ପରିବା ଦୋକାନୀମାନେ ଆଉ କ୍ଷତି ସହିବେନି, କାରଣ କର୍ନାଟକର ମହୀଶୂର ବିଦ୍ୟାବର୍ଦ୍ଧକ ଇଞ୍ଜିନିୟରିଂ କଲେଜର ଛାତ୍ରମାନେ ନିର୍ମାଣ କରିଛନ୍ତି ଏକ ରେଫ୍ରିଜରେଟର। ଏହା ସୌରଶକ୍ତିରେ ଚାଲୁଛି। ଏଥିରେ ଚକ ଲଗାଯାଇଛି ଓ ଜଣେ ପ୍ୟାଡେଲ ମାରି ଏହାକୁ ଗୋଟିଏ ସ୍ଥାନରୁ ଆଉ ଏକ ସ୍ଥାନକୁ ନେଇପାରୁଛନ୍ତିି। ଟିମ୍ ଲିଡର ନବୀନ ଏଚ୍ଭି ଏବଂ ତାଙ୍କ ବ୍ୟାଚ୍ମେଟ ଶୁଭମ୍ ସୈନ, ସୁପ୍ରୀତ୍ ଏସ୍ ଏବଂ ବିବେକ ଚନ୍ଦ୍ରଶେଖର ଏହି ରେଫ୍ରିଜରେଟର ବିକାଶ କରିଛନ୍ତିି। ଏହାର ନାମ ରଖାଯାଇଛି ସୋଲାର କାର୍ଟ। ଏଥିରେ ୦ରୁ ୧୦ ଡିଗ୍ରୀ ତାପମାତ୍ରା ସେଟ୍ କରାଯାଇଛି। ସୋଲାର କାର୍ଟରେ ଖର୍ଚ୍ଚ ହୋଇଛି ପାଖାପାଖି ୫୨,୦୦୦ ଟଙ୍କା। ଏବେ ବଜାରରେ ଉପଲବ୍ଧ କୁଲିଂ କାର୍ଟର ଅଧା ଦାମ୍ରେ ଏହା ସମ୍ଭବ ହୋଇଛି ବୋଲି କହନ୍ତି ମେକାନିକାଲ ଇଞ୍ଜିନିୟରିଂ ବିଭାଗର ସହକାରୀ ପ୍ରାଧ୍ୟାପକ ଏନ୍ପି ମୁଥୁରାଜ। ଏହି ସୋଲାର କାର୍ଟରେ ପରିବା ୭ରୁ ୧୦ ଦିନ ଯାଏ ସତେଜ ରହୁଛି। ଏହାକୁ କିଭଳି ଅଧିକ ଶସ୍ତାରେ କୃଷକମାନେ ପାଇପାରିବେ, ସେଥିଲାଗି ପ୍ରୟାସ କରାଯାଉଛି ବୋଲି କହନ୍ତି ନବୀନ।
