ତିରୁଭାନନ୍ତପୁରମ୍, ୧୧।୫ : ଫୁଡ୍ ପଏଜନିଂ ଘଟଣାରେ କେରଳରୁ ଚିନ୍ତାଜନକ ଖବର ଆସିଛି। ରାଜ୍ୟର ବହୁ ସ୍ଥାନରେ ଟମାଟୋ ଫ୍ଲୁ ମାମଲା ଦେଖିବାକୁ ମିଳିଛି। ଅଦ୍ୟାବଧି ଏହି ଭାଇରାଲ ରୋଗ ବହୁ ସଂଖ୍ୟକ ଶିଶୁଙ୍କୁ ସଂକ୍ରମିତ ହୋଇଛି। ସଂକ୍ରମିତ ଶିଶୁଙ୍କ ବୟସ ପାଞ୍ଚ ବର୍ଷରୁ କମ ରହିଥିବା ସ୍ବାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି। ଏହି ସଂଖ୍ୟା ପୁଣି ବଢ଼ିବାର ଆଶଙ୍କାର ରହିଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ଏପର୍ଯ୍ୟନ୍ତ ୮୦ରୁ ଅଧିକ ଶିଶୁ ଏହି ଭାଇରାଲ ରୋଗର ଶିକାର ହୋଇଛନ୍ତି।
କେରଳର ଜିଲାଗୁଡ଼ିକରେ ଟମାଟୋ ଫ୍ଲୁକୁ ରୋକିବା ପାଇଁ ତାମିଲନାଡୁ-କେରଳ ସୀମାରେ ଥିବା ଭାଲେୟାରଠାରେ ଜ୍ୱର, ଶରୀରରେ ବିଭିନ୍ନ ଚିହ୍ନ ଏବଂ ଅନ୍ୟାନ୍ୟ ରୋଗ ପରୀକ୍ଷା କରାଯାଉଛି। ସେହିପରି କୋଏମ୍ବାଟୁରରେ ପ୍ରବେଶ କରୁଥିବା ଲୋକଙ୍କୁ ଡାକ୍ତରୀ ଦଳ ପରୀକ୍ଷା କରୁଛନ୍ତି।
ଏହି ଟିମ ଦୁଇଜଣ ମେଡିକାଲ ଅଧିକାରୀଙ୍କ ଦ୍ୱାରା ପରିଚାଳିତ ହେଉଛି। ବିଶେଷକରି ପିଲାମାନଙ୍କୁ ସ୍କ୍ରିନିଂ କରାଯାଉଛି। ଏହା ବ୍ୟତୀତ ଅନ୍ୟ ୨୪ ଜଣିଆ ଟିମ ଗଠନ କରାଯାଇଛି। ସେମାନେ ଅଙ୍ଗନୱାଡିରେ ପାଞ୍ଚ ବର୍ଷରୁ କମ ପିଲାମାନଙ୍କୁ ପରୀକ୍ଷା କରୁଛନ୍ତି।
ଟମାଟୋ ଫ୍ଲୁ ଏକ ଅଜ୍ଞାତ ଜ୍ୱର। ଏହା ମୁଖ୍ୟତଃ କେରଳରେ ପାଞ୍ଚ ବର୍ଷରୁ କମ ବୟସର ପିଲାମାନଙ୍କଠାରେ ଦେଖାଯାଏ। ଏହି ଫ୍ଲୁରେ ଆକ୍ରାନ୍ତ ହେବା ପରେ ପିଲାମାନଙ୍କ ଶରୀରରେ ଦାଗ ଓ ଫୁଲା ସୃଷ୍ଟି ହୋଇଥାଏ। ଏହି ଚିହ୍ନଗୁଡ଼ିକ ସାଧାରଣତଃ ଲାଲ ରଙ୍ଗର ହୋଇଥାଏ। ଯେଉଁଥିପାଇଁ ଏହାକୁ ଟମାଟୋ ଫ୍ଲୁ କୁହାଯାଏ।
ଖବର ଅନୁଯାୟୀ, ଏହି ରୋଗ ଭାଇରାଲ ଜ୍ୱର କି ଚିକେନଗୁନିଆ କିମ୍ବା ଡେଙ୍ଗୁ ପରବର୍ତ୍ତୀ ପ୍ରଭାବ ବୋଲି ସେନେଇ ପରୀକ୍ଷଣ ଜାରି ରହିଛି ବିତର୍କ ଚାଲିଛି। କେରଳ କେତେକ ଅଞ୍ଚଳରେ ଏହି ରୋଗ ଚିହ୍ନଟ ହୋଇଛି। କିନ୍ତୁ ଏହାକୁ ରୋକିବା ପାଇଁ ପଦକ୍ଷେପ ଗ୍ରହଣ କରା ନ ଗଲେ ଏହା ବିସ୍ତାର ହୋଇପାରେ ବୋଲି ସ୍ବାସ୍ଥ୍ୟ ଅଧିକାରୀ ଚେତାବନୀ ଦେଇଛନ୍ତି।
ଏହି ରୋଗର ମୁଖ୍ୟ ଲକ୍ଷଣ ହେଉଛି ଶରୀରରେ ଲାଲ୍ ରଙ୍ଗର ଦାଗ, ଫୁଲା,ଏହାବ୍ୟତୀତ କେତେକ ଚର୍ମ ସମସ୍ୟା ଏବଂ ଡିହାଇଡ୍ରେଶନ ମଧ୍ୟ ହୋଇପାରେ। ସଂକ୍ରମିତ ଶିଶୁଙ୍କୁ ପ୍ରବଳ ଜ୍ୱର, ଶରୀରରେ ଯନ୍ତ୍ରଣା, ଫୁଲା ଗଣ୍ଠି, ଥକାପଣ, ବାନ୍ତି, ହାତ, ଆଣ୍ଠୁ, କାଶ, ଛିଙ୍କିବା ଏବଂ ନାକରୁ ପାଣି ବୋହିବା ଭଳି ସମସ୍ୟା ସୃଷ୍ଟି ହୋଇଥାଏ।
