ଆଇନ ଡିଗ୍ରୀ ହାସଲ କରିବା ପରେ ଜଣେ ଆଇନଜୀବୀ ରୋଜଗାର ଲକ୍ଷ୍ୟ ନେଇ କାମ କରୁଥିବାବେଳେ ତାମିଲନାଡୁର ସି ଗୁଣସେକର କିନ୍ତୁ ଭିନ୍ନ ଧାରାରେ ଚାଲିଛନ୍ତି। ସେ ୨୦ ବର୍ଷ ହେଲା ଇଣ୍ଟରକାଷ୍ଟ କପଲ ବା ଆନ୍ତଃଜାତି ଦମ୍ପତିଙ୍କ କଲ୍ୟାଣ ଲାଗି କାର୍ଯ୍ୟ କରୁଛନ୍ତି। ଏଭଳି ୨୦୦ ଦମ୍ପତିଙ୍କୁ ସେ ଏକାଠି କରିବାରେ ସକ୍ଷମ ହୋଇଛନ୍ତି। ଆନ୍ତଃଜାତି ବିବାହକୁ ନେଇ ବୃଦ୍ଧିପାଉଥିବା ଅନରକିଲିଂ ମୃତ୍ୟୁ ରୋକିବା ଲାଗି ଦମ୍ପତିମାନଙ୍କୁ ଆଇନଗତ ଓ ସାମାଜିକ ସୁରକ୍ଷା ଯୋଗାଇ ଦେଉଛନ୍ତି। ୨୦୧୧ରେ ଆଇନରେ ଡିଗ୍ରୀ ହାସଲ କଲା ପରେ ସେ ଆମ୍ବେଡକର ପେରିୟାର ଇଣ୍ଟରକାଷ୍ଟ ମ୍ୟାରେଡ କପଲ୍ସ ଆଶୋସିଏଶନ ଗଠନ କରି ଆନ୍ତଃଜାତି ବିବାହ ସମ୍ପାଦନ କରୁଛନ୍ତି। ଏହାବାଦ ୨୦୧୭ରେ ‘ଅଧନିନାଲ କଧଲ ସିଭର’ (ଏକେଏସ୍) ଏନ୍ଜିଓ ଗଠନ କରି ଆଇନଗତ ସହାୟତା ଯୋଗାଇ ଦେଉଛନ୍ତି। ଉକ୍ତ ଏନ୍ଜିଓ ନାମର ଅର୍ଥ ହେଉଛି ‘ଏଣୁ ଆଗେଇଯାଅ ଓ ଭଲ ପାଅ’। ଏନ୍ଜିଓରେ ରାଜ୍ୟର ବିଭିନ୍ନ ଅଞ୍ଚଳରୁ ପ୍ରାୟ ୩୦୦ ଆଇନଜୀବୀ ଯୋଡ଼ି ହୋଇଛନ୍ତି। ଦମ୍ପତିମାନଙ୍କ ସୁରକ୍ଷା ପ୍ରତି ମଧ୍ୟ ଧ୍ୟାନ ଦିଆଯାଉଛି। ଏବେ ତ୍ରିଚି ସେଫ୍ ହାଉସ୍ରେ ୧୦-୧୫ ଦମ୍ପତି ରହିଛନ୍ତି।
