ପଶ୍ଚିମବଙ୍ଗର ପଶ୍ଚିମ ବର୍ଦ୍ଧମାନ ଜିଲାର ଦୁର୍ଗମ ଗାଁଗୁଡ଼ିକରେ ବୁଲୁଛି ଭ୍ୟାକ୍ସିନ ରଥ। ଏହି ରଥ ବୁଲାଉଛନ୍ତି ପ୍ରାଥମିକ ସ୍କୁଲ ଶିକ୍ଷକ ଦୀପ ନାରାୟଣ ନାୟକ। ଦୀପଙ୍କ ବୟସ ୩୪। ସେ ଏକ ବସ୍କୁ ଭଡ଼ାରେ ଆଣି ଭ୍ୟାକ୍ସିିନ ରଥ କରିଛନ୍ତି। ଏହି ସମୟରେ କୋଭିଡ୍-୧୯ ଟିକା ପାଇଁ କୋ-ଇନ୍ ଆପ ମାଧ୍ୟମରେ ମହିଳାମାନଙ୍କ ନାମ ପଞ୍ଜୀକରଣ କରୁଛନ୍ତି। ରଥରେ ପଞ୍ଜୀକୃତ ମହିଳାଙ୍କୁ ନିର୍ଦ୍ଦିଷ୍ଟ ସମୟରେ ଟିକା କେନ୍ଦ୍ରରେ ପହଞ୍ଚାଉଛନ୍ତି ଓ ପୁଣି ଘରେ ଛାଡୁଛନ୍ତି। ଏହି ଅଭିଯାନ ଏକାକୀ ଚଳାଇ ୫୦୦ ମହିଳାଙ୍କୁ ପ୍ରଥମ ଡୋଜ୍ ଟିକା ଦେବାରେ ସାହାଯ୍ୟ କରି ସାରିଲେଣି। ଦୀପ ପ୍ରତିଦିନ ଜମୁରିଆ ବ୍ଲକର ଦୁର୍ଗମ ଗାଁର ପିଲାମାନଙ୍କୁ ପଢ଼ାଇବାକୁ ଯାଆନ୍ତି। ସେଠାରେ ମହିଳାମାନେ ଟିକା ନେଇ ନ ଥିବା ଲକ୍ଷ୍ୟ କରି ଏଭଳି ଅଭିଯାନ ଆରମ୍ଭ କରିଛନ୍ତି। ଲୋକମାନେ ଦୀପଙ୍କୁ ‘ରାସ୍ତାର ମାଷ୍ଟର’ ବୋଲି ସମ୍ବୋଧନ କରୁଛନ୍ତି। ରଥ ମାଧ୍ୟମରେ ନାମ ପଞ୍ଜୀକରଣ କରିବା ବ୍ୟତୀତ ସେ ଆଉ ୧୧୬୦ ମହିଳାଙ୍କୁ ସେମାନଙ୍କ ନାମ ପଞ୍ଜୀକରଣ କରିବାରେ ସାହାଯ୍ୟ କରିଛନ୍ତି। ସେ ତାଙ୍କ ସାଙ୍ଗ, ସମ୍ପର୍କୀୟ ଏବଂ ପଡ଼ୋଶୀମାନଙ୍କଠାରୁ ଫୋନ୍ ନମ୍ବର ସଂଗ୍ରହ କରି ଏହା କରିଛନ୍ତି।
