ପରିବେଶ ପ୍ରଦୂଷଣ ଦୂର କରିବା ଲାଗି ଅଭିନବ ପଦ୍ଧତି ସାମ୍ନାକୁ ଆଣୁଥିବା ବ୍ୟକ୍ତିମାନଙ୍କ ମଧ୍ୟରେ କର୍ନାଟକର ଧନଞ୍ଜୟ ହେଗେଡ ଅନ୍ୟତମ। ଧନଞ୍ଜୟ ଜଣେ ଅବସରପ୍ରାପ୍ତ ମେକାନିକାଲ ଇଞ୍ଜିନିୟର ଓ ରହନ୍ତି ଉତ୍ତର କନ୍ନଡ ଜିଲାର କରଓ୍ବାର ସହରରେ। ସେ ୧୦ କେ.ଜି. ଓଜନର ଜିନିଷ ନେବା ଭଳି କାଗଜ ବ୍ୟାଗ ତିଆରି କରିଛନ୍ତି। ଏଥିରେ ଡ୍ୟାମ୍ପ୍ ଆଇଟମ୍ ଯଥା ମାଛ, ମାଂସ, କ୍ଷୀର ପ୍ୟାକେଟ ଭଳି ଜିନିଷ ନେଇ ହେଉଛି। ପ୍ଲାଷ୍ଟିକ୍ ବ୍ୟାଗ୍ ବ୍ୟବହାର ନିଷିଦ୍ଧ କରାଯାଇଥିଲେ ମଧ୍ୟ ମାଛ ଓ ମାଂସ ଦୋକାନୀ ଏହାର ବ୍ୟବହାର କରି ପରିବେଶ ପ୍ରଦୂଷଣ କରୁଛନ୍ତି। ଏଣୁ ଏହାର ବିକଳ୍ପ ପାଇଁ ଏହି କାଗଜ ବ୍ୟାଗ୍ ବ୍ୟବହାର କରାଯାଇପାରିବ ବୋଲି କହନ୍ତି ଧନଞ୍ଜୟ। ମାଛ ମାଂସ ଏବଂ ଏଭଳି ଅନ୍ୟ ଜିନିଷ ଆଣିବା ଦ୍ୱାରା ସହଜରେ ଉକ୍ତ ବ୍ୟାଗ ଓଦା ହୋଇ ନଷ୍ଟ ହେଉନାହିଁ। ଖବରକାଗଜକୁ ଏକ ନିଆରା ପଦ୍ଧତିରେ ସିଲାଇ କରି ଓ କର୍ନ ପାଉଡର ମିଶାଇ ସେ ଏହି ବ୍ୟାଗ୍ କରୁଛନ୍ତି। ବ୍ୟାଗର ମୂଲ୍ୟ ରଖିଛନ୍ତି ୨ ଟଙ୍କା। ଯେଉଁ ମେଶିନରେ ବ୍ୟାଗ ତିଆରି କରାଯାଉଛି ତାହାକୁ ମଧ୍ୟ ସେ ନିର୍ମାଣ କରିଛନ୍ତି। ଏଥିରେ ଦିନକୁ ୩୦୦ ବ୍ୟାଗ କରାଯାଇପାରୁଛି। ପ୍ରଦୂଷଣ ରୋକିବା ପାଇଁ ସେ ଅଧିତ୍କ ବ୍ୟାଗ ତିଆରି କରି ଦେଶର ସବୁଆଡକୁ ପଠାଇବା ଲାଗି ଯୋଜନା କରିଛନ୍ତି। ଏବେ ସେ ବର୍ଜ୍ୟ କାଗଜ ସହ ଏଥିରେ କଦଳୀ ଗଛର ତନ୍ତୁ ଉପଯୋଗ କରି ବ୍ୟାଗକୁ ଆହୁରି ମଜଭୁତ କରିିବାକୁ କାର୍ଯ୍ୟ ଆରମ୍ଭ କରିଛନ୍ତି। ଏହି ବ୍ୟାଗ ନେବା ଲାଗି ତାଙ୍କୁ ୩୫ ଜଣ ବ୍ୟବସାୟୀ ଅର୍ଡର ଦେଇଛନ୍ତି।
