କରୋନା ସମୟରେ ଅନ୍ଲାଇନ ପଢ଼ାରୁ ବଞ୍ଚତ୍ତ ଗରିବ ପିଲାମାନଙ୍କ ସାହାରା ପାଲଟିଛନ୍ତି ଝାଡ଼ଖଣ୍ଡର ଦିବ୍ୟାଙ୍ଗ ଉପେନ୍ଦ୍ର ଯାଦବ। ତାଙ୍କ ଘର ଚତରା ଗାଁରେ ଓ ବୟସ ୧୮। ଉପେନ୍ଦ୍ରଙ୍କ ଡାହାଣ ହାତ ଓ ଗୋଡ଼ ପିଲାଦିନୁ ଅଚଳ ହୋଇଯାଇଛି। ଏହାସତ୍ତ୍ୱେ ସେ ଏକ ଠେଙ୍ଗା ସାହାଯ୍ୟରେ ଦୁଇ କିଲୋମିଟର ଚାଲିଚାଲି ଯାଇ ଗାଁ ସ୍କୁଲରେ ପିଲାଙ୍କୁ ମାଗଣାରେ ପଢ଼ାଉଛନ୍ତି। ତାଙ୍କ ଗାଁ ଆଖପାଖରୁ ୬୦ ଜଣ ପିଲା ପଢ଼ିବାକୁ ଆସୁଛନ୍ତି। ଗତବର୍ଷ ସେ କରୋନାର ପ୍ରଥମ ଲହର ପରେ ଦୁଇଜଣ ପିଲାଙ୍କୁ ପଢ଼ାଇବା ଆରମ୍ଭ କରିଥିଲେ। ଦ୍ୱିତୀୟ ଲହର ଆରମ୍ଭ ହେବା ପରେ ବନ୍ଦ ହୋଇଯାଇଥିଲା। ଲକ୍ଡାଉନ ଉଠିବା ପରେ ଏବେ ଏହି ସଂଖ୍ୟା ୬୦ରେ ପହଞ୍ଚତ୍ଛି ଓ ସେମାନଙ୍କ ମଧ୍ୟରେ ରହିଛନ୍ତି ୪୦ ଜଣ ବାଳିକା। ପ୍ରଥମରୁ ନବମ ଶ୍ରେଣୀଯାଏ ପିଲା ପଢ଼ୁଛନ୍ତି। କୋଭିଡ୍ ନିୟମ ମାନି ପିଲାମାନଙ୍କୁ ପଢ଼ାଉଛନ୍ତି। ଉପେନ୍ଦ୍ର ବାମ ହାତରେ ଲେଖୁଛନ୍ତି। ଗାଁ ସ୍କୁଲରେ ଭଲ ବ୍ଲାକ୍ବୋର୍ଡ ନ ଥିବାରୁ ନିଜ ଖର୍ଚ୍ଚରେ ତାହା କରିଛନ୍ତି। ଉପେନ୍ଦ୍ର ଦ୍ୱାଦଶ ଶ୍ରେଣୀରେ ପଢୁଛନ୍ତି ଓ ଆଇଏଏସ୍ ଅଫିସର୍ ହେବାକୁ ଲକ୍ଷ୍ୟ ରଖିଛନ୍ତି।
