ବାନାନା ଶାଢ଼ି, ଲୋଟସ୍ ଶାଲ୍ ଏବଂ ବାମ୍ବୋ ଜିନ୍ସ କହୁଛି ଆମ ଦେଶୀ ଫ୍ୟାଶନ ଏବେ କେଉଁଠିି ପହଞ୍ଚିଲାଣି। ବାନାନା ଶାଢ଼ି ପାଇଁ ସମ୍ପୂର୍ଣ୍ଣ କଦଳୀ ଗଛକୁ ଉପଯୋଗ କରାଯାଉଛି। ସେହିଭଳି ବାମ୍ବୋ ଜିନ୍ସରେ ବାଉଁଶ ସହ ଅନ୍ୟ ଗଛର ଫାଇବର ବା ତନ୍ତୁ ଉପଯୋଗ ହେଉଛି। ଲୋଟସ୍ ଶାଲ୍ ପ୍ରସ୍ତୁତିରେ ପଦ୍ମନାଡ଼ର ତନ୍ତୁ ଲାଗୁଛି। ଏଭଳି ଡିଜାଇନର କପଡ଼ା ତିିଆରି କରୁଛନ୍ତି ତାମିଲନାଡୁର ସି. ଶେକର। ସେ ଅନାକାପୁଥୁର ଓ୍ବିଭର୍ସ ଆସୋସିଏଶନର ସଭାପତି ରହିଛନ୍ତି। ପ୍ରାକୃତିକ ଫାଇବରରୁ କପଡ଼ା ପ୍ରସ୍ତୁତ କରିବାରେ ଏଭଳି ସଫଳତା ପାଇର୍ଁ ତାଙ୍କୁ ପୁରସ୍କୃତ କରାଯାଇଛି। ସବୁଠୁ ବଡ଼ କଥା ହେଉଛି, ବର୍ଜ୍ୟ ଭାବେ ଫିଙ୍ଗି ଦିଆଯାଉଥିବା କଦଳୀ ଗଛକୁ ଉପଯୋଗ କରି କପଡ଼ା ତିଆରିରେ ଲଗାଉଛି ଅନାକାପୁଥୁର ଓ୍ବିଭର୍ସ ଆସୋସିଏଶନ। ତାମିଲନାଡୁ, ଆନ୍ଧ୍ର ପ୍ରଦେଶ ଓ କେରଳର ମନ୍ଦିରଗୁଡ଼ିକରେ କଦଳୀ ଗଛକୁ ଶୋଭା ବଢ଼ାଇବା ଲାଗି ବ୍ୟବହାର କରାଯାଇଥାଏ। ଶେକର ସେଗୁଡ଼ିକୁ ସେଠାରୁ ସଂଗ୍ରହ କରୁଛନ୍ତି। ଅନାକାପୁଥୁର ଓ୍ବିଭର୍ସ ଆସୋସିଏଶନର ବୁଣାକାରମାନଙ୍କର ଆହୁରି ଅନେକ ଗଛରୁ କପଡ଼ା ତିଆରି କରିବାର କ୍ଷମତା ରହିଛି , କିନ୍ତୁ ସେମାନଙ୍କୁ ବୈଷୟିକ ସହାୟତା ମିଳିପାରୁନାହିଁ ବୋଲି କହନ୍ତି ଶେକର। ସେହିଭଳି ମୁମ୍ବାଇର ହେମ୍ପ୍ କମ୍ପାନୀ ଦ୍ୱାରା ସପୁରି ପତ୍ରର ଫାଇବରରୁ କପଡ଼ା ତିଆରି ହେଉଛି। କମ୍ପାନୀର ମୁଖ୍ୟ ତଥା ଡିଜାଇନର ନେହା ରାଓଙ୍କ ଦ୍ୱାରା ଏହା ସମ୍ଭବ ହୋଇଛି। ଏହି କପଡ଼ା ନରମ ଓ ଆରାମଦାୟକ ହେଉଛି। ଭାରତରେ ୧୬ ଲକ୍ଷ ଟନ୍ ସପୁରି ଉପତ୍ାଦନ ହେଉଥିତ୍ବାବେଳେ ଏହି ଗଛର ପତ୍ରକୁ ଉପଯୋଗ କରି ଅଧିକ କପଡ଼ା ପ୍ରସ୍ତୁତ ପାଇଁ ପଦକ୍ଷେପ ନେବାର ଆବଶ୍ୟକତା ରହିଛି ବୋଲି କହନ୍ତି ନେହା ।
