କର୍ନାଟକର ମହିଳା ଚାଷୀ ରୋଜା ରେଡ୍ଡୀଙ୍କ ସଫଳତା ଏକ ଉଦାହରଣ ସୃଷ୍ଟି କରିଛି। ସେ କର୍ପୋରେଟ ଚାକିରି ଛାଡ଼ି ଜୈବିକ ଚାଷରୁ ବର୍ଷକୁ ୧ କୋଟି ଟଙ୍କା ରୋଜଗାର କରୁଛନ୍ତି। ୨୮ ବର୍ଷିଆ ରୋଜା କର୍ନାଟକର ଡୋନେହାଲି ଗାଁରେ ଏହି ଚାଷ କରୁଛନ୍ତି। ରୋଜା ଇଞ୍ଜିନିୟରିଂରେ ଡିଗ୍ରୀ ହାସଲ କରି ବେଙ୍ଗାଲୁରୁରେ ଚାକିରି କରିଥିଲେ। କୋଭିଡ୍ ସମୟରେ ଘରକୁ ଫେରି ସେ ଚାଷ କରିବାକୁ ନିଷ୍ପତ୍ତି ନେଇଥିଲେ। ଘରେ ରହି ଅଫିସ କାମ କରିବା ସହ ଅପରାହ୍ନରେ ଜମିରେ କାମ କରୁଥିଲେ। ପରେ ଚାକିରି ଛାଡ଼ି ୫୦ ଏକରରେ ୨୦ ପ୍ରକାର ପରିବା ଚାଷ କରୁଛନ୍ତି। ପ୍ରତିଦିନ ୫୦୦ରୁ ୭୦୦ କେ.ଜି. ପରିବା ଉପତ୍ାଦନ କରୁଛନ୍ତି। ରାସାୟନିକ ଚାଷରେ ଉର୍ବରତା ହରାଇ ପଡ଼ିଆ ପଡ଼ିଥିବା ୬ ଏକର ପୈତୃକ ଜମିରେ ପ୍ରଥମେ ସେ ଚାଷ ଆରମ୍ଭ କରିଥିଲେ। ରୋଜା କେବଳ ଚାଷରେ ଅଟକି ନାହାନ୍ତି, ସେ କର୍ନାଟକର ବିଭିନ୍ନ ଅଞ୍ଚଳକୁ ଯାଇ କୃଷକମାନଙ୍କୁ ଜୈବିକ ଚାଷ ପାଇଁ ସଚେତନ କରୁଛନ୍ତି। ଏବେ ସୁଦ୍ଧା ୫୦୦ରୁ ଅଧିକ କୃଷକଙ୍କୁ ଜୈବିକ କୃଷିରେ ସାମିଲ କରିସାରିଲେଣି।
