍ୟ କମ୍ପାନୀମାନେ ବିକ୍ରି କରିବାକୁ ଆଗ୍ରହ ପ୍ରକାଶ କରିବା ଯୋଗୁ ଅଜୟଙ୍କ ଉତ୍ପାଦନ ବୃଦ୍ଧି ପାଇଥିଲା। ପରେ ୨୦୧୨ରେ ସେ ନିଜର ନେଚୁରାଲ ହେଲ୍ଥ ବ୍ରାଣ୍ଡ ନାମରେ ଘିକୁଆଁରୀରୁ ପ୍ରସ୍ତୁତ ସାମ୍ପୋ, କଣ୍ଡିଶନର, ଟୁଥ୍ପେଷ୍ଟ, ଜୁସ୍, ଚକୋଲେଟ ଆଦି ୪୫ ପ୍ରକାର ଉତ୍ପାଦ ବିକ୍ରି କରିବା ଆରମ୍ଭ କରିଥିଲେ। ଏବେ ସେଥିରୁ ସେ ବର୍ଷକୁ ୧୦ ଲକ୍ଷ ଟଙ୍କା ରୋଜଗାର କରୁଛନ୍ତି। ଅଜୟଙ୍କ ଦ୍ୱାରା ଘିକୁଆଁରୀରୁ ପ୍ରସ୍ତୁତ ଲଡୁର ଚାହିଦା ଅଧିକ। କେଜି ପ୍ରତି ଏହାର ଦାମ ରଖିଛନ୍ତି ୩୫୦ ଟଙ୍କା । ତାଙ୍କ ଉତ୍ପାଦିତ ସାମଗ୍ରୀକୁ ସେ ୨୦ଟି କମ୍ପାନୀକୁ ବିକ୍ରି କରୁଛନ୍ତି।
