ଫାର୍ମ ହାଉସ ପାଲଟିଯାଇଛି ପ୍ରଣୀମାନଙ୍କ ପାଇଁ ସ୍ବର୍ଗ ଓ ସେମାନଙ୍କ ପାଇଁ ଦେବଦୂତ ଭାବେ ଉଭା ହୋଇଛନ୍ତି ଟେକ୍ନିସାନ କୁଲଦୀପ ଖତ୍ରି। ୩୦ ବର୍ଷୀୟ କୁଲଦୀପ ପ୍ରାଣୀମାନଙ୍କୁ ମାଗଣା ଚିକିତ୍ସା ଓ ରହିବା ଲାଗି ଯୋଧପୁରସ୍ଥିତ ତାଙ୍କ ଫାର୍ମ ହାଉସକୁ ଖୋଲି ଦେଇଛନ୍ତି। ୨୦୨୦ କରୋନା ମହାମାରୀ ସମୟରେ ‘ଡଗ୍ ହୋମ ଫାଉଣ୍ଡେଶନ’ ଗଠନ କରି ଯୋଧପୁର ଓ ଏହା ଆଖପାଖରୁ କୁକୁରୁମାନଙ୍କୁ ଉଦ୍ଧାର କରି ସେମାନଙ୍କ ଯନତ୍ ନେଉଛନ୍ତି। ଏହି କାର୍ଯ୍ୟ ସୁରୁଖୁରୁରେ ଚାଲିବା ପାଇଁ ୪୦ ଜଣିଆ ଟିମ୍ ନିଯୁକ୍ତ କରିଛନ୍ତି । ସେମାନେ ଦିନରାତି କ୍ଲିନିକ ଓ ଆମ୍ବୁଲାନ୍ସ ସେବା ସହ ବିଭିନ୍ନ ଚିକିତ୍ସା ଯୋଗାଇ ଦେଉଛନ୍ତି। ଏଯାବତ୍ କୁଲଦୀପ ପ୍ରାୟ ୪୮,୩୦୦ ବୁଲାପ୍ରାଣୀଙ୍କୁ ଚିକିତ୍ସା କରିସାରିଲେଣି। ସେଠାରେ ଏକ୍ସ-ରେ, ଅଲଟ୍ରାସୋନୋଗ୍ରାଫି ଇମେଜେସ୍, ବ୍ଲଡ୍ ଟେଷ୍ଟ, ଫିଜିଓ ଥେରାପି ଏବଂ ହାଇଡ୍ରୋଥେରାପି ଆଦି ଚିକିତ୍ସା କରାଯାଉଛି। ଏଥିପାଇଁ ୬ ଜଣ ଲାଇଭ୍ଷ୍ଟକ ଆସିଷ୍ଟାଣ୍ଟ ଏବଂ ୨ ଜଣ ପ୍ରାଣୀ ଚିକିତ୍ସକ ନିଯୁକ୍ତ ହୋଇଛନ୍ତି। କୁକୁରମାନଙ୍କୁ ସକାଳ ୮ ଓ ଦିନ ୨ଟାରେ ଖାଦ୍ୟ, ଅପରାହ୍ନ ୫ଟାରେ ବିସ୍କୁଟ ଏବଂ ରାତି ୮ଟାରେ କ୍ଷୀର ଦିଆଯାଉଛି।
