ବର୍ଜ୍ୟ ବସ୍ତୁର ପୁନଃ ଉପଯୋଗ କରି ପରିବେଶ ରକ୍ଷା କରିବା ସହ କୃଷକମାନଙ୍କୁ ଲାଭ ଦେଉଛନ୍ତି ଆସାମର ସୁମନ ତରଣ। ସେ ଗହମ ନଡ଼ାରୁ ପ୍ରସ୍ତୁତ କରୁଛନ୍ତି ଷ୍ଟ୍ର। ପ୍ଲାଷ୍ଟିକ ଷ୍ଟ୍ର ମାଟିରେ ମିଶିବା ଲାଗି ୨୦୦ ବର୍ଷ ଲାଗୁଥିବାବେଳେ ଏହିି ଷ୍ଟ୍ର ମାତ୍ର ୬ ମାସରେ ମିଶିଯାଉଛି। ବଜାରରେ ଉପଲବ୍ଧ ଧାତବ, ବାଉଁଶ ଓ ପେପର ଷ୍ଟ୍ରର ଦାମଠାରୁ ଏହା ପୂରା ଶସ୍ତା। ଏହାର ମୂଲ୍ୟ ରଖିଛନ୍ତି ୧ ଟଙ୍କା। ଗହମ କାଟି ନେବା ପରେ ବିଲରେ କୃଷକମାନେ ନଡା ପୋଡି ପରିବେଶକୁ ପ୍ରଦୂଷଣ କରିଥାନ୍ତି। ସୁମନ ଏହି ସମସ୍ୟାର ସମାଧାନ କରିବା ଲାଗି ସେମାନଙ୍କଠାରୁ ତାହାକୁ କିଣି ଆଣି ସେଥିରୁ ଷ୍ଟ୍ର ପ୍ରସ୍ତୁତ କରୁଛନ୍ତି। ସୁମନଙ୍କୁ ବର୍ତ୍ତମାନ ବୟସ ୨୮। ସେ କମ୍ପ୍ୟୁଟର ଆପ୍ଲିକେଶନରେ ଡିଗ୍ରୀ କରିଛନ୍ତି। ‘ସେଭେନ ସିଷ୍ଟର କ୍ରାଫ୍ଟ’ ବ୍ରାଣ୍ଡ୍ରେ ସେ ଏହି ଷ୍ଟ୍ରକୁ ବିକ୍ରି କରୁଛନ୍ତି। ଏହାକୁ ସେ ୨୦୧୮ରେ ଆରମ୍ଭ କରିଥିଲେ। କେବଳ ଏତିକି ନୁହେଁ ସେ ବାଉଁଶର ବୋତଲ, ଟୁଥ୍ବ୍ରଶ, ମଗ୍ ଓ ଅସବାବପତ୍ର ମଧ୍ୟ ତିଆରି କରି ଏହି ବ୍ରାଣ୍ଡ୍ରେ ବିକ୍ରି କରୁଛନ୍ତି। ଏଥିରେ ୧୦୦୦ଡିଜାଇନର ୫୦୦ ଉପତ୍ାଦର ବିକ୍ରି କରୁଛନ୍ତି। ଏଥିପାଇଁ ବିଭିନ୍ନ ଗାଁରେ ୧୩୦୦ ଲୋକଙ୍କୁ ବି ନିଯୁକ୍ତି ଦେଇଛନ୍ତି। ସେ ଆମେରିକା ଓ ଅଷ୍ଟ୍ରେଲିଆରୁ ବେଶି ଅର୍ଡର ପାଉଛନ୍ତି। ଏବେ ୫୦,୦୦୦ ଷ୍ଟ୍ର ବିକ୍ରି କରିସାରିଲେଣି। ସେ ବର୍ଷକୁ ୫ ଟନ୍ ଗହମ ନଡା ବର୍ଜ୍ୟକୁ ଉପଯୋଗ କରିବାର ଲକ୍ଷ୍ୟ ରଖିଛନ୍ତି।
