ଅଗଣାରେ ଜୈବିକ ପରିବା ଚାଷ କରି ଅନ୍ୟମାନଙ୍କୁ ଏଥିପାଇଁ ପ୍ରୋତ୍ସାହିତ କରୁଛନ୍ତି ବାରାଣସୀର ନନ୍ଦଲାଲ ମାଷ୍ଟର। ସେ ୨୦୦ଟି କୁଣ୍ଡରେ ପରିବା ଚାଷ କରୁଛନ୍ତି। ଏଥିରୁ ଗୋଟିଏ ସପ୍ତାହରେ ୧୦୦ କେଜି ପରିବା ଉପତ୍ାଦନ କରୁଛନ୍ତି। ୨୦୧୧ରେ ଉତ୍ତରପ୍ରଦେଶର ନାଗେପୁର ଗାଁର ନନ୍ଦଲାଲ ବୃତ୍ତିଗତ କାରଣରୁ ବାରାଣସୀ ଯାଇଥିଲେ। ସେଠାରେ ଗ୍ରାମୀଣ ଜୀବନଶୈଳୀ ଜାରି ରଖିବା ଲାଗି ପ୍ରଥମେ ଅଗଣାରେ ଅଳ୍ପ କିଛି କୁଣ୍ଡରେ ପରିବା ଚାଷ ଆରମ୍ଭ କରିଥିଲେ। ଏବେ ୨୦୦ କୁଣ୍ଡରେ ଏହି ଚାଷ କରୁଛନ୍ତି। ରୋଷେଇଘର ଓ ଅନ୍ୟ ବର୍ଜ୍ୟରୁ ଜୈବିକ ଖତ ପ୍ରସ୍ତୁତ କରୁଛନ୍ତି। ନନ୍ଦଲାଲ ଅଗଣାରେ ବାଇଗଣ, କଲରା, ଲାଉ, ଫୁଲକୋବି, ଭେଣ୍ଡି, ରସୁଣ, କାକୁଡ଼ି, ଟମାଟୋ ଏବଂ ଅନ୍ୟ ଋତୁକାଳୀନ ପରିବା ଫଳାଉଛନ୍ତି। ଏବେ ସେ ୭୦ କେଜି ଫୁଲକୋବି, ୩ କେଜି ବାଇଗଣ ଏବଂ ୧୨ କେଜି ଲାଉ ଫଳାଇଛନ୍ତି। ଦିନକୁ ୧କେଜି ଭେଣ୍ଡି ବି ପାଉଛନ୍ତି। ନିଜ ପରିବାରର ଆବଶ୍ୟକତା ପୂରଣ କରିବା ପରେ ସେ ପଡ଼ୋଶୀମାନଙ୍କୁ ପରିବା ଦେଉଛନ୍ତି। ନନ୍ଦଲାଲଙ୍କ ପ୍ରେରଣାରେ ଏବେ ବହୁ ପରିବାର ଏଭଳି ପରିବା ଚାଷ କରୁଛନ୍ତି। ସେମାନଙ୍କୁ ସେ ମାର୍ଗଦର୍ଶନ କରୁଛନ୍ତି।
