ବାୟୁ ପ୍ରଦୂଷଣ ରୋକିବା ଲାଗି ସୁପ୍ରିମକୋର୍ଟ ନଡ଼ାପୋଡ଼ା ଉପରେ କଟକଣା ଲଗାଇଥିଲେ ବି ପଞ୍ଜାବ, ହରିୟାଣା ଓ ଉତ୍ତରପ୍ରଦେଶରେ ଚାଷୀମାନେ ଏଥିରୁ କ୍ଷାନ୍ତ ହେଉନାହାନ୍ତି। କିନ୍ତୁ ଏଭଳି ପ୍ରଦୂଷଣ ଦୂର କରିବା ଲାଗି ଦିଲ୍ଲୀର ଦୁଇ ବନ୍ଧୁ ଆୟୁଷୀ ଅଗ୍ରଓ୍ବାଲା ଓ ଅରୁ ମଙ୍ଗଳ ଏକ ଭିନ୍ନ ପ୍ରୟାସ ଜାରି ରଖିଛନ୍ତି। ଏମାନେ ଆର୍ଓ୍ବାଇ ଇଞ୍ଜିନିୟର୍ସ ଷ୍ଟାର୍ଟଅପ୍ ମାଧ୍ୟମରେ ଚାଷୀଙ୍କଠାରୁ ନଡ଼ା ସଂଗ୍ରହ କରି ସେଥିରୁ ଉଚ୍ଚମାନର ବାୟୋମାସ୍ ପ୍ରସ୍ତୁତ କରୁଛନ୍ତି। ବାୟୋମାସ୍ ପାଓ୍ବାରପା୍ଲଣ୍ଟରେ କଞ୍ଚାମାଲ୍ ଭାବେ ଉପଯୋଗ ହୋଇପାରୁଛି। ବାୟୋମାସ୍କୁ ଛତୁଚାଷୀମାନେ ବି ବ୍ୟବହାର କରୁଛନ୍ତି। ଆୟୁଷୀ ଓ ଅରୁ ୨୦୧୭ରୁ ଏଥିପାଇଁ ଅଭିଯାନ ଆରମ୍ଭ କରିଥିଲେ। ପରେ ସୋନେପତ୍ର ଫାର୍ମର ପ୍ରଡ୍ୟୁସ୍ ଅର୍ଗାନାଇଜେଶନ( ଏଫ୍ପିଓ) ସହ ମିଶି କାମ ଆରମ୍ଭ କରିଥିଲେ। ଗତ ଏକବର୍ଷ ମଧ୍ୟରେ ଏମାନେ ହରିୟାଣା, ଦିଲ୍ଲୀ, ପଞ୍ଜାବ ଓ ଉତ୍ତରପ୍ରଦେଶର ଶତାଧିକ ଚାଷୀଙ୍କୁ ସାହାଯ୍ୟ କରି ସେମାନଙ୍କୁ ନଡ଼ା ପୋଡ଼ାରୁ ଦୂରେଇ ରଖିପାରିଛନ୍ତି। ନଡା ଲାଗି ଏମାନେ ମାଗଣାରେ ଚାଷୀଙ୍କ ବିଲକୁ ସଫା କରିଦେଉଛନ୍ତି। ଏବେସୁଦ୍ଧା ୧୨୦୦ ଟନ୍ ନଡ଼ାକୁ ପ୍ରୋସେସିଂ କରି ବାୟୋମାସ୍ରେ ପରିବର୍ତ୍ତନ କରିସାରିଛନ୍ତି। ଭିଲେଜ ଲେଭଲ ଏଣ୍ଟ୍ରପ୍ରିନ୍ୟୁର( ଭିଏଲ୍ଇ) ମାଧ୍ୟମରେ ଚାଷୀମାନଙ୍କ ବିଲ ପାଖରେ ମେଶିନ ବସାଇ ଦୈନିକ ୧୦ରୁ ୧୫ ଟନ୍ ନଡ଼ା ପ୍ରୋସେସିଂ କରାଯାଇପାରୁଛି। ଏହାଦ୍ୱାରା ଭିଏଲ୍ଇ ମଧ୍ୟ ଲାଭପାଉଛିି।
