କରୋନା ଭୂତାଣୁ ସଂକ୍ରମଣ ରୋକିବା ଲାଗି ମାସ୍କ ଏକ ପ୍ରମୁଖ ଅସ୍ତ୍ର ଭାବେ କାମ କରୁଛି। ଏଥିତ୍ପାଇଁ ବିଭିନ୍ନ ପ୍ରକାର ମାସ୍କ ତିଆରି କରାଯାଉଛି। ହେଲେ କର୍ନାଟକର ସାମାଜିକ କର୍ମୀ ନୀତିନ ଭାସ୍ଙ୍କ ସିଡ୍ ମାସ୍କ ସମ୍ପୂର୍ଣ୍ଣ ନିଆରା। ମାଙ୍ଗାଲୋରରେ ସେ ‘ପେପର୍ ସିଡ୍ କୋ’ ପ୍ରତିଷ୍ଠା କରି ତା’ମାଧ୍ୟମରେ ମାର୍ଚ୍ଚ ୨୦୨୧ରୁ ଏହି ମାସ୍କ ତିଆରି କରୁଛନ୍ତି। ଏହା ପେପର୍ରେ ପ୍ରସ୍ତୁତ ହେଉଛି। ଏହି ପୁନଃ ଉପଯୋଗକ୍ଷମ ମାସ୍କ ତିଆରି କରିବାରେ ଦକ୍ଷିଣ କନ୍ନଡ ଗ୍ରାମର ଲୋକମାନଙ୍କୁ ସେ ନିଯୁକ୍ତ କରିଛନ୍ତି। ମାସ୍କରେ କପଡ଼ାର ଦୁଇଟି ଷ୍ଟ୍ରାପ୍ ଲଗାଯାଇ ସେଥିରେ ମଞ୍ଜି ଖଞ୍ଜାଯାଉଛି ଓ ଏଥିରେ ତୁଳସୀ, ଟମାଟୋ, ଭେଣ୍ଡି ଓ ଅନ୍ୟ ପରିବା ମଞ୍ଜି ଖଞ୍ଜାଯାଉଛି। ସିଡ୍ ମାସ୍କ ମାଟିରେ ପକାଇଲେ ସେଥିତ୍ରୁ ଗଛ ଉତୁରୁଛି। ସିଡ୍ ମାସ୍କ ସହ ନିମନ୍ତ୍ରଣ ପତ୍ର, ନୋଟ୍ପ୍ୟାଡ, ଭିଜିଟିଂ କାର୍ଡ ଏବଂ ପାମ୍ପଲେଟ ଆଦି ନୀତିନଙ୍କ କମ୍ପାନୀରୁ ପ୍ରସ୍ତୁତ କରାଯାଉଛିି। ଏସବୁକୁ ମାଟିରେ ଫିଙ୍ଗିବା ପରେ ବି ସେଥିତ୍ରୁ ଗଛ ହେଉଛି। ମାସ୍କ ପ୍ରସ୍ତୁତିରେ ନିଯୁକ୍ତ ଯୁବକ ଓ ମହିଳାମାନେ କଞ୍ଚାମାଲ ଯୋଗାଉଛନ୍ତି। ଏମାନଙ୍କ ମଧ୍ୟରୁ ଅନେକେ ଘରେ ରହି କାମ କରୁଛନ୍ତି। ଏବେ ସୁଦ୍ଧା ‘ପେପର୍ ସିଡ୍ କୋ’ ମାସ୍କ ପାଇଁ ୨ ଲକ୍ଷ ଅର୍ଡର ପାଇସାରିଲାଣି। ୧୦୦୦ଟି ଅର୍ଡର ଉପରେ ମାସ୍କ ଯୋଗାଇ ଦିଆଯାଇଛି ଓ ଅବଶିଷ୍ଟ ପାଇଁ କାର୍ଯ୍ୟ ଜାରି ରହିଛି ବୋଲି କହନ୍ତି ନୀତିନ। ମାସ୍କର ମୂଲ୍ୟ ୨୫ ଟଙ୍କା ରଖାଯାଇଛି।
