ଅନେକ ସମୟରେ କିଛି ଘଟଣା ଜଣଙ୍କ ଜୀବନରେ ଏକ ବିରାଟ ପରିବର୍ତ୍ତନ ଆଣେ, ଯାହା ଘଟିଛି ଡ.ସୁନୀଲ କୁମାରଙ୍କ କ୍ଷେତ୍ରରେ। କ୍ୟାନ୍ସରରେ ତାଙ୍କ ମା’ଙ୍କ ମୃତ୍ୟୁ ହେବା ପରେ ସେ ଅସହାୟ କ୍ୟାନ୍ସର ରୋଗୀଙ୍କୁ ମାଗଣାରେ ଚିକିତ୍ସା କରୁଛନ୍ତି। ଏବେ ସୁଦ୍ଧା ସେ ୧୦୦୦ରୁ ଊର୍ଦ୍ଧ୍ୱ ରୋଗୀଙ୍କ ଚିକିତ୍ସା କରି ସାରିଲେଣି। ୨୦୧୩ରେ ବିହାରରେ ଚନ୍ଦ୍ରକାନ୍ତି ଦେବୀ କ୍ୟାନ୍ସର ଫାଉଣ୍ଡେଶନ ପ୍ରତିଷ୍ଠା କରି ସେଠାରେ ଅସହାୟ ରୋଗୀମାନଙ୍କୁ ଚିକିତ୍ସା ସହାୟତା ଯୋଗାଇ ଦେଉଛନ୍ତି। ଡ.ସୁନୀଲ ଦିଲ୍ଲୀ ଏମ୍ସରେ ଚାକିରି କରିଛନ୍ତି। ତାଙ୍କ ବୟସ ଏବେ ୪୪। କ୍ୟାନ୍ସର ଡାଇଗ୍ନୋସିସ୍ କରିବା ପାଇଁ ପ୍ରତି ମାସର ପ୍ରଥମ ଶନିବାର ସେ ଦିଲ୍ଲୀରୁ ବିହାରର ଡେହେରିକୁ ଆସୁଛନ୍ତି । ଏହି କାର୍ଯ୍ୟରେ ସଂସ୍ଥାର ସ୍ବେଚ୍ଛାସେବୀ ଓ ଡାକ୍ତରମାନେ ସହଯୋଗ କରୁଛନ୍ତି। ଚିକିତ୍ସା ଖର୍ଚ୍ଚ ତୁଲାଇବା କଷ୍ଟକର ହେଉଥିତ୍ଲେ ମଧ୍ୟ ସେ ବିଭିନ୍ନ ଉତ୍ସରୁ ମିଳୁଥିବା ଆର୍ଥିକ ଅନୁଦାନରେ ଏହାକୁ ଆଗକୁ ବଢ଼ାଉଛନ୍ତି। ତାଙ୍କ ସଂସ୍ଥା ମଧ୍ୟ ସ୍ବାସ୍ଥ୍ୟ ଶିବିର ଆୟୋଜନ କରି କ୍ୟାନ୍ସର ଉପରେ ଲୋକମାନଙ୍କୁ ସଚେତନ କରୁଛି।
