ସାରା ଦେଶରେ ଦାରିଦ୍ର୍ୟର ଛବି ଗାଁଗୁଡ଼ିକରେ ଦେଖିବାକୁ ମିଳୁଥିବାବେଳେ ତା’ ଭିତରେ ବି ଏକ ଭଲ ଖବର ସାମ୍ନାକୁ ଆସିଛି। ଅହମ୍ମଦ ନଗର ଜିଲା ହିଓ୍ବାର ବଜାର ଏବେ ଭାରତର ଏକ ଆଦର୍ଶ ଗାଁ ହୋଇପାରିଛି। ଏହା ସମ୍ଭବ ହୋଇଛି ସେହି ଗାଁର ପୋପାଟ୍ରାଓ ବାଗୁଜି ପାଓ୍ବାରଙ୍କ ଉଦ୍ୟମରେ। ୧୯୯୦ରେ ସେ ହିଓ୍ବାର ବଜାରକୁ ଫେରି ସରପଞ୍ଚ ହେବା ପରେ ଏହାର ପରିବର୍ତ୍ତନ ଆସିଛି। ଏକଦା ମରୁଡିକୁ ଯୁଝୁଥିବା ଉକ୍ତ ଗାଁରେ ପାଓ୍ବାର ଶ୍ରମଦାନ ଭଳି ଏକ କାର୍ଯ୍ୟ ସଂସ୍କୃତି ଲୋକମାନଙ୍କ ମଧ୍ୟରେ ସୃଷ୍ଟି କରିଛନ୍ତି। ଗଛକଟା ବନ୍ଦ କରି ଜଙ୍ଗଲ ସୃଷ୍ଟି କରୁଛନ୍ତି। ଗୋଟିଏ ପରିବାର ଗୋଟିଏ ପିଲା ନୀତିରେ ଜନ୍ମହାର ନିୟନ୍ତ୍ରଣ କରିବାରେ ସକ୍ଷମ ହୋଇଛନ୍ତି। ଜଳାଶୟ ବିକାଶ ଯୋଜନା ଆରମ୍ଭ କରି ଜଳ ସଂରକ୍ଷଣ କରିବା ସହ ଅଧିକ ଜଳ ଆବଶ୍ୟକ କରୁଥିବା ଫସଲ ବନ୍ଦ କରାଯାଇଛି। ଏହି ଗାଁରେ ବାର୍ଷିକ ଜଳ ସମୀକ୍ଷା କରାଯିବା ସହ ଉପଲବ୍ଧ ସମୁଦାୟ ଜଳ ପରିମାଣ ଆକଳନ କରାଯାଉଛି। ଗାଁର ପ୍ରତ୍ୟେକ ପରିବାରର ଆୟ ଦୁଇଗୁଣ ହୋଇପାରିଛି ଓ ଏହା ଦେଶର ଅନ୍ୟ ଗ୍ରାମୀଣ ଲୋକମାନଙ୍କ ତୁଳନାରେ ସବୁଠୁ ବେଶି। ଦେଶରେ ପ୍ରତ୍ୟେକ ଗାଁର ମୋଟ ଘରୋଇ ଉପତ୍ାଦ ତୁଳନାରେ ଏହି ଗାଁର ଉତ୍ପାଦନ ସବୁଠୁ ଅଧିକ। ଓମେନ ଥ୍ରିପ୍ଟ ଗ୍ରପ୍, ମିଲ୍କ୍ ଡାଇରି ସୋସାଇଟି, ୟୁଥ କ୍ଲବ ଖୋଲାଯାଇଛି। ସାଧାରଣ ଦାହ ସୁବିଧା ରହିଥିବାବେଳେ ଆହୁରି ଅନେକ ସହଯୋଗଭିତ୍ତିକ କାର୍ଯ୍ୟ ଚାଲୁ ରହିଛି। ଏବେ ଗାଁରେ ଉପତ୍ାଦିତ ସାମଗ୍ରୀକୁ ‘ହିଓ୍ବାରେ ବଜାର’ ବ୍ରାଣ୍ଡ୍ରେ ବିକ୍ରି କରାଯିବାର ଯୋଜନା କରାଯାଇଛି।
